Vahid nəqliyyat kart sistemi niyə işləmədi?

Tarix: 22.08.2014 / 08:55
Bölmə: Sosial

Sərnişindaşıma sahəsində qayda-qanun yaratmaq üçün göstərilən səylər hələ də nəticə vermir. Nəqliyyat Nazirliyinin bəzi marşrut xətlərini ləğv, bəzi xətlərdə isə dəyişikliklər etməsi, sərnişin nəqliyyatı ilə bağlı keçirilən reydlər də gözləntiləri doğrultmur.
Dövlətin külli miqdarda vəsait xərcləyərək qurduğu nəqliyyatın intellektual idarəetmə sistemi tam işləmir. Neçə vaxt idi avtobuslarda və metroda vahid kart sisteminin tətbiq olunacağı deyilirdi. Bunda məqsəd sərnişinlərin rahatlığını təmin etmək idi. Ancaq gözləntilərə rəğmən, sonda məlum oldu ki, gözləməyə dəyməz.
Belə ki, bu günlərdə Nəqliyyat Nazirliyi Katibliyinin müdiri Namiq Həsənov mətbuata açıqlamasında kart sisteminin bütün nəqliyyat növlərində istifadəsinin mümkün olmayacağını bildirib: "Nəqliyyat Nazirliyi tərəfindən Bakı Metropoliteni ilə birgə nəqliyyatda vahid kart sisteminin tətbiqi mümkün olmayacaq. Buna səbəb metronun tam ayrı struktur olması və orada tətbiq olunan kart sisteminin tamamilə fərqli formada çalışmasıdır. Əvvəlcə metro kartlarının ictimai nəqliyyatda da tətbiq olunması nəzərdə tutulub. Lakin hazırda bu mümkün deyil. Çünki hər iki qurumda kartların tətbiq olunduğu texnologiyalar fəqlidir. Yeni quraşdırılan validatorlar master kart vasitəsilə idarə olunur. Avtobuslar üçün nəzərdə tutulan kartlardan yalnız taksilərdə, ictimai-iaşə müəssisələrində və avtobuslarda istifadə etmək olar"
Halbuki, əksər ölkələrdə vahid kart sistemi tətbiq olunur və bütün nəqliyyat növlərində həmin kart işlək olur.
Maraqlıdır, sözügedən layihə bizdə niyə reallaşmır?
Sözügedən məsələni dəyərləndirən iqtisadçı-ekspert Vüqar Bayramov hesab edir ki, əslində vahid kart sisteminin tətbiqi mümkün variant idi: "Vahid kart sistemindən söhbət gedirdisə, bu, ictimai nəqliyyatın bir və ya bir neçə növünə deyil, hamsına tətbiq olunmalı idi. Bu baxımdan vahid kart sisteminin tətbiqi həm də "Bakı Metropoliteni" QSC-nin vahid kart sistemindən istifadəsinə gətirib çıxarmalı idi. Ancaq mövcud qanunvericiliyə görə, "Bakı Metropoliteni" QSC Nəqliyyat Nazirliyinə tabe deyil və ayrıca bir qurumdur, müstəqil statusa malikdir. NN metro ilə bağlı hər hansı qərar verə bilmir. Vahid kart sisteminin bütün nəqliyyatda istifadəsi üçün "Bakı Metropoliteni" QSC-nin statusunun dəyişməsinə ehtiyac var. Həmçinin, bu qurumun maliyyə statusuna baxmaq lazım olacaq".
Ekspertin fikrincə, bu sistem ictimai nəqliyyatda güzəştlərin tətbiq edilməsinə də imkan verə bilərdi: "Vahid kart sistemi tətbiq edilən zaman artıq həftəlik, aylıq biletlər və kartlar tətbiq ediləcək. Sərnişin həftəlik və aylıq kart almaqla müəyyən məbləğə güzəşt əldə edəcək. Ancaq Azərbaycanda bu sistemin effekt verib-verməyəcəyini indidən proqnozlaşdırmaq çətindir. Əslində bu müasir sistemdir və çox da əlverişlidir. Bilirsiniz ki, Azərbaycanda nəqliyyatın intellektual idarəetmə sistemi yaradıldı və bu prosesə milyonlarla vəsait xərcləndi. Lakin intellektual idarəetmə sisteminin faydası haqqında heç bir fikir söyləmək mümkün deyil. Düzgün tənzimlənmədiyi təqdirdə vahid ödəmə sistemi də heç bir effekt verməyəcək. Əksinə, onun fəsadları artacaq. Bu sistem xaricdə tətbiq olunur və effekt verirsə, deməli, Azərbaycanda da mümkündür, sadəcə, işi tam görmək lazımdır".

DİGƏR XƏBƏRLƏR

Tarix: 13.07.2026 / 21:57

Fərdi evlər və mənzil qapılarında qoyulmuş kameralar söküləcək?

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...