Şou müğənnilər yenə yol polisinin üstünə ayaq açdılar

Tarix: 22.08.2014 / 02:18
Bölmə: Sosial

Şou-biznes nümayəndələri hər zaman dava-dalaşla gündəmdə qalmağa üstünlük verir. Bəzi şou müğənniləri bir-birinə söz atmaqla və ya əlbəyaxa davaya çıxmaqla gündəmdə olublar. Amma bir qisim müğənnilər də var ki, onlar öz populyarlığından istifadə edərək yol polisinə qarşı sərt münasibət sərgiləyir.
Yol hərəkəti qaydalarına riayət etməyən sürücüləri saxlamaq yol polislərinin vəzifə borcudur. Onlar öz vəzifə borcunu həyata keçirməklə məşğul olsalar da, bəzi müğənnilər yol polislərinə maneçilik törədir.
Elə bu günlərdə tanınmış müğənni Nadir Qafarzadə ilə polislər arasında qarşıdurma olub. Hüquq-mühafizə orqanlarının məlumatına görə, müğənni Sabunçu rayonu Maştağa qəsəbəsi ərazisindəki 1 saylı Ruhi Əsəb Dispanserində xidmət aparan mühafizə polisinin əməkdaşları ilə dalaşıb. Bəlli olmayan səbəblərdən müğənni ilə asayiş keşikçiləri arasında narazılıq yaranıb. Bu zaman N.Qafarzadə polislərə qarşı kobudluq edib, onları söyüb. Dərhal hadisə yerinə Sabunçu Rayon Polis İdarəsi 14-cü Polis Bölməsinin əməkdaşları gəlib. Müğənni bölməyə aparılıb və izahatı alındıqdan sonra sərbəst buraxılıb.
Bildirilir ki, əvvəlcə tanınmış müğənniyə Sabunçu Rayon Polis İdarəsində Cinayət Məcəlləsinin "xuliqanlıq" maddəsi ilə iş başlanıb. Lakin çox keçmədən cinayət işinin istintaqı dayandırılıb və işə xitam verilib. Xuliqanlıq əməli ilə bağlı materiallar isə 14-cü Polis Bölməsinin təhqiqat şöbəsinə göndərilib. Hazırda müğənninin əməli ilə bağlı Polis Bölməsində araşdırmalar aparılır.
Qeyd edək ki, polislərlə əlbəyaxa davaya çıxan müğənni tək Nadir Qafarzadə deyil.
Bir neçə il öncə müğənni Rəqsanə İsmayılova da yol polisinə qarşı kobud hərəkət etmişdi. Həmin ərəfədə müğənninin avtomobili yüksək sürətlə yol getdiyi üçün radara düşüb və maşının şüşələri qara rəngli plyonka ilə örtülü olduğu üçün yol polisi Rəqsanənin maşınının cərimə meydançasına aparılmalı olduğunu deyən zaman ifaçı olay çıxarmışdı.
Növbəti analoji hadisə müğənni Nüşabə Ələsgərli tərəfindən yaşanıb. Qırmızı işıqda dayanmayan sənətçi onu saxlayan yol polisinə tabe olmaq istəməyib. Bu zaman N.Ələsgərli ilə yol polisi arasında növbəti qalmaqal baş verib.
Müğənni şöhrətindən istifadə edərək yol hərəkəti qaydalarına riayət etməyən müğənnilərdən biri də Elnarədir ki, hər fürsətdə kobudluqdan da çəkinmir.
Son günlərdə isə şou müğənnisilə bağlı daha bir fakt ortaya çıxıb. Belə ki, müğənnilərdən biri kobud qayda pozuntusuna yol verərək bölməyə aparılan sürücü rəfiqəsinin ardınca həmin bölməyə gələrək yol polislərinə olmazın həqarətlər yağdırıb, öz hərəkətləri ilə hər cür etik çərçivəni aşıb. Qeyd edək ki, bu müğənninin adı bizə bəllidir, sadəcə etik davranaraq onun adını yazmadıq.
Məsələ burasındadır ki, bəzi müğənnilər idarə etdikləri avtomobili necə gəldi sürməklə elə düşünürlər ki, müğənnilikdən əldə etdikləri şöhrət sayəsində heç kim onlara güldən ağır söz deməyəcək. Amma qanun hər kəs üçündür, istər müğənni, istərsə də artist olsun.
Ekspertlər qanuna əməl etməyən sənətçilərin cərimələnməsi və ya onlar haqqında cinayət işi açılmasını istəyir.
"Təhlükəsizlik Yol" Alyansının koordinatoru Şahin Camalov "Bakı-Xəbər"ə açıqlamasında qeyd etdi ki, son günlər tanınmış şəxslər, xüsusən də müğənnilər yol hərəkəti qaydalarını kobud surətdə pozurlar: "Onlar yol hərəkəti qaydalarına riayət etməməklə yanaşı, hüquq-mühafizə orqanlarına qarşı kobud davranışlar etməkdən belə çəkinmirlər. Müğənnilərin bu hərəkətləri barədə mətbuatda xəbərlər verilir".
Müsahibimizin sözlərinə görə, bu məsələdə dövlət öz mövqeyini ortaya qoymalıdır: "Bu tip şəxslərə dövlətin sərt üzünün göstərilməsinin tərəfdarıyam. Hesab edirəm ki, hüquq-mühafizə orqanları əməkdaşlarına əl qaldıran və ya onları təhqir edən müğənnilər ən ağır şəkildə cəzalandırılmalıdır. Xüsusilə Daxili İşlər Nazirliyi öz əməkdaşlarının hüquqlarını müdafiə etməlidir ki, gələcəkdə bu tip hallar bir daha baş verməsin".
Həmsöhbətimizin fikrincə, burada ayrı-ayrı polis orqanlarının rəhbərlərinə də əhəmiyyətli dərəcədə yük düşür: "Onlar dərk etməlidirlər ki, Nadir Qafarzadəyə hər hansı səbəbdən (bu xüsusi simpatiya ola bilər, hörmət ola bilər, kimlərinsə müraciəti əsasında ola bilər və ya nəyinsə müqabilində ola bilər) edilən güzəşt polisi hörmətdən salır. Ona görə də bir daha vurğulayıram ki, bu tip hallara ən ciddi və sərt şəkildə reaksiya verilməlidir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...