Dəbdəbəli yas mərasimlərinə qarşı mübarizənin yeni mərhələsi başlayır

Tarix: 22.08.2014 / 06:08
Bölmə: Sosial

Azərbaycanda uzun illərdir az qala ictimai bəlaya çevrilmiş israfçı yas mərasimlərinə son qoyulur. Özü də birbaşa dövlətin müdaxiləsi ilə. Mətbuatda gedən məlumatlara görə, artıq hökumət yas mərasimlərində həddən artıq israfçılığa səbəb olan ehsan süfrələri "adətini" ləğv etməyə qərar verib.
Bu günlərdə Bakı şəhərinin rayonlarında yerli ruhanilər, dini icma rəhbərləri rayon icra hakimiyyətlərinə dəvət olunub. Rayon rəhbərliyi səviyyəsində ruhanilərə bildirilib ki, artıq bundan sonra yas mərasimlərində ehsan süfrəsində xörək, meyvə və bu kimi digər qidaların verilməsi qadağan olunur. Yas mərasimlərində ehsan süfrələrinə yalnız çay verilə bilər.
Din xadimlərinə o da bildirilib ki, uzun illər hökumət bu sahədə tənzimlənmənin olmasına çalışıb, ancaq təbliğat və ya çağırışla bu mümkün olmayıb. Buna görə də artıq qərar məcburi olacaq və yas mərasimlərində yemək vermək qadağan ediləcək. O da bildirilib ki, bu məsələ birbaşa ölkə başçısının diqqətindədir, yas məclislərində israfçılığın aradan qaldırılması üçün din xadimlərinin dəstək verməsi, insanlara çağırış etməsi tövsiyə olunub.
Qeyd edək ki, Azərbaycanda bir neçə dəfə yas mərasimlərindəki israfçılığın qarşısını almaq cəhdləri olsa da, bu nəticəsiz qalıb. Yalnız Naxçıvanda yerli rəhbərliyin sərt qadağası nəticəsində muxtar respublikada yas mərasimlərində ehsan süfrələri qənd-çayla məhdudlaşdırılıb. İndi isə analoji qayda bütün ölkə boyu tətbiq ediləcək. Uzun illər Azərbaycanda mütərəqqi din xadimləri, mətbuat bu sahədə çağırışlar etsə də, xalq arasında formalaşmış ehsan süfrələri ənənəsini aradan qaldırmaq mümkün olmayıb. Bu ənənəni aradan qaldırmaq üçün yeganə yol məcburiyyət, yəni bu adətin məcburi qaydada xüsusi qadağası ola bilərdi. Hökumətin bu addımının mütərəqqi din xadimləri, ziyalılar və ölkə əhalisinin böyük hissəsində rəğbətlə qarşılanacağı şəksizdir.
Şərqşünas Seyid Camal Əzimbəyli qəzetimizə açıqlamasında bildirdi ki, bu olduqca ciddi bir məsələdir və həlli mütləq vacibdir. Müsahibimizin sözlərinə görə, "Bakı-Xəbər" qəzeti bu mövzu istiqamətində hər zaman maarifləndirmə işləri aparıb":Artıq bütün bu təbliğatın bəhrəsi görünməyə başlayıb. Gedən prosesdən mənim də məlumatım var. İcra strukturlarının məsələyə müdaxiləsi olduqca zəruridir. Çünki maarifləndirmə ilə aparılan işlər lazım olan nəticəni vermədi. Belə bir praktikanın ilk olaraq Naxçıvanda tətbiqini mən təqdir etmişdim. Göründü ki, yerli əhali də həmin qərara böyük dəstək verdi. İslam dini israfı haram buyurub. Biz ölülərimiz üçün savab əldə etmək istəyiriksə, bunu şöhrətlə qarışdırmamalıyıq. Belə bidətlər dinimizi də, milli mənəviyyatımızı da ləkələyir. Artıq restoranlarda bu sahə üzrə bir biznes şəbəkəsi qurulub. Kiminsə ölüsü ilə pul qazanmaq da yaxşı deyil. Vəziyyət o yerə çatıb ki, insanlar faizə girib ölülərinə dəbdəbəli yas keçirməyə məcbur olur. İnsanlara üz verən kədər onsuz da onları incidir. Bunun sırasına başqa bir problemin əlavə edilməsi isə heç də yaxşı deyil. Dövlətin bu istiqamətdə görəcəyi işləri tam təqdir edirəm və bəyənirəm, lazım olan dəstəyi də ifadə etməyə hazıram".

DİGƏR XƏBƏRLƏR

Tarix: 13.07.2026 / 21:57

Fərdi evlər və mənzil qapılarında qoyulmuş kameralar söküləcək?

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...