Rayonlarda insan alveri qurbanları üçün xüsusi sığınacaqların yaradılması necə gedir?

Tarix: 21.08.2014 / 11:25
Bölmə: Sosial

Bakı da daxil olmaqla bölgələrdə insan alveri qurbanları üçün sığınacaq evləri və sosial reabilitasiya mərkəzlərinin yaradılması nəzərdə tutulub. Əmək və Əhalinin Sosial Müdafiəsi Nazirliyinin yaydığı məlumata görə, insan alveri qurbanları üçün regionlarda sosial reabilitasiya, sosial xidmət və yardım mərkəzləri, sığınacaqlar yaradılacaq.
Qurbanlara hüquqi, tibbi, psixoloji, sosial və digər yardımlar göstəriləcək.
Qeyd edək ki, Prezidentin 24 iyul 2014-cü il tarixli Sərəncamı ilə "Azərbaycan Respublikasında insan alverinə qarşı mübarizəyə dair 2014-2018-ci illər üçün Milli Fəaliyyət Planı"nın tədbirlər planı təsdiqlənib.
Tədbirlər planında insan alverinin qurbanı olma risqinin azaldılması məqsədilə həssas qrupa aid qadın və uşaqların hüquqi və sosial müdafiəsinin gücləndirilməsi istiqamətində təkliflərin hazırlanması, "İnsan alverinə şərait yaradan sosial problemlərin aradan qaldırılması üzrə Proqram"ın təkmilləşdirilməsi nəzərdə tutulur.
Bununla yanaşı, uşaq əməyinə dair beynəlxalq konvensiyalardan, həmçinin, Beynəlxalq Əmək Təşkilatının sənədlərindən irəli gələn öhdəliklərin icrası üzrə tədbirlərin gücləndirilməsi, insan alverinin qurbanı olma risqinin azaldılması məqsədilə sosial cəhətdən həssas ailələrin və daimi yaşayış yerindən məhrum şəxslərin yerli icra hakimiyyəti orqanları tərəfindən qeydiyyata götürülməsi və müvafiq tədbirlərin görülməsi üçün aidiyyəti orqanlara yönəldilməsi təmin olunacaq.
Sənəddə əmək miqrasiyasına nəzarətin gücləndirilməsi, insan alverinin potensial qurbanlarının ictimai faydalı əməyə cəlb edilməsi, məşğulluğunun təmin edilməsi, insan alverindən zərər çəkmiş şəxslərin işə götürülməsi üçün sahibkarların həvəsləndirilməsi məqsədilə müvafiq tədbirlərin həyata keçirilməsi nəzərdə tutulur.
Dövlətin himayəsində olan uşaqların yetkinlik yaşına çatdıqdan sonra insan alveri risqi qrupuna daxil olmaması məqsədilə onlara sosial-hüquqi və sosial-psixoloji xidmətlər, sosial-məsləhət yardımı göstəriləcək. İnsan alveri və məcburi əmək qurbanlarının, o cümlədən insan alverinin qurbanı olan uşaqların, əcnəbi və ya vətəndaşlığı olmayan şəxslərin müəyyən edilməsi istiqamətində tədbirlər müəyyənləşdirilib.
Bölgələrdə insan alveri qurbanları üçün sosial reabilitasiya mərkəzlərinin yaradılması mövzusunda "Təmiz Dünya" Qadınlara Yardım İctimai Birliyinin sədri Mehriban Zeynalova ilə söhbət etdik.Onun dediyinə görə, insan alverinin qurbanı olan qadınlar üçün sosial reabilitasiya mərkəzinin yaradılması sevindiricidir. Reabilitasiya mərkəzlərinin tək paytaxtda deyil, bölgələrdə də olması ikiqat sevincdir: "Çünki insan alverinin qurbanı olan bəzi qadınlar paytaxtda yaşamaq istəmir. Belə olan halda, rahat şəkildə rayonlarda yaşaya bilərlər. Onların həmin mərkəzlərdə yaşaması üçün hər bir şərait yaradılır. İlk növbədə insan alverinin qurbanı olan qadınlara yaşadıqları bütün çətin anları unutdurmaq üçün psixoloji dəstək olunur. Sonra qadınların məşğuliyyəti üçün onları müəyyən kurslara yönləndirirlər. Həmin kurslarda qadınların hansı sahəyə marağı olduğu müəyyən olunur. Beləliklə, qadınlar işlə də təmin olunur".
M.Zeynalova onu da əlavə etdi ki, ailədə zorakılığa məruz qalanlar üçün xüsusi reabilitasiya mərkəzləri olmalıdır. Ailəni qoruyub saxlamaq vacib olduğundan, mübahisəli ailələrə düşünmə dövrü üçün mərkəzlər yaradılmalıdır: "Bu mərkəzlərdə problemli ailələr psixoloji və hüquqi yardım almalıdır. Bundan başqa, istiqamətləndirmə və yardım mərkəzləri də fəaliyyət göstərməlidir. Belə mərkəzlərin regionlarda açılması mütləqdir".
Həmsöhbətimiz onu da əlavə etdi ki, "Təmiz Dünya" Qadınlara Yardım İB zorakılığa məruz qalmış qadınlara təmənnasız psixoloji, tibbi və hüquqi yardımlar göstərməklə yanaşı, həm də insan alveri və ailədə zorakılığa məruz qalmış qadınların reabilitasiyası və reinteqrasiyası ilə məşğuldur.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...