Ekspert tikintidə əmək xəsarətləri barədə rəqəmə şübhə etdi

Tarix: 15.08.2014 / 01:52
Bölmə: Sosial

Əmək və Əhalinin Sosial Müdafiəsi Nazirliyi bu ilin iyul ayında qeydə alınan istehsalatla əlaqəli bədbəxt hadisələrin sayını açıqlayıb. Dövlət Əmək Müfəttişliyi Xidmətindən mətbuata verilən məlumata görə, Xidmət tərəfindən iş yerlərində əməyin mühafizəsinin qanunvericiliyə uyğun təşkilinə dövlət nəzarətinin gücləndirilməsi nəticəsində hadisələrin sayı ötən ilin müvafiq dövrü ilə müqayisədə 48 faiz azalaraq 11-ə enib.
İstehsalatla əlaqəli qrup halında baş verən bədbəxt hadisələrin sayı isə 50 faiz azalaraq 1-ə düşüb. İstehsalatla əlaqəli bədbəxt hadisələr nəticəsində dünyasını dəyişənlərin sayı 55,5 faiz azalmaqla 4 nəfər, xəsarət alanların sayı isə 46,6 faiz azalmaqla 8 nəfər təşkil edib.
Baş vermiş istehsalat qəzaları ilə bağlı DƏMX tərəfindən əmək qanunvericiliyinə müvafiq şəkildə tədbirlər görülüb.
Onu da qeyd edək ki, qurum tərəfindən qeydə alınan istehsalatda bədbəxt hadisələrin sayı 2012-ci illə müqayisədə 26,8% azalaraq 2013-cü ildə 155-ə enib.
Həmin hadisələr nəticəsində dünyasını dəyişənlərin sayı 13% azalmaqla 2013-cü ildə 71 nəfər, xəsarət alanların sayı isə 24% azalmaqla 120 nəfər təşkil edib.
İstehsalat qəzalarının tikinti sektoruna aid göstəricilərində də azalma özünü göstərib. Belə ki, ötən il tikinti sektorunda 51 istehsalat qəzası baş verib və bu qəzalar nəticəsində 27 nəfər dünyasını dəyişib, 28 nəfər xəsarət alıb. Bu göstəricilər 2012-ci ildəki ilə müqayisədə müvafiq olaraq 3,7, 25 və 48 faiz azdır.
Maraqlıdır, istehsalatla əlaqəli bədbəxt hadisələrin sayının belə kəskin azalmasının kökündə nə dayanır? Bəlkə bu tip qəzalar gizlədildiyindən rəqəmlər aşağıdır? Zatən sahibkarlar çox vaxt belə halları gizlətməyə çalışır.
Vətəndaşların Əmək Hüquqlarını Müdafiə Liqasının sədri Sahib Məmmədov hesab edir ki, bu sahədə vəziyyət o qədər də yaxşı deyil. Onun fikrincə, xüsusən tikinti sahəsi ən risqli qrup olaraq qalmaqdadır: "Bütün sahələr 14 risq qrupu üzrə bölünüb. Ən risqli sahə tikinti sahəsi qalmaqda davam edir. Müqayisə üçün deyim ki, sovet vaxtında ən təhlükəsiz yer tikinti idi. Təhlükəli yeraltı, şaxtada aparılan işlər sayılırdı. Bina tikintisi, bir qayda olaraq, təhlükəli iş yeri sayılmır. Ancaq bizdə ən təhlükəli yer tikintidir. Çünki ölüm halları burda çox yüksəkdir".
Ekspert istehsalatda baş verən bütün bədbəxt hadisələrin 90 faizinin uçota alınmadığını, gizlədildiyini deyir. Açıqlanan yalnız ölüm hadisələri və ağır travmalardır, onu da bacaranda gizlədirlər: "Rəsmi məlumata görə, ağır travmalar və ölüm hadisələrinin sayı 200-ə çatır. Halbuki, əslində bu dəfələrlə çoxdur. Belə hadisələrin sayı illik 5-10 faiz aşağı-yuxarı ola bilər, amma ümumi dəyişiklik yoxdur. Ona görə də vəziyyəti yaxşı adlandırmaq olmaz".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...