Bakı metrosunun vaqonlarında kondisioner və havalandırma sistemlərinin işləməməsi ciddi səbəblərlə bağlıdır

Tarix: 13.08.2014 / 01:48
Bölmə: Sosial

"Bakı Metropoliteni" isti yay günlərində vaqonlarda kondisionerlərin və havalandırma sistemlərinin işləməməsinin səbəblərini açıqlayıb.
"Bakı Metropoliteni" Qapalı Səhmdar Cəmiyyətinin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev "Trend"ə bildirib ki, hazırkı tunellərdə kondisionerli vaqonlardan istifadə etmək mümkün deyil. Çünki sovet dövründə tikilən həmin tunellərin inşası zamanı kondisionerli vaqonlardan istifadə üçün tələb olunan texniki parametrlər nəzərə alınmayıb. Ona görə də mövcud "Yaşıl" ("Dərnəgül"- "Xətai") və "Qırmızı" ("Həzi Aslanov"-"İçərişəhər") xətlərdə kondisionerli vaqonlardan istifadə etmək texniki cəhətdən mümkün deyil: "Kondisionerli vaqonlardan istifadə etmək üçün hazırkı tunellərdə iş aparmaq çox çətindir. Ola bilər ki, texniki parametrləri uyğunlaşdırmaq üçün gələcəkdə bu tunellərdə əlavə işlər görülsün. Nəzərdən keçirilən variantlar arasında, təbii ki, bu da var".
Metropoliten rəsmisi qeyd edib ki, yeni tikiləcək stansiyalarda - "Bənövşəyi" ("Avtovağzal"-"Qaraçuxur"), "Sarı" ("Binəqədi"-"Bibiheybət") və "Mavi" ("Yeni Yasamal"- "Bakıxanov") xətlərdə bütün texniki parametrlər nəzərə alınacaq. Nəticədə də həmin xətlər üzrə kondisionerli vaqonlardan istifadə etmək mümkün olacaq.
Vaqonların daxilindəki hava ilə bağlı "Bakı Metropoliteni"nə şikayətlərin daxil olduğunu deyən N.Paşayev bildirib ki, əslində, metroda güclü ventilyasiya sistemi var və bu sistem işləyir: "Platformalarda normal hava olur. Tunel və vaqonlardakı havasızlığın aradan qaldırılması - havalandırma sisteminin daha yaxşı işləməsi üçün isə mümkün variantlara baxılır. Bu amili də nəzərə almaq lazımdır ki, Metropoliten strateji obyekt olduğundan, orada bir dəlik açıb havalandırmanı gücləndirmək mümkün deyil. Bunun üçün böyük əmək və uzun müddət tələb edən işlər aparmaq lazımdır".
N.Paşayev bildirib ki, Metropolitendən asılı olmayan səbəblər də vaqonlarda havalandırma sistemlərinin yaxşı işləməməsinə gətirib çıxarır. Metronun havalandırma sistemi yerüstü olduğundan, yəni metronun yuxarısında quraşdırıldığından onun işinə kənar müdaxilələr olur: "Qadağan olunmasına baxmayaraq, bəzən ventilyasiya sistemlərinin yanında zibillər yandırırlar. Hava da sirkulyasiya edəndə həmin tüstülü, pis qoxulu hava metronun içinə daxil olur. Buna görə də dərhal həmin yerdə ventilyasiya sisteminin işini saxlamaq məcburiyyətində qalırıq. Təbii ki, bütün bunlar da öz təsirini göstərir. Biz əhaliyə müraciət edirik ki, Metropolitenin şaxtalarının, ventilyasiya borularının yanında belə işlər görməsinlər, daha diqqətli olsunlar".
Belə problemli yerlərin Bakının, demək olar ki, bütün ərazisində olduğunu xatırladan N.Paşayev əlavə edib ki, bəzi şadlıq saraylarında bişirilən kababın iyi də ventilyasiya boruları vasitəsilə metroya daxil olur. Bu isə vaqonlarda havanı daha da ağırlaşdırır.
Onun sözlərinə görə, "Alstom Transport SA" şirkəti ilə imzalanan memoranduma əsasən, Bakı Metropoliteninin istər yeni inşa olunan "Bənövşəyi", istərsə də əvvəlki ("Yaşıl" və "Qırmızı") xətlərində istifadə etmək üçün yeni, müasir vaqonların alınması nəzərdə tutulub.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...