Tikintini yarımçıq saxlamış çoxmərtəbəli bina sahiblərinə ən ciddi təsir üsulu tapıldı

Tarix: 12.08.2014 / 01:18
Bölmə: Sosial

Bir neçə il öncə paytaxtda sürətlə inkişaf edən tikinti sektorunda birdən-birə zəifləmələr başladı. Bir-birinin ardınca təməli qoyulan çoxmərtəbəli yaşayış binalarının sayı getdikcə azaldı. Halbuki, ilk vaxtlar alıcı kütləsinin çoxluğu səbəbindən tikinti şirkətləri binanı elə vətəndaşların vəsaiti hesabına davam etdirirdi.
Hələ tikinti başa çatmamış binada olan bütün mənzillər satılırdı. Hətta elə hallar olurdu ki, bir mənzil bir neçə nəfərə satılırdı.
Bundan istifadə edən bir çox işbazlar isə, sadəcə, yer alaraq bina tikintisi görüntüsü yaradır və bu yolla vətəndaşların pulunu mənimsəyirdilər. Bu halların nəticəsidir ki, hazırda paytaxtda onlarla yarımçıq bina qalıb. Rəsmi qurumlar artıq həmin binaların bir qisminin söküləcəyini bildirir. Çünki artıq uzun müddətdir yarımçıq qalan həmin binalarda çatlar əmələ gəlib.
Ekspertlər tikintisi yarımçıq qalan binaların sahiblərinin cərimələnməsini və ya həmin inşaatın satışa çıxarılmasını təklif edir.
Əmlak məsələləri üzrə ekspert Nüsrət İbrahimli bizimlə söhbətində bildirdi ki, yarımçıq tikililərin mövcud olması tikinti bazarında ümumi durumun pisləşməsi ilə bağlıdır: "Heç bir sahibkar istəməz ki, müştərini aldatsın və bazarı itirsin. Mənzil almaq arzusunda olan heç kəs də aldanmaq istəməz. Yaranmış problemin əsas səbəblərindən biri tikinti bazarında ümumi durumun pisləşməsi olub. Tikinti şirkətləri 90-cı illərin sonu, 2000-ci illərin əvvəllərində işə başlayanda vətəndaşları da bu prosesə cəlb edirdilər. Yeni tikiləcək binanın bünövrəsi qoyulduqdan sonra orada tikiləcək mənzillərin satışına başlayırdılar. Artıq ilkin mərhələdə binanın yarısı, demək olar ki, satılırdı. Sonrakı işlər də vətəndaşlardan alınan pullar hesabına aparılırdı. Buna görə də sahibkarın bu işə əlavə vəsait cəlb etməsinə ehtiyac qalmırdı. Sonradan isə satış sahəsində yaranan problemlər tikinti şirkətlərini çıxılmaz vəziyyətə saldı. Buna görə də tikinti şirkətlərinin bəziləri başqa yol tapa bilməyib müxtəlif üsullara əl atmağa başladılar. Onların bir hissəsi mənzilləri bir neçə vətəndaşa sataraq işi başa çatdırmaq və aldadılan vətəndaşı isə növbəti tikiləcək binada mənzillə təmin etməyi düşünərək bu addımı atdı. Bəzi tikinti şirkətləri isə yarımçıq qalan binaları başqa şirkətlərə satdı. Həmin alqı-satqı zamanı binada olan mənzillərin satılması ilə bağlı binanı alan şirkətə məlumat verilmədi. Nəticədə həmin binanı alan şirkət də mənzilləri satışa çıxardı. Sonradan isə məlum oldu ki, eyni mənzil bir neçə şəxsə satılıb. Bütun bu halların yaranmasının əsas səbəbi isə tikinti bazarında ümumi durumun pisləşməsidir". Ekspertlər hesab edir ki, hansısa binanın tikintisi yarımçıq qalıbsa, bununla bağlı qərar verilməlidir: "Vətəndaş mənzil almaq üçün pul ödədikdən sonra illərlə gözləməməlidir ki, binanın tikintisi nə zaman tamamlanacaq. Bu tipli binalarla bağlı araşdırma aparılmalıdır. Həmin yarımçıq qalan binaları hansı şirkətin inşa etməyə başlaması, tikintinin hansı səbəbdən davam etdirilməməsi məsələləri dəqiqləşdirilməlidir. Əgər binanı tikən şirkət işləri davam etdirmək niyyətindədirsə, ona konkret vaxt verilməlidir. Bina verilmiş vaxt müddətində standartlara uyğun olaraq tamamlanmalıdır.
Əgər binanı tikən şirkət işi tamamlaya bilmirsə, o halda şərtlər hazırlanaraq bina hərraca çıxarılmalıdır. Bununla bağlı keçirilən hərracdan öncə bildirilməlidir ki, bina tikildikdən sonra orada mənzil almaq üçün pul ödəyən vətəndaşların aqibəti necə olacaq.
Yəqin ki, həmin vaxt tətbiq edilən müəyyən güzəştlər özəl şirkətləri binanı almağa həvəsləndirəcək. Bununla da problem həllini tapa bilər".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...