Universitetlərdə bu qədər yerin boş qalmasının bir neçə səbəbi göstərildi

Tarix: 11.08.2014 / 08:33
Bölmə: Sosial

2014-cü ildə ali məktəblərə qəbul olunan məzunların adı açıqlanıb. Belə ki, Azərbaycanda 33 623 abituriyent ali məktəblərə qəbul olunub. Bu barədə Tələbə Qəbulu üzrə Dövlət Komissiyasından məlumat verilib. Qəbul olunmuş abituriyentlərdən 29666 nəfəri Azərbaycan, 3957 nəfəri isə rus bölməsi üzrə təhsil alacaq.
Abituriyentlərdən 16129 nəfərini oğlanlar, 17494 nəfərini qızlar təşkil edir.
Ali təhsil müəssisələrinə qəbul olunan abituriyentlərin siyahısı avqustun 7-də "Abituriyent" jurnalının 7-ci sayında dərc olunub. Жurnalı abituriyent.az saytından da ödəniş etməklə sifariş etmək mümkündür.
Qeyd edək ki, bu il 33 623 abituriyent ali məktəbə qəbul olunsa da, universitetlərdə boş plan yerləri qalır.
Tələbə Qəbulu üzrə Dövlət Komissiyasının (TQDK) sədri Məleykə Abbaszadə bir neçə gün öncə keçirdiyi mətbuat konfransında boş qalan plan yerləri barədə məlumat verib: "Birinci mərhələdən keçə bilməyən abituriyentlərin tam şansı var ki, ikinci mərhələdə ali məktəblərin boş qalmış yerlərinə qəbul olunsunlar. Bizim abituriyentlər ixtisas seçimi zamanı "Abituriyent" jurnalında açıqlanan qaydalara diqqət yetirmirlər. Onlar nə öz ballarını, nə də nəticələrini fikirləşirlər. Ona görə də boş yerlər qalır. Əslində bu boş yerlər qalmaya bilər. Bunun üçün abituriyentlər diqqətli olmalıdır. I qrup - boş qalan yerlərin sayı 945-dir. Qalan yerlər əsasən ödənişli əsaslarladır. Müsabiqəyə buraxılan, lakin qəbul olunmayan abituriyentlər 633 nəfərdir. 945 yerdən 830-u xüsusi qabiliyyət tələb etmir.
II qrup - boş qalan yerlərin sayı 1116-dır. Bu qrupda xüsusi qabiliyyət tələb edən ixtisas yoxdur və boş yerlərə iddiaçıların sayı 818 nəfərdir. Boş qalan yerlərin 132-si dövlət, 984-ü isə özəl ali məktəblərdədir.
III qrup - boş qalan yerlərin sayı 982-dir. Onlardan 548-i xüsusi qabiliyyət tələb edir. Boş qalan yerlərə 692 iddiaçı var.
IV qrup - boş qalan yerlərin sayı 1008-dir. Bunlardan 146-sı xüsusi qabiliyyət tələb edir. Amma bu qrupda cəmi 24 nəfər iddiaçı var.
TQDK boş qalan plan yerlərini "Abituriyent" jurnalının 8-ci sayında çap edib. Жurnalda, həmçinin, "Abituriyentin elektron ixtisas seçimi ərizəsi"nin doldurulma qaydası, "Abituriyentin elektron ixtisas seçimi ərizəsi"nin nümunəsi, ali təhsil müəssisələrinin boş qalan plan yerləri olan ixtisaslar, ali təhsil müəssisələrinin bakalavr dövlət sifarişi ilə tələbə qəbulunun proqnozu üzrə boş yerlər və digər zəruri məlumatlar Azərbaycan və rus dillərində təqdim olunur".
Ali məktəblərə boş qalan yerlərin sayı təxminən 4050-dən yüksəkdir. Bu qədər yerin nə səbəbdən boş qalması maraqlıdır. Ekspertlər bunun səbəbini müxtəlif cür izah edir. Bir qrup ekspertlər düşünür ki, boş qalan yerlər əsasən ödənişli ixtisaslardır. Həmin ixtisasların təhsil haqqı yüksək olduğu üçün müraciət edənlərin sayı az olub.
Digər ekspertlər isə qabiliyyət imtahanı tələb edən ixtisasların boş qaldığını qeyd edir. Onların fikrincə, qabiliyyət imtahanı tələb olunan ixtisaslara imtahan verən abituriyentlərin sayı bu il ötən ilə nisbətən az olub.
Azad Müəllimlər Birliyinin sədri Məlahət Mürşüdlü "Bakı-Xəbər"ə açıqlamasında qeyd etdi ki, boş plan yerlərinin sayının çox olması təhsil haqqının yüksək olması ilə bağlıdır: "Ailələr büdcələrinə uyğun olaraq ixtisas seçiblər. Elə ixtisaslar var ki, təhsil haqqı olduqca yüksəkdir və tək-tük abituriyent həmin ixtisası seçir".
Ekspert təəssüf hissilə onu da əlavə etdi ki, bu il də sənəd verən yeniyetmələrin bir qismi aşağı nəticə göstərib: "Qəbul imtahanı zamanı əksər məzunlar 150 baldan aşağı nəticə göstərdiyi üçün müəyyən ixtisaslar üzrə yerlər boş qalıb. Elə ixtisaslar boş qalıb ki, bu gün həmin sahəyə elə də ciddi ehtiyac duyulmur. Qabiliyyət imtahanı tələb olunan ixtisaslara maraq göstərənlərin sayı da az deyil. Məzunlar elə bilir ki, bir tək idman və musiqi sahəsində qabiliyyət imtahanı tələb olunur. Amma ixtisas seçimi zamanı bəzi fakültələri qeyd edərkən görürlər ki, qabiliyyət imtahanı tələb olunur. Belə vəziyyətdə əksər məzunlar qabiliyyət imtahanı tələb olunan ixtisası seçmirlər".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...