Həkim problemi olan ucqar rayonlardan İrana xəstə axını daha çoxdur

Tarix: 05.08.2014 / 04:21
Bölmə: Sosial

Bölgələrdə həkim çatışmazlığı problemi yeni deyil. İstər sovet dönəmində, istərsə də müstəqillik dövründə bu problem olub və indi də öz həllini tamamilə tapmayıb.
Səhiyyə Nazirliyi bu istiqamətdə müəyyən tədbirlər görsə də, mövcud problemin həllində ciddi dönüş əldə olunmayıb. İş ondadır ki, 65 yaşdan yuxarı tibb işçilərinin məcburi təqaüdə göndərilməsi bu problemi bir az da dərinləşdirib. Ehtiyac duyulan kənd yerlərinə gənc həkimləri faktiki olaraq cəlb etmək olmur. Təhsildən sonra bölgələrə qayıtmaq istəməyən gənclər əsasən paytaxt xəstəxanalarında işləməyə üstünlük verir. Özəl klinikaların artması onların bu istiqamətdə seçim imkanlarını xeyli genişləndirib. Bir məqamı da xüsusi olaraq qeyd edək ki, sovet dönəmində həkimlər bölgələrə məcburi təyinatla göndərilirdi. Bu hardasa problemin həllinə öz təsirini göstərirdi. Ancaq müstəqillik illərində bu məsələ sərbəst tənzimlənir. Ya da görürsən ki, rayonda 3 il müvəqqəti işlədikdən sonra yenidən paytaxta üz tuturlar.
Obyektivlik naminə qeyd etmək lazımdar ki, son illər bölgələrdə xəstəxanaların infrastrukturu əsaslı şəkildə yenilənib. Yeni və müasir tələblərə cavab verən diaqnostika mərkəzləri tikilib. Ancaq bütün bunlar problemin həlli demək deyil. Faktiki olaraq bir çox sərhəd rayonlarında həkim çatışmazlığı var. Məsələn, İranla həmsərhəd Astara Rayon Mərkəzi Xəstəxanasının cərrahiyyə şöbəsində cərraha ehtiyac var. 100 mindən artıq əhalisi olan rayonda ümumilikdə 30 ixtisaslı həkim çatışmır. Cənub bölgəsində həkim çatışmazlığından ən çox əziyyət çəkən rayon Lerikdir. Lerikin ucqar dağ rayonu olması bu sahədə əlavə problemlər yaradır. Çünki 161 kəndi olan bu rayonda yaşayış məntəqələri arasında əlaqənin çətin olması bu sahədə vəziyyəti bir az da mürəkkəbləşdirir.
Əldə etdiyimiz məlumatlara görə, həkim çatışmazlığı üzündən sərhəd rayonlarından İrana müalicəyə üz tutanların sayı sürətlə artır. Düzdür, ümumilikdə Azərbaycandan İrana müalicə olunmaq üçün gedənlər az deyil. Ancaq sərhəd rayonlarında ixtisaslı həkim çatışmazlığı üzündən, insanlar İranda müalicə olunmağa daha çox önəm verir. Bunun bir səbəbi də coğrafi yaxınlıq və İrana getməyin vizasız olması ilə bağlıdır.
Maraqlıdır, ekspertlər bu məsələdə alternativ həll yolunu nədə görür?
Məsələyə münasibət bildirən ekspert İlqar Hüseynli hesab edir ki, problemdən çıxış yolu sərhəd bölgələrində çalışan həkimlərə xüsusi imtiyazların verilməsindən keçir: "İrana müalicəyə görə gedənlərin çoxu qiymətlərin baha olması üzündən bu addımı atır. Düzdür, yüksək ixtisaslı həkim kadrların çatışmazlığı da burada rol oynayır, amma təkcə bu əsas səbəb deyil. Əsas səbəb qiymətlərin baha olmasıdır. Azərbaycanda xəstə üçün yazılan bir reseptin dəyər qiyməti hardasa sərhəd rayonlarından İrana gedib tam müayinədən keçməyin qiymətinə bərabərdir. Bura digər xərclər də daxil olmaq şərtilə. Problem ondadır ki, Azərbaycanda dərmanların qiyməti çox bahadır. Çünki özəl şirkətlər dərmanları maya dəyərindən qat-qat baha satır. Sərhəd rayonlarında bu problemi həll etmək üçün həkimlərə xüsusi güzəştli imtiyazlar verilməlidir. Məsələn, məsafəyə görə ayrıca ödəniş, mənzil xidmətlərinin yaxşılaşdırılması ilə bağlı maliyyə yardımları verilməlidir. Bu minvalla problemi qismən həll etmək olar".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...