Bakı şəhər sakini Mətanət Əhmədova öz doğma qardaşını vicdanı ilə niyə üz-üzə qoydu?

Tarix: 05.08.2014 / 03:26
Bölmə: Sosial

Redaksiyamıza Bakı şəhər sakini, Nərimanov rayonu Nəsib bəy Yusifbəyli küçəsi ev 55, mənzil 2-də yaşayan əsgər anası Əhmədova Mətanət Sirac qızından şikayət məktubu daxil olub. Mətanət Əhmədova bildirir ki, 1988-ci ildə Ermənistandan ailəsi ilə birlikdə deportasiyaya məruz qalıb. 1994-cü ildən ailə qurub və həyat yoldaşı Əhmədov Mahmud Mürşüd oğlu da onun valideynlərinin yaşadığı Nərimanov rayonu Yusif Vəzir Çəmənzəminli küçəsi 64 ünvanına qeydiyyata düşüb.
2000-ci ilə qədər Əhmədovlar ailəsi sözügedən ünvanda yaşayıb":2000-ci ildə Nərimanov rayonu Nəsib bəy Yusifbəyli küçəsi 55, mənzil 2 ünvanında qardaşım Şıxıyev Namiq Sirac oğlunun adına mənzil aldıq. O vaxt valideynlərim məsləhət gördü ki, evi qardaşının adına al, mən də "bacıya qardaşdan doğma kim olar" düşüncəsilə bu işə razılıq verdim və mənzili aldıq, ailəlikcə mənzilə qeydiyyata düşdük. Mən-Əhmədova Mətanət Sirac qızı, həyat yoldaşım Əhmədov Mahmud Mürşüd oğlu, hazırda sərhəddə düşmənlə üz-üzə dayanan böyük oğlum Əhmədov İsa Mahmud oğlu, qızım Əhmədova Sona Mahmud qızı və kiçik oğlum Əhmədov Murad Mahmud oğlu burada qeydiyyatda olmuşuq.
14 ildir bu ünvanda yaşayırıq və uşaqlarım da bu ərazidə yerləşən məktəbdə təhsil alıb. 2012-ci ildən qardaşım Şıxıyev Namiq Sirac oğlu ev iddiasına düşüb və 2013-cü ildən məni və ailəmi məhkəmə qapılarında süründürür. O bildirir ki, ev mənim adımadır və siz ailəlikcə evimi tərk etməlisiniz. Ev onun adına olsa da, onun pulunu həyat yoldaşım qazanıb, bu mənzil yoldaşımın halal qazancı ilə alınıb. Bu mənzilin bizim pulumuza alınmasının şahidləri çoxdur. İndiyə qədər qardaşımın iddiası ilə bir neçə məhkəmə prosesi keçirilib. Ali Məhkəmə bizim ailəlikcə N.Yusifbəyli küçəsi 55, mənzil 2 ünvanında yerləşən yaşayış sahəsindən və yaşayış sahəsinə pasport qeydiyyatından çıxarılmağımıza dair qətnamə çıxarıb. Məhkəmə zamanı evi aldığımız şəxs, eləcə də hal şahidləri məhkəməyə gəldi, lakin qərar qəbul edilərkən onların çıxışı nəzərə alınmadı. İşə Nərmanov Rayon Məhkəməsində hakimlər Rəşad Abdulov və Ramin Quliyev, Apelyasiya Məhkəməsində Sənan Hacıyev, Ali Məhkəmədə isə hakim Gündüz Quliyev baxıb və bütün proseslər qardaşımın xeyrinə həll olunub.
Məni incidən qardaşımın nankorluğudur. Mən ona hər zaman yaxşı bacı olmuşam və uşaqlarıma da demişəm ki, dayınız mənim üçün dünyaya bərabərdir. Atamız Sirac Şıxıyev vəfat edənə qədər qardaşım heç bir mənzil iddiasında deyildi, demə ki, mənim başıma bu oyunu açmaq üçün atamın dünyasını dəyişməsini gözləyirmiş. İndi qardaşım bizdən mənzili tərk etməyi tələb edir, artıq qeydiyyatdan çıxarılmağımızla bağlı ortada sənəd var. Başa düşə bilmirəm ki, biz harada yaşamalıyıq? Oğlum Əhmədov İsa Mahmud oğlu hərbi xidmətdədir, ağır texnika sürür və onu ön cəbhəyə aparıblar. O vətənpərvər oğulu mən yetişdirmişəm. Qardaşım Namiq məhkəmədə dedi ki, göydə Allah, yerdə qanundur. Mən də qəzetiniz vasitəsilə üzümü ona tutub "sənin üçün göydə Allah, yerdə qanun dəyərlidirsə, bəs nə üçün Allahsızlıq edib bacını evindən didərgin salırsan, qanun sənin üçün alidirsə, niyə indiyə qədər əsgəri xidmətdə olub vətənə borcunu ödəməmisən? Mənim oğlum isə qorxmadan düşmənlə üz-üzə dayanır. Bir ana kimi onunla fəxr edirəm. Ancaq o, əsgəri xidmətini başa vurub qayıdanda harada yaşayacaq, hansı polis idarəsində qeydiyyatda olacağı məlum deyil. Çünki dayısı onu daimi qeydiyyatdan, isti ocaqdan məhrum edir. Sizin qəzetiniz vasitəsilə üzümü əlaqədar qurumlara tutub demək istəyirəm ki, düşdüyüm bu vəziyyətə görə mənə yardım edin. Qardaşım mənə haqsızlıq edir. Ola bilsin, qanunlar onun tərəfində olsun. Bəs mənəvi qanunlar-ona kim riayət edəcək? Bəs vicdan, bəs qardaş-bacı münasibəti? Bir əsgər anası olaraq ölkəmizin birinci xanımı, millət vəkili Mehriban xanım Əliyevadan kömək istəyirəm, məni bu dardan, nankor qardaşın bəlasından qurtarsın".
M.Əhmədova bildirdi ki, qardaşının ev iddiası ona böyük zərbə vurur, şəkər xəstəliyinə tutulub, insulinsiz yaşaya bilmir: "Allah şahiddir ki, qardaşımın ev iddiası, bizi məhkəmələr qarşısında süründürməyi mənim sağlamlığıma ciddi zərər vurub. Şəkərə tutulmuşam, insulinsiz yaşaya bilmirəm. Mən ona necə bacı olmuşam, onu hamı bilir. Bir dəfə çoxdan Namiq gəlib mənə "yuxuda gördüm, anam deyir "səni 36 yaşında gəlib aparacaqlar" dedi. İnanın ki, bütün həyatım alt-üst oldu, başımın tükləri ağardı, fikirdən-dərddən ürəyim qocaldı. Qardaşım 36 yaşını keçənə qədər tükdən asılı qaldım, o, 36 yaşını tamam edəndən sonra nəfəs aldım. Amma bilmədim ki, canımdan artıq sevdiyim, balalarımdan üstün tutduğum qardaşım mənə qarşıda "sürpriz" hazırlayırmış. Qardaşımın bu hərəkəti həyatımı silkələdi, o bəyəm bilmir ki, yaşamağa başqa bir yerim yoxdur. Yaxşı qardaş bacıya ev alıb bağışlayır, ona arxa-dayaq olur, daha onu küçələrə atmır".
Sonda M.Əhmədova qeyd edir ki, bu iş mənəvi məsələdir və qardaşın vicdansızlığı ucbatından düşdüyü problemdən onu və ailəsini xilas edənlərin tapılacağına ümid edir...
Allah kömək olsun!

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...