Göy öskürəyin tüğyan etməsi xəbərləri təkzib olundu

Tarix: 01.08.2014 / 02:52
Bölmə: Sosial

Əhali arasında yayılan məlumata görə, paytaxtda göy öskürək xəstəliyi yayılıb. Bu xəstəliyə tək uşaqlarda deyil, böyüklərdə də rast gəlinir. Xəstəlik ən çox uşaqlarda müşahidə olunur.
Həkim-ekspert Rasif Bağırov "Bakı-Xəbər"ə açıqlamasında bildirdi ki, göy öskürək uzunmüddətli öskürək tutmaları ilə müşahidə olunur: "Xəstəliyi "bordatella pertussis" bakteriyaları törədir. Bunlar qram-mənfi, qısa hərəkət etməyən, ucları yumru çöplərdir. Aşağı temperatur göy öskürək törədicisinin həyat fəaliyyətini azaltmır. Ancaq 50 dərəcəyə qədər istilik onun məhv olması üçün yetərlidir".
Həkimin dediyinə görə, ardıcıl davam edən bir neçə öskürək tutmalarından sonra uzun fışıltılı səs eşidilir ki, bu da bağlı olan səs yarığından havanın keçməsi ilə əlaqədardır. Göy öskürəkdə bilavasitə mərkəzi sinir sisteminə olan toksik təsir spazmatik öskürəyin əmələ gəlməsinə səbəb olur: "Öskürəyin ağır tutması zamanı müşahidə olunan oksigen çatmamazlığı əlamətləri nəfəs mərkəzinə olan toksik təsir ilə izah edilir. Spazmatik öskürək təkanlarında bütün nəfəs əzələləri yığılır və tutmanın sonunda öskürəklə az miqdarda şüşəyəbənzər qatı selik ifraz olunur. Tutma bitdikdən bir neçə dəqiqə sonra uşağın halı o qədər yaxşılaşır ki, şənlənə də bilir. Bununla belə sonralar 2-3 həftə ərzində xəstəliyin spazmatik mərhələsində tutmalar intensiv və ağır olur. Hətta bu, bir gündə 8-10 tutmadan 30-40 tutmaya qədər arta bilər. Göy öskürəyin kəskin dövrü 3-4 həftə davam edir. Sonradan tutmalar seyrək və qısa, az əziyyətli olur. Bu isə xəstəliyin son mərhələsidir. Bu zaman xəstənin ifraz etdiyi bəlğəm çox qatı olub yaşıl rəngə çalır. Xəstəliyin başlanğıcından 5-6 həftə keçmiş tutmalar kəsilir və bəlğəm ifrazı dayanır".
Həmsöhbətimiz onu da əlavə etdi ki, göy öskürək əsasən 2 yaşlı uşaqlar üçün daha təhlükəlidir. 4 yaşdan sonra isə göy öskürəyə yoluxma hallarına daha az rast gəlinir. Xəstəliyin inkubasiya dövrü 2 gündən 21 günə qədər davam edir: "Göy öskürəyin profilaktikasında vaksinasiya önəmlidir. Xəstəliyə qarşı immunitet yaratmaq üçün Azərbaycanda peyvənd təqviminə əsasən, uşaqlar 4 dəfə, uşaq 2, 3, 4 və 18 aylıq olanda vaksinasiya həyata keçirilir. Xəstəliyə yoluxmanı erkən aşkar etmək və bu tip xəstələri sağlam uşaqlardan ayırmaq lazımdır. Belə xəstələr körpələr evində və ya uşaq bağçalarında aşkarlanarsa, dərhal karantin tətbiq olunmalıdır".
Respublika Gigiyena və Epidemiologiya Mərkəzinin baş direktor müavini Afaq Əliyeva bizimlə söhbətində bildirdi ki, göy öskürəyin simptomlarını dəqiq bilməyən, həkimlik təcrübəsi olmayan adamlar xəstəlik barədə belə şayiələr yayır. Həmin məlumatlar həqiqətə uyğun deyil: "Misal üçün, əgər uşaq öskürürsə, bu hələ o demək deyil ki, o, göy öskürəyə yoluxub. Bu diaqnozu qoymaq üçün həkim analizi, laboratoriya araşdırması lazımdır. Uşaq öskürən kimi, ya da tələffüz orqanlarında problem yaranan kimi nəticə çıxarırlar ki, bu, göy öskürəkdir. Ancaq belə deyil. Dəqiq diaqnozu həkim qoya bilər. İlin əvvəlindən bu günə qədər respublika ərazisində bu xəstəliyə rast gəlinməyib".

Günel CƏLİLOVA

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...