Ucqar həkimlərlə bağlı dövlət siyasətində dəyişikliklər vaxtı yetişib

Tarix: 01.08.2014 / 09:48
Bölmə: Sosial

Bölgələrdə həkim çatışmazlığının aradan qaldırılması Səhiyyə Nazirliyinin qarşısında dayanan prioritet vəzifələrdən biridir. Ölkədə əhalinin sağlamlıq durumunun səviyyəsinə nəzarət edən sözügedən nazirlik bu istiqamətdə müəyyən tədbirlər görsə də, problem öz həllini tapmır. Xüsusən də cənub bölgəsində sözügedən problem daha qabarıq formada özünü göstərir.
Məsələ ondadır ki, 2011-ci ildən 65 yaşdan yuxarı tibb işçilərinin məcburi təqaüdə göndərilməsi bu problemi bir az da dərinləşdirib. Ehtiyac duyulan kənd yerlərinə gənc həkimləri faktiki olaraq cəlb etmək mümkün olmur. Təhsildən sonra bölgələrə qayıtmaq istəməyən gənclərin yeri Lənkəran Rayon Mərkəzi Xəstəxanasında da görünür. Cənub bölgəsinin sosial-iqtisadi, mədəni mərkəzi sayılan Lənkəranda bir neçə ildir həkim çatışmazlığı problemi yaşanır. Ətraf rayonlardan da ağır xəstələrin bu rayonun səhiyyə ocaqlarına pənah gətirdiyini nəzərə alsaq, onda məsələnin aktuallığı önə çıxır. Respublikanın əksər bölgələrində olduğu kimi, Lənkəranda da həkim çatışmazlığının mövcudluğu bir çox hallarda özünü göstərməkdədir. Hazırda rayon üzrə 68 həkim və 78 tibb bacısı vakant yeri var. Bənzər problem Lənkəranın kəndlərində də müşahidə olunur. Ən çox ehtiyac olan sahələr isə ailə həkimi, ginekoloq, cərrah, travmatoloq və pediatrdır.
Astara Rayon Mərkəzi Xəstəxanasının cərrahiyyə şöbəsində hazırda 3 həkim cərraha ehtiyac var. 100 mindən artıq əhalisi olan rayon üçün bunun nə demək olduğunu mütəxəssislər yaxşı bilir. Ümumiyyətlə, rayonda 30 ixtisaslı həkim çatışmır.
Cənub bölgəsində həkim çatışmazlığından ən çox əziyyət çəkən rayon Lerikdir. Lerikin ucqar dağ rayonu olması bu sahədə əlavə problemlər yaradır. Çünki 161 kəndi olan rayonda yaşayış məntəqələri arasında əlaqənin çətin olması bu sahədə vəziyyəti bir az da mürəkkəbləşdirir. Çünki rayonda elə dağ kəndləri var ki, payız-qış aylarında yolların palçıq olması üzündən oradan rayon mərkəzinə gəlmək əməllicə müşkülə çevrilir. Ona görə də kənd sakinlərinin ümidi bir Allaha, bir də yaşlı həkimlərə qalıb. Yaşlı həkimlərin də sayı ildən-ilə seyrəlir.
Məlum olduğu kimi, bölgələrdə müəllim çatışmazlığı problemini həll etmək üçün dövlət səviyyəsində bir sıra güzəştlər nəzərdə tutulub. Analoji güzəştlər həkimlərə də şamil olunsa, problem həllini tapa bilərmi?
Məsələyə münasibət bildirən tibb elmləri doktoru, professor Adil Qeybullanın sözlərinə görə, bölgələrdə həkim çatışmazlığı problemini indiki dövrdə inzibati yollarla həll etmək mümkün deyil: "Regionlarda həkimlərin maddi təminatı Bakı şəhərindən yaxşı olmalıdır ki, gənc həkimlər bölgələrə getməkdə maraqlı olsun. Bu iş adminstrativ qaydada həll olunası iş deyil. Yəni indi ölkədə bazar iqtisadiyyatı şəraitində hansısa stimullaşdırıcı faktorlar olmasa, bu cür məsələlərin həlli mümkün deyil. Ən əsası isə peşəkarlıq məsələsidir. Peşəkarlıq olan yerdə artıq hansı regionun olmasının bir fərqi olmur. Necə ki, Türkiyədə olduğu kimi. Orada peşəkar həkimlərə yüksək maaş verilir. Ona görə də məsələyə yanaşma kökündən fərqli olmalıdır. Bir sözlə, regionlarda stimullaşdırıcı faktorlar Bakı şəhərindən fərqli olmalıdır. Qazanc yüksək olmalıdır ki, həkimlər dağ rayonlarında işləməyə həvəsli olsun".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...