Lerikin kəndləri boşalır

Tarix: 31.07.2014 / 02:20
Bölmə: Sosial

Dağ deyəndə öncə adamın yadına gözəl mənzərələrlə yanaşı, həm də sərin çeşməli bulaqlar düşür. Romantikaya qatılsaq, bu mövzuda xeyli misallar çəkə bilərik. Ancaq məqsədim heç də bu barədə geniş danışmaq deyil. Bayram günləri ilə əlaqədar doğulduğum Lerik rayonunda oldum. Zatən il ərzində 3-4 dəfə rayona gedəsi oluram. Rayonda neçə vaxtdır müşahidə olunan mənzərə ondan ibarətdir ki, ilbəil kəndlər boşalır.
Hər dəfə gedəndə istər Ordahal, istərsə də digər kəndlərdə məlum prosesin getdiyini görmək olur. Çox təəssüf ki, hər kənddə nə qədər qapısı qıfıllı evlər var. Üzücü mənzərə ondan ibarətdir ki, tendensiya artan xətt üzrə inkişaf edir. Bu il Ərdəbilə kəndinin boşalması daha qabarıq formada özünü göstərir. Kənddə fəaliyyət göstərən 4 illik sinif məktəbində birinci sinfə getməyə uşaq tapılmır. Qanunvericiliyə görə, birinci sinfin təşkili üçün ən azı 3 uşaq olmalıdır.
Analoji tendensiya digər böyük kəndlərdən də (Gürdəsər, Lərmərud, Soru) yan keçmir. Sözsüz ki, kəndlərin sürətlə boşalması məktəblərin də boş qalmasına səbəb olur. Məsələn, 90-cı illərə qədər Soru kəndində 400-500 uşaq məktəbə gedibsə, indi onların sayı 100-dən artıq deyil. Şagirdlərin say azlığı yalnız köç hesabına deyil, buna həm də imkansızlıq səbəb olub. Kasıb kəndli uşağına əyin-baş, dəftər-kitab ala bilmədiyi üçün də övladını təsərrüfat işlərinə cəlb etmək məcburiyyətində qalıb. Habelə yeni tədris metodologiyası rayonda tətbiq olunsa da, məktəblər lazımi tədris ləvazimatları ilə təmin olunmur. Sadaladığım və yazmadığım problemlərə görə kəndlər sürətlə boşalmaqda davam edir. İndi kəndlərdə yaşayanlar müəllimlər, icra strukturlarında işləyənlər və yaşlı adamlardır. Vaxtilə hay-küydən qulaq batan bəzi kəndlərdə ölü sükutu hökm sürür.
Düzdür, bütün bunlar o demək deyil rayonda hansısa yenilik yoxdur. Uzun illər idi təmirsiz olan Əllivers-Əliyəbad-Şingədilən yolunun təmir işləri bitmək üzrədir. Ötən ilin sentyabrında Prezident İlham Əliyevin sərəncamı ilə sözügedən yolun təmir olunması Dövlət Proqramına salındı və bu məqsədlə büdcədən 3 milyon manat ayrıldı. Həmçinin, turizm mövsümü ilə əlaqədar rayondakı turizm obyektlərində canlanma müşahidə olunur. O cümlədən, az da olsa, kiçik istehsal sahələri tikilir. Ancaq bütün bunlar kəndlərin boşalmasını önləyə bilmir.
Maraqlıdır, ekspertlər vəziyyətdən çıxış yolunu nədə görür?
Sözügedən məsələni dəyərləndirən ekspert İlqar Hüseynli hesab edir ki, problemin həllinə kompleks yanaşma olmalıdır: "Ucqar dağ rayonlarının boşalması uzun illərdir özünü göstərir. Bunun da bir neçə səbəbi var. Əsasən də işsizlik üzündən bu baş verir. Ancaq təkcə bu amil Lerik və digər bu kimi dağ rayonlarının boşalmasında rol oynamır. Digər faktorlar da var. Məsələ ondadır ki, infrastrukturun zəif inkişafı kəndliyə öz məhsulunu rahat şəkildə bazara çıxarmağa imkan vermir. Məhsulun maya dəyəri baha başa gəldiyi üçün kəndli məhsul becərməkdə maraqlı olmur və son nəticədə şəhərə köç etməli olur. Ona görə də, birincisi, kəndlərdə normal infrastruktur yaradılmalıdır. Xüsusən də kəndlərin qazlaşdırılmasına önəm verilməlidir. Ən başlıcası, yeni və daimi iş yerləri açılmalıdır ki, cavanlar rayonu tərk etməkdə maraqlı olmasın. Bununla bağlı sahibkarlara xüsusi imtiyazlar verilməlidir ki, rayonda iş yerlərinin açılmasında maraqlı olsunlar. Bütün bu və digər məsələlər xüsusi dövlət proqramı ilə tənzimlənsə, kəndlər sürətlə boşalmaz".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...