Baytarlıq Xidməti rayonlarda yayılan heyvan xəstəliklərinə reaksiya verdi

Tarix: 23.07.2014 / 03:00
Bölmə: Sosial

Məlum olduğu kimi, bölgələrdə iribuynuzlu heyvanlar arasında mənşəyi məlum olmayan xəstəlik yayılıb. Öncə Biləsuvar və Cəlilabadda qeydə alınan sözügedən xəstəlik artıq digər bölgələrdə də aşkarlanıb. Belə ki, Ağdaşın Hapıtlı kəndində və Ucar rayonunda heyvanların xəstəliyə yoluxduğu məlum olub.
Ağdaş Rayon Baytarlıq İdarəsinin yaydığı məlumata görə, xəstəlik əvvəl 3 inəkdə aşkarlanıb. Daha sonra xəstəlik qısa müddət ərzində həşəratlar vasitəsilə xeyli heyvana yoluxub. Dərhal kəndə 4 həkim briqadası cəlb edilib. Mal-qara müayinə olunub, onların "nodulyar dermatit" xəstəliyinə yoluxduğu müəyyən edilib.
Xatırladaq ki, heyvanlar arasında yayılan bu virus
bir müddət əvvəl İraq, Türkiyə və İran ərazilərində qeydə alınıb.
Heyvanlar arasında yayılan xəstəliklə bağlı hansı işlərin görüldüyünü aydınlaşdırmaq məqsədilə Dövlət Baytarlıq Xidmətinin (DBX) mətbuat xidmətinin rəhbəri Yolçu Xanvəliyə müraciət etdik. O, "Bakı-Xəbər"ə açıqlamasında qeyd etdi ki, hazırda "nodulyar dermatit" virus xəstəliyi ilə bağlı 80 baş heyvan müalicə altındadır: "Cəlilabadda 44 baş, Ağdaşda 6 baş, Biləsuvarda 16 baş, Ucarda 14 baş heyvan bu virusa yoluxub. Bu xəstəlik müalicəyə tabe olur. Mütəxəssislərimiz çalışır ki, xəstələnən heyvanların müalicəsini vaxtlı-vaxtında həyata keçirsinlər. İndiyə qədər heyvanlar arasında bu xəstəliklə bağlı ölüm müşahidə olunmayıb. Ola bilər ki, bu xəstəliklə yanaşı gedən hansısa xəstəlikdən heyvanların tələf olması müşahidə olunsun. Amma "nodulyar dermatit" virusuna yoluxan heyvanların tələfatı müşahidə olunmayıb".
DBX yetkilisinin sözlərinə görə, növbəti həftəlik bazarların da bağlanması haqqında qərar verilib: "Virus yayılan 4 rayonun neçə kəndində bu xəstəlik müşahidə olunubsa, həmin kəndlərə karantin də tətbiq olunub. Oradan diri heyvanların çıxarılması qadağan olunub. Hazırda vəziyyət DBX tərəfindən tam nəzarət altındadır. Xəstəlik müşahidə edilən heyvanlar arasında simptomatik müalicə tədbirləri aparılır.
Kənd təsərrüfatı naziri Heydər Əsədovun tapşırığına əsasən, xəstəliyin qarşısının alınması məqsədilə bir sıra rayonların heyvan bazarları bağlanıb, həmin ərazilərdə ciddi şəkildə dezinfeksiya tədbirləri aparılır. Bu işlərin yüksək səviyyədə təşkilində yerli rayon icra hakimiyyətləri də yaxından iştirak edir.
"Nodulyar dermatit" xəstəliyi virus mənşəli olmaqla qısamüddətli isitmə, dəri örtüyünün, limfa sisteminin, selikli qişanın zədələnməsi, dərialtı toxumalarda düyünlərin və nekrozların əmələ gəlməsi ilə səciyyələnir. Xəstəliyin qansorucu həşəratlar vasitəsilə-transmissiv yolla yalnız iribuynuzlu heyvanlar arasında yayılması aşkar edilib. Xəstəlik nəticəsində heyvandarlıq məhsullarının, o cümlədən süd və ət məhsullarının azalması, gön-dəri məmulatının keyfiyyətinin aşağı düşməsi, inəklərdə cinsi siklin, törədici buğalarda müvəqqəti cinsi fəallığın pozulması iqtisadi zərərin baş verməsinə gətirib çıxarır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...