700 ballı abituriyentlər türk liseyləri ilə bağlı yeni tendensiya aşkarladı

Tarix: 17.07.2014 / 09:33
Bölmə: Sosial

Tələbə Qəbulu üzrə Dövlət Komissiyası (TQDK) iyulun 12-də I və IV ixtisas qrupları üzrə keçirilən qəbul imtahanının nəticələrini açıqlayıb. I qrupdan 5 nəfər, IV qrupdan 2 nəfər 700 bal toplayıb. 700 bal toplayan abituriyentlər mətbuata qısa açıqlama da verib. I qrupa imtahan verən Nəbizadə Fatimeyi Zəhra "Dəyanət" türk liseyini bitirib, həmçinin, 3 il "Araz kursları"nda oxuyub:
"Sınaqlarda 700 bal toplaya bilmirdim. Amma 3 ildir qarşıma məqsəd qoymuşdum ki, 700 bal toplayacağam. İmtahan çətin olmadı. Hansı universiteti seçəcəyimə hələ qərar verməmişəm. Amma ixtisasım mexanika müəllimliyi olacaq. Xaricdə oxumağı düşünürəm, valideynlərimdən cavab gözləyirəm".
I qrupa imtahan verən Eltun İbrahimov Bakı şəhərində müəllim yanına fərdi hazırlığa gedib. "Bir ildir hazırlaşırdım. Sınaqlarda 700 bal toplamamışam, amma bu nəticəni gözləyirdim. İxtisas seçimində yalnız Bakı Ali Neft Məktəbini qeyd edəcəyəm".
700 bal toplamış abituriyent Nurlan Quluzadə (Bakı şəhəri, I qrup) : "Əvvəlcə 7 nömrəli məktəbdə, sonra "Zəkalar" liseyində oxumuşam. 10-cu sinifdə sınaq imtahanlarında 650-dan yuxarı nəticə göstərdim. Bu il də sınaqlarda 674-684 bal yığdım. Hansı ixtisası seçəcəyimlə bağlı hələ dəqiq fikrim yoxdur. Ümumiyyətlə, xaricdə təhsil almağı düşünürəm".
Nicat Qasımov (Ağsu rayonu, IV qrup): "Rayondakı 1 nömrəli məktəbi bitirmişəm. Müəllim yanına hazırlıqlara getmişəm. Amma ən çox məktəbdə hazırlaşmışam. Mən də daxil olmaqla, hamı belə bal toplayacağımı gözləyirdi. Amma əvvəl bir az həyəcan var idi ki, yığa bilmərəm, ancaq gözləyirdim. TQDK-nın sınaq imtahanlarında 670-680 bal toplayırdım. "Araz kursları"nın sınaqlarında da yüksək bal yığırdım. Amma sınaqlarda 700 bal yığdığım olmayıb. Azərbaycanda müalicə işi fakültəsində təhsil almaq istəyirəm. Eyni zamanda, xaricdə təhsilimi davam etdirmək istəyirəm".
700 bal toplayanlardan biri də IV qrupa imtahan verən Ağdam rayon sakini İlkin Məmmədzadədir: "Ağdamda orta məktəbi bitirmişəm. Son 2 ili orada oxumuşam. Abituriyent kimi 3 il idi hazırlaşırdım. Sınaqlarda yaxşı bal toplayırdım. Özümə güvənirdim. Çox çalışırdım. İxtisas seçiminə gəldikdə, Tibb Universitetinin müalicə fakültəsini seçəcəyəm".
Maraqlıdır ki, əvvəlki illərdən fərqli olaraq yüksək bal toplayan abituriyentlərdən cəmi biri türk liseyinin məzunudur. Ali məktəblərə qəbulda yaşanan bu yeni tendensiya nədən xəbər verir?
Təhsil üzrə ekspert Məlahət Mürşüdlü qəzetimizə açıqlamasında bildirdi ki, bu məsələdə konkret paralellər aparmaq mümkün deyil. Müsahibimizin sözlərinə görə, türk liseylərinin məzunları bu il də yüksək nəticələr əldə edib: "Əlbəttə, yerli məktəbləri qurtaran məzunların da yüksək bal toplaması bir müəllim kimi bizi sevindirir. Ancaq diqqət etsək görərik ki, həmin şagirdlərin böyük əksəriyyəti repetitor yanında hazırlaşıb.Yəni bu uğurları tam şəkildə yerli orta məktəblərin adına yazmaq da doğru deyil. Türk liseylərinin məzunlarının çox bal toplayanların sırasında az olmasının başqa bir səbəbi də var. Bu heç də həmin məzunların savadının aşağı enməsi anlamına gəlməməlidir. Bu kontingentdən olan məzunların böyük əksəriyyəti Türkiyədə olan universitetlərə qəbul imtahanı verib. Həmin imtahanlar da may ayında baş tutub.
Nəticələrə baxsanız görərsiniz ki, çox yüksək göstəricilər var. "Anadolu" Türk Liseyindən 90 nəfər ən yüksək nailiyyət əldə edib. Bu baxımdan da, deyə bilərəm ki, lisey məzunları yerli ali məktəblərə sənəd versəydi, onların yüksək bal yığmaqla bağlı nəticəsi daha artıq olardı".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...