Mövsümi qida zəhərlənmələrinə daha bir baxış...

Tarix: 17.07.2014 / 09:32
Bölmə: Sosial

İsti yay aylarında, adətən, qidadan zəhərlənmə halları artır. Bu ilin ilk altı ayı ərzində Azərbaycanda əhali arasında baş verən qida zəhərlənmələrinin statistikası açıqlanıb. Səhiyyə Nazirliyinin Gigiyena və Epidemiologiya Mərkəzindən mətbuata verilən xəbərə görə, ötən müddət ərzində əhali arasında 521 qida zəhərlənməsi hadisəsi baş verib.
Zəhərlənmə nəticəsində 577 nəfər zərər çəkib. Ötən 6 ay ərzində 13 botulizm hadisəsi qeydə alınıb ki, bunun nəticəsində 19 nəfər zərər çəkib. Bu müddət ərzində qida zəhərlənməsindən ölüm halı yalnız aprel ayında Ağcabədi rayonunda qeydə alınıb.
İyun ayında isə Azərbaycanda əhali arasında 126 qida zəhərlənməsi hadisəsi baş verib. Zəhərlənmə nəticəsində 138 nəfər zərər çəkib. Ötən ay botulizmdən zəhərlənmə qeydə alınmayıb.
Zəhərlənmə faktlarının artması ekspertləri də narahat edir. Azad İstehlakçılar Birliyinin (AİB) sədri Eyyub Hüseynov "Bakı-Xəbər"ə açıqlamasında qeyd etdi ki, sərinləşdirici içkilərin qablaşdırılması ilə bağlı kifayət qədər problemlər mövcuddur: "Sərinləşdirici içkilərin 40-50 faizi keyfiyyətsiz plastik qablara doldurulur. Bu qablar çirkli olur. Hazırda Azərbaycan bazarında olan 30 adda sərinləşdirici içkinin ən azı 5-nin saxta variantı var". E.Hüseynovun sözlərinə görə, sərinləşdirici içkilərin saxlanma şəraiti mühümdür: "Müddəti keçmiş məhsulun satılması cinayətdir. Saxta variantların üzərində əsasən qara qələmlə yazılır. Kiçik cizgilərlə yazıldığından, diqqətlə baxsanız müəyyən edə bilərsiniz. İsti havada açıq yerdə saxlanan içkilərin tərkibində kimyəvi reaksiyalar tez gedir. Zəhərlənmələr də bundan olur".
E.Hüseynov dondurmalarla da bağlı vəziyyətin acınacaqlı olduğunu dilə gətirdi: "Dondurmaları əridib mağazalara gətirdikdən sonra yenidən dondururlar. Bu azmış kimi, məhsulun tərkibinə marqarin yağı əlavə edirlər. Bu da dildə acılıq hissi yaradır. Açıq dondurma satışına ümumiyyətlə icazə vermək olmaz. Çünki bu dondurmanın saxlanma şəraiti barədə istehlakçıda heç bir məlumat olmur. Dondurmanın tərkibi dəqiq yazılmalıdır. Orada istehsalçı şirkətin ünvanı, telefonu göstərilməlidir. Satışda dondurma 1 həftədən çox qala bilməz. Ona görə də istehlakçılara ümumiyyətlə belə malları almağı tövsiyə etmirəm.
Onu da deyim ki, ötən il 220 insan sərinləşdirici içkidən zəhərlənib".
Professor, tibbi ekspert Adil Qeybulla bizimlə söhbətində bildirdi ki, yay aylarında qidanın düzgün saxlanmaması zəhərlənmə hallarının baş verməsinə səbəb olur. Onun sözlərinə görə, yayda zəhərlənmələr ən çox restoran və şadlıq evlərində baş verir: "Qida zəhərlənmələri daha çox qidalar düzgün saxlanılmadıqda özünü göstərir. Ona görə də qidaların saxlanma şərtlərinə əməl edilməlidir. Qida zəhərlənmələri daha çox şadlıq evlərində və insanların kütləvi şəkildə toplaşdığı yerlərdə olur. Bu səbəbdən də qidaların saxlanma şəraitinə nəzarət edilməlidir. Yayda havanın temperaturunun yüksəlməsi ilə qidalanma vərdişlərindəki dəyişikliklərlə birlikdə yüksək təzyiq, ürək çatışmazlığı da müşahidə edilməkdədir. Bundan başqa, isti havalarda tərləmə ilə ortaya çıxan su və mineral itkisi nəticəsində baş gicəllənməsi, huşunu itirmə hissi və ürək bulanma kimi sağlamlıq problemləri də ola bilər. Xüsusilə körpə və uşaqlarda ishal olma risqi, qida zəhərlənmələri artır. Ancaq sağlam və balanslı bəslənmə ilə yay aylarında sıxlıqla görülən bu cür sağlamlıq problemlərinin azaldılması mümkündür".

DİGƏR XƏBƏRLƏR

Tarix: 14.07.2026 / 12:31

“Valideyn himayəsindən məhrum qalmış uşaqlarla iş” layihəsinin səkkizinci təlimi

Tarix: 13.07.2026 / 21:57

Fərdi evlər və mənzil qapılarında qoyulmuş kameralar söküləcək?

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...