Azərbaycanda gənclərin gec evlənmək tendensiyası yenidən güclənir

Tarix: 16.07.2014 / 02:45
Bölmə: Sosial

"Tez evlənənlə yuxudan tez oyanan udar" deyirlər. Amma bu gün gənclərimiz yuxudan tez oyansalar da, tez evlənmək istəmir. Açıqlanan statistik rəqəmlərə görə, Azərbaycanda kişilər daha çox 25-34, qadınlar isə 18-24 yaş arasında nikaha girir.
Ailə, Qadın və Uşaq Problemləri üzrə Dövlət Komitəsinin statistik məlumatlara əsasən açıqlamasına görə, ötən il Azərbaycanda bağlanan nikahların 54,97 faizində kişilərin yaşı 24-dən 34-dək, qadınların 67,79 faizinin yaşı isə 18-dən 24-dək olub. Ötən il qeydə alınmış 86 852 nikah zamanı 47746-da kişinin yaşı 25-34, 58 880 qadının yaşı 18-24 olub. Son 23 ilin statistik məlumatlarından aydın olur ki, nəinki keçən il ərzində, ümumiyyətlə, ondan əvvəlki illər ərzində də Azərbaycanda qadınların böyük əksəriyyəti 18-24, kişilər isə 25-34 yaş arasında ailə qurmağa üstünlük verir. Azərbaycanda 18 yaşadək nikaha girmə halları kişilərlə müqayisədə qadınlar arasında daha çox qeydə alınır. 2011-ci ildə ölkədə 5138, 2012-ci ildə 295, 2013-cü ildə 229 qadın 18 yaşı tamam olana qədər nikaha girib. Bu rəqəm 1990-2011-ci illər ərzində 5544-471 arasında dəyişib. Son 23 il ərzində 18 yaşadək nikah bağlayan qadınlarla bağlı ən yüksək göstərici 2008-cı ildə (5544 nikah), ən az göstərici 2013-cü ildə (229 nikah) qeydə alınıb.
Son 23 ildə kişilər arasında 18 yaşadək rəsmi nikaha daxilolma ilə bağlı ən yüksək göstəricilər 1993-cü ildə qeydə alınıb. Həmin il 56 kişi 18 yaşadək rəsmi nikaha daxil olub.
Psixoloq Könül Vaqifqızı gec ailə quranların artmasının səbəbləri barədə "Bakı-Xəbər"ə danışdı: "Sovet dövründə hər bir gəncin taleyi müəyyən idi. Yaxşı oxuyanlar bilirdilər ki, ali məktəbə daxil olacaqlar. Universiteti bitirəndən sonra isə işləri olacaq, özü də gündə 10-15 saat deyil, 8 saat işləyəcəklər. Sonra da işlədikləri müəssisədən növbəyə durub mənzil alacaqlar. Yaxşı oxumayanlar da peşə məktəblərində hansısa peşəyə yiyələnib, yenə işlə, mənzillə təmin olunurdular. Sovet dövründə sahə müvəkkilləri işləməyən kişilərin "qapılarının ağzı"nı kəsdirib onları işləməyə sövq edirdilər. Amma bu gün bu müəyyənlik, təminat yoxdur. Bu da kapitalizm dövrü üçün təbii haldır. İndi kişilərimiz səhər saat 9.00-dan axşam 21.00-a kimi 250-300 manat müqabilində işləyirlər. Bu pulla da, təbii ki, ailə dolandırmaq çətindir. Buna görə də oğlanlar iqtisadi vəziyyətinin düzələcəyi, evinin olacağı günü gözləyir və yaşları keçir".
Qızların gec ailə qurmasına gəlincə, psixoloq bunu xanımlarımızın kişilərə inamsızlığı ilə əlaqələndirdi: "Keçmişdə olduğu kimi, qadınlar artıq kişilərə güvənmir, etibar etmirlər. Sabahısı gün boşana biləcəklərini göz altına alırlar. Buna görə qadınlarımız da öz ayaqları üzərində dayanmağı bacarmayana qədər evlənmək istəmir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...