Avtoqəzaların əsas törədicisi kimi 07-lərin adı yenə gündəmdədir

Tarix: 14.07.2014 / 02:36
Bölmə: Sosial

Azərbaycanda ölümlə nəticələnən yol-nəqliyyat hadisələrinin sayı artmaqda davam edir. Faktiki olaraq hər gün ölkədə qəza baş verir. Bu qəzalara avtomobillərin toqquşmasından tutmuş, piyadaların vurulması halları da daxildir.
Paytaxt Bakıda da yol-nəqliyyat hadisələri günü-gündən artmaqdadır. Qəzalar əsasən sürücülərin günahı üzündən baş versə də, piyadaların da günahı az olmur. Cəzaların sərtləşdirilməsinə, Dövlət Yol Polisi əməkdaşlarının intensiv profilaktik tədbirlər görməsinə baxmayaraq, qəzalar azalmır. Bu ilin 6 ayında baş verən yol qəzaları zamanı 512 nəfər ölüb, 1234 nəfər isə yaralanıb. Ölənlərin 160 nəfəri piyadalardır. Statistik məlumatlara görə, ölkədə bir milyondan artıq avtomobil var. Özü də bu rəqəm ilbəil artır. Artan həm də avtoqəzaların sayıdır. Diqqətçəkən məqamlardan biri də ondan ibarətdir ki, "VAZ 2107" markalı avtomobillərin iştirakı ilə qəzalar artır. Məsələ ondadır ki, təhlükəsizlik sistemi müasir standartlara cavab verməyən bu avtomobillər qəzalar zamanı ölüm hallarını çoxaldır. Müşahidələr göstərir ki, ümumən ölkədə qeydə alınan yol-nəqliyyat hadisələrinin təxminən 80 faizə yaxını "VAZ 2107" markalı avtomobillərin iştirakı ilə baş verir. Bakı şəhərində isə bu göstərici 50 faizdən çoxdur. Bu avtomobillərdə hava yastığının olmaması isə yol qəza hadisələrində ölüm və xəsarət hallarını çoxaldır. "VAZ-2107" markalı avtomobillərin ölkəyə idxalı dayandırılsa da, görünən odur ki, sözügedən markalı avtomobillərin iştirakı ilə baş verən ağır qəzalar o qədər də azalmır.
Maraqlıdır, çıxış yolunu ekspertlər nədə görür?
Məsələyə münasibət bildirən, "Təhlükəsiz Yol" Alyansının koordinatoru Şahin Camalovun sözlərinə görə, "VAZ 2107" markalı avtomobillər təhlükəsizlik tələblərinə cavab vermir: "Təbii ki, təhlükəsizlik tələblərinə cavab verməyən avtomobillərin törətdiyi qəzalar daha ağır nəticələrə gətirib çıxarır. Bəzən görürsən ki, qəza zamanı "VAZ 2107" sərnişinlərinin hamısı ölür. Bu məhz sözügedən avtomobilin standartlara uyğun olmaması üzündən baş verir. Bütün bunların fonunda hesab etmirəm ki, sözügedən avtomobilləri qısa müddətdə dövriyyədən çıxarmaq olar. Bu yavaş-yavaş olacaq bir məsələdir. Artıq bilirsiniz ki, sözügedən avtomobillərin idxalına qadağa qoyulub. Fikrimcə, ili daha köhnə olan avtomobillərin fəaliyyəti məhdudlaşdırılmalıdır. İnsanlar bir şeyi dərk etməlidirlər ki, "VAZ 2107" markalı avtomobillər təhlükəsizlik tələblərinə cavab vermir, bunları istənilən sürətlə sürmək olmaz. Çünki bu avtomobillərdə güclü əyləc sistemi yoxdur. Ən azından sözügedən avtomobilləri yüksək sürətlə sürmək olmaz və insanlar bunu dərk etməlidir. "VAZ 2107" markalı avtomobillərin idxalı qadağan olunsa da, maşın parkında sayları çoxdur. Şübhəsiz ki, sözügedən avtomobillərin çoxu köhnədir, amma hələ də istismar olunur. Ancaq görünən odur ki, bu avtomobillər zamanın tələblərinə cavab vermir. Avtomobilin təhlükəsizlik mexanizmi, demək olar ki, yox səviyyəsindədir. Bu avtomobilləri dövriyyədən çıxarmaq üçün maarifləndirmə tədbirləri artırılmalıdır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...