«Təmiz Binəqədi» layihəsi ilk açılışını etdi

Tarix: 08.07.2014 / 11:46
Bölmə: Sosial

«Bakı 2015» İlk Avropa Oyunlarının keçirilməsi ərəfəsində paytaxtın Binəqədi rayonunda «Təmiz Binəqədi» adlı sosial layihəyə start verildiyi barədə artıq məlumat vermişdik.
Onu da qeyd etmişdik ki, layihənin keçirilməsində əsas məqsədlərdən biri rayonun qəsəbə və mikrorayonlarında, küçə və məhəllələrdə intensiv abadlıq işləri aparmaq və bunun davamlı olmasını təmin etməkdir.
Binəqədi Rayon İcra Hakimiyyəti başçısının bugünlərdə imzaladığı müvafiq sərəncam və bundan irəli gələn tədbirlər planı Azərbaycanı dünyada tanıdacaq və təbliğ edəcək sözügedən tədbirdə Binəqədi rayonunun və onun icra strukturları, habelə ictimai-siyasi təşkilatları və sakinlərinin üzərinə düşən öhdəliklərin geniş mənzərəsini yaradır. Sərəncamda bildirilir ki, I Avropa Oyunlarına hazırlıqla əlaqədar 1 iyul 2014-cü ildən etibarən davamlı olaraq mərhələli şəkildə Binəqədi rayonu ərazisində «Təmiz Binəqədi» layihəsinin həyata keçirilməsinə başlansın. Sərəncamdan irəli gələn vəzifələrin operativ həlli üçün icra başçısının birinci müavini İlqar Süleymanovun sədrliyi ilə komissiya yaradılıb. Artıq komissiya öz işinə başlayıb və müvafiq iş planı tərtib olunub. Görüləcək işlərin əhatə dairəsi indiyədək görünməmiş dərəcədə genişdir. Ən maraqlısı isə tədbirlər planında ənənəvi qayda və stereotiplərdən imtina edilərək, novatorluğu və özünəməxsusluğu ilə diqqəti cəlb edən və müasir dünyada qəbul olunan metod və yığıncaqlara üstünlük verilməsidir.
Bu istiqamətdə görülən işlərin nəticəsi olaraq artıq iyul ayının 5-də Binəqədi rayonu, 9-cu mikrorayon ərazisində ilk tədbir baş tutub. Belə ki, həmin mikrorayonun Adil Məmmədov küçəsində yeni istirahət parkının açılışı olub. Açılış münasibətilə Binəqədi Rayon İcra Hakimiyyətinin Binəqədi Bələdiyyəsi ilə birgə təşkil etdiyi tədbirdə Rayon İcra Hakimiyyətinin rəhbərliyi, əməkdaşları, rayon ictimaiyyətinin nümayəndələri və sakinlər iştirak edib. Kiçik yaşlı uşaqların lenti kəsməsilə başlayan tədbirin açılış mərasimi sülh və əminamanlıq rəmzi sayılan göyərçinlərin havaya buraxılması ilə davam edib. Qeyd etmək yerinə düşər ki, belə parkların salınması, yeni-yeni ağac və gül kollarının əkilməsi ilə yaşıllıq zolaqlarının yaradılması təkcə rayonun abadlaşması məqsədinə xidmət etmir, bu addım həm də vətəndaş məmnuniyyətini qazanmağı hədəfləyir.
Tədbir iştirakçılarını RİH başçısı Xaləddin İsgəndərovun adından bu əlamətdar hadisə - parkın açılışı münasibətilə təbrik edərək onlara ən xoş arzularını bildirən Binəqədi Rayon İcra Hakimiyyəti başçısının birinci müavini İlqar Süleymanov paytaxtın şimal qapısında start götürən «Təmiz Binəqədi» sosial layihəsinin mahiyyəti barədə sakinlərə ətraflı məlumat verib. «Bakı 2015» İlk Avropa Oyunlarının keçirilməsi ərəfəsində reallaşan bu tədbirin ciddi əhəmiyyət daşıdığını bildirən G.Süleymanov hər bir rayon sakininin bu ictimai faydalı işə öz töhfəsini verməsinin zəruriliyini xüsusi qeyd edib. Onun sözlərinə görə, tədbirlər planı, görülən işlər barədə əhalini və təsərrüfat subyektlərini məlumatlandırmaqla yanaşı, müsabiqələrin elan olunmasını və müxtəlif aksiyaların keçirilməsini nəzərdə tutur ki, bu da tədbirin kütləviləşməsində əsaslı rol oynayacaq faktorlardan sayıla bilər.
Ümumiyyətlə, layihənin mahiyyəti ilə tanışlıq sübut edir ki, «Təmiz Binəqədi» layihəsi sadəcə müəyyən müddət üçün deyil, daimi olaraq bu işin davam etdirilməsi məqsədilə keçirilir.
Daha sonra tədbir tanınmış incəsənət ustalarının ifasında zövq oxşayan musiqi parçalarının səsləndirilməsi ilə davam edib. Sakinlərin böyük coşqu ilə qarşıladığı konsert proqramında səslənən mahnıların sədaları altında rayonun azyaşlı sakinləri - körpə fidanlar bir-birindən gözəl rəqslər nümayiş etdirməklə tədbirə əlavə çalar qatıblar. Əməkdar artist Ədalət Şükürovun ifası ilə yekunlaşan konsertin ardınca sakinlər atəşfəşanlıq zövqü yaşayıb. Ən maraqlı nüans isə rayon rəhbərliyinin oruclu insanlara sayğılı münasibəti olub. Belə ki, Ramazan ayı və iftar vaxtı olduğunu nəzərə alan tədbirin təşkilatçıları oruclarını açmaq üçün sakinlərə şirniyyat, xurma və su paylayıblar.
Sakinlər Binəqədi RİH tərəfindən başladılan «Təmiz Binəqədi» layihəsinin əhəmiyyətindən danışaraq parkın açılışından razılıqlarını bildirib, Binəqədi rayonunda get-gedə artan belə parkların və yaşıllıq zolaqlarının salınması ilə sakinlərin nəinki istirahət, həm də asudə vaxtlarını təmiz havada keçirmək probleminin öz həllini tapdığını vurğulayıblar.
Deyirlər ki, sağlamlıq təmizlikdən başlayır. Bu kontekstdən yanaşsaq, sözügedən layihənin çox önəmli əhəmiyyətə malik olduğunu əminliklə deyə bilərik. Axı bu həm də rayon rəhbərliyinin sakinlərin sağlamlığının qayğısına qalması deməkdir. O üzdən bizə də bu işdə əməyi keçən hər kəsə uğurlar diləmək qalır. İşiniz irəli, «Təmiz Binəqədi»çilər!

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...