30-45 yaşlı qadınlarda aborta meyl daha çoxdur

Tarix: 07.07.2014 / 12:22
Bölmə: Sosial

Könül Vaqifqızı: «Depressiya vəziyyətində olan bəzi qadınların depressiyasının səbəbini aydınlaşdıranda məlum olub ki, onlarda depressiya abortdan sonra yaranıb»

Pərvanə Mustafayeva: «Arzuolunmaz hamiləlikdən qorunmaqla qadınlar insan qatilinə çevrilməz»

Arzuolunmaz uşaq idi... Uşağı saxlamaq imkanı yoxdur... Bic doğulub, anası da el içində rüsvay olmamaq üçün onu atıb... Qız uşağıdır, aldanıb, sonra da nə edəcəyini bilməyib... Əri deyib ki, o uşaq bu qapıdan içəri girsə, özünü də, onu da ölü bil... Uşaq istəməyib, amma imkansızlıqdan aborta gedə bilməyib, doğub, sonra da...
Bütün bunlar körpəsini atan (yəni mənən öldürən) və ya məhv edən qatil analara haqq qazandırmaqdan başqa bir şey deyil. Bu səbəblərin heç biri günahsız körpəsinin atılmasına, öldürülməsinə heç bir halda haqq qazandırmır.
Statistik məlumatlara görə, Azərbaycanda hamiləliyin 46 faizi diri doğuşla başa çatır, 49 faizi isə abortla dayandırılır.
Ailə, Qadın və Uşaq Problemləri üzrə Dövlət Komitəsindən mətbuata verilən məlumata görə, bu rəqəmlər BMT-nin Əhali Fondu tərəfindən 2012-ci ildə keçirilən və 2013-cü ildə nəticələri çap edilən «Azərbaycanda doğulan uşaqların cinsə görə nisbətinin pozulmasına zəmin yaradan mexanizmlər: keyfiyyət və kəmiyyət əsaslı tədqiqat»da öz əksini tapıb.
Məlumatda qeyd olunur ki, süni abortla dayandırılan hamiləliyin sayı qadının yaşı və hamiləliyin sıra nömrəsi artdıqca daha da yüksəlir. 34-35 yaşarası qadınlar arasında hamiləliyin dörddə üç hissəsi abortla nəticələnir. Azərbaycanda abortlar əsas etibarilə ailəli qadınlar tərəfindən ikinci doğuşdan sonra nəsilverməni tənzimləmək məqsədilə istifadə olunur. İlk hamiləliyin yalnız 2 faizi abortla nəticələnir, lakin beşinci və daha sonrakı hamiləlikdə bu göstərici 83 faizə qalxır. Ailədə olan uşaqların sayı artdıqca, abortu həyata keçirən qadınların faizi də çoxalır. Tədqiqatın nəticələrinə görə, ailəli qadınların yarıdan çoxu - 56 faizi ən azı bir abort əməliyyatı keçirib. Abort əməliyyatı keçirmişlərin faizi yaş artdıqca çoxalır. 40-44 yaşdan başlayaraq qadınların dörddə üçü - 73 faizi həyatında ən azı bir abort əməliyyatı etdirib.
30-35 yaşlı qadınların aborta meyl etməsi ekspertləri də narahat edir.
Ginekoloq Pərvanə Mustafayeva «Bakı-Xəbər»ə açıqlamasında qeyd etdi ki, qadınların bir ay ərzində sadəcə bir həftə içərisində hamilə qalmaq imkanları olur: «Yerdə qalan iki həftə yumurtalığın yetişməsinə, 1 həftə də menstruasiya dövrünə düşür. Deməli, həmin bir həftə ərzində həkimə-filana getmədən, həb-filan qəbul etmədən də hamiləlikdən yayınmaq mümkündür. Sadəcə, belə etməklə, onlar nə insan qatilinə çevrilər, nə də öz həyatını xoşagəlməz ağrıların, stressin, gələcəkdə gözlənən fiziki fəlakətlərin, ölümün pəncəsinə atar.
Canlı varlıq qadın orqanizmindən uzaqlaşdırıldıqda, yəni mexaniki olaraq çıxarıldıqda bu hormonal disbalans bir müddət qadın orqanizmində qalır. Bu da qadın orqanizmində həm fiziki, həm psixi dəyişikliklər yarada bilər. Tibbi cəhətdən disbalans ilk növbədə hormonal sistemdə yaranır, ən birinci özünü cinsiyyət orqanlarında və süd vəzində büruzə verir. Cinsiyyət orqanlarında uşaqlıq boynunun daxili çatışmazlığı yarana bilər. Mexaniki olaraq o zədələndiyinə görə ikinci hamiləlikdə, uşaqlıq boynunun daxili çatışmazlığı nəticəsində 18-20 həftəlik düşüyə səbəb ola bilər».
Onun sözlərinə görə, abort bir növ əməliyyat sayıldığından, bu prosesdən sonra qadınlar özlərinə mütləq diqqəti yüksəltməlidir: «Kalorili yeməklər yeməli, istirahətə fikir verməli, bir ay müddətində cinsi əlaqədən uzaq olmalı, müxtəlif dərmanlardan istifadə etməlidirlər. Bunun baş verməməsi üçün isə abort məqsədilə qadın məsləhətxanalarına, xəstəxanalara müraciət edən hamilə qadınları fikirindən daşındırmaq üçün həkimlər abortun fəsadları, psixoloqlar isə bunun psixi cəhətdən törədə biləcəyi problemləri onların nəzərinə çatdırmalıdır. Belə ki, inkişaf etmiş ölkələrdə abort keçirmiş qadınlar psixoloji reabilitasiya kursları keçir. Psixoloqların açıqlamasına görə, abortdan sonra qadında 3 hiss - qorxu, utanc və günahkarlıq hissi daha güclü formada cəmlənir».
Sosioloq Aytəkin Kamranqızı bizimlə söhbətində bildirdi ki, abort təkcə xanımların problemi deyil: «Biz bəzən abort etdirdiyi üçün xanımları qınayırıq. Lakin abortun kökündə təkcə o xanım dayanmır. Onun psixososial durumu mühümdür. Amma durumun formalaşmasına kimlər təsir edirğ Burada sosial təsirlər var, onlar kimlərdirğ Bunlar ailə daxilindəki fərdlərdir. Həyat yoldaşıdır, ailədə qaynata, qaynana yaşayırsa, ata, ana varsa, onların təsiridir. Bundan əlavə, cəmiyyətin özünün bu gün abortu düzgün dərk etməməsidir».
Sosioloqun sözlərinə görə, bu gün 16 yaşından sonra gənc qızların qanunsuz münasibətləri də abortların sayında artıma səbəb olur. Buna səbəb isə, qanunvericiliyə əsasən, bu yaş həddinin ailə qurmağa imkan verməməsi, maarifləndirmənin yetərli olmaması, yüngül həyat tərzi, təzyiqlərin olması və digər amillər göstərilir. İstənilən halda, hamiləliyin yarıda sonlandırılması qadın orqanizminə təsirsiz ötüşmür. Hormonal, immun, böyrək-qara ciyər funksiyasında, arterial təzyiqin tənzimlənməsində, dövran edən qanın həcmində disbalans yaranır.
Bu günlərdə mənə iki qadın müraciət etdi. Onlardan biri hamiləlikdən necə qorunmağın yollarını öyrənmək istəyirdi. Yanındakı xanımsa rəfiqəsinin fikirlərinə gülüb deyirdi: «Mən indiyə qədər bəlkə də 20 dəfə abort etdirmişəm. Nədən qorxursanğ Özünə əziyyət vermə, normal həyatını yaşa, sonra da abort etdir getsin». Mən qadından yaşını soruşdum. 34 dedi. Amma görkəminə baxıb 40 yaşından az verməzdin. Artıq çanağı enlənmiş, ayaqları əyilmişdi. Bunların hamısı çox abort etdirməyin əlamətidir. Bunu ona anladanda dəhşətə gəldi, az qaldı ağlasın. Amma artıq gec idi». Psixoloq Könül Vaqifqızının sözlərinə görə, depressiya vəziyyətində olan bəzi qadınların depressiyasının səbəbini aydınlaşdıranda məlum olub ki, onlarda depressiya abortdan sonra yaranıb. Proses gizli getdiyi üçün bu hal o zamanlar hiss edilməyib: «İnsan özünü nə qədər qınaya bilər, nə qədər özünü günahkar hiss edə bilər, utancverici hisslə yaşaya bilərğ Qadın aborta öz istəyi və ya ətrafdakıların istəyi ilə getsə də, elə qadın ola bilməz ki, onun üzərində abortun psixoloji təsiri olmasın».

DİGƏR XƏBƏRLƏR

Tarix: 14.07.2026 / 12:31

“Valideyn himayəsindən məhrum qalmış uşaqlarla iş” layihəsinin səkkizinci təlimi

Tarix: 14.07.2026 / 11:33

Milli Məclis dövlət qulluğu və media ilə bağlı qanunlara dəyişiklikləri təsdiqlədi

Tarix: 13.07.2026 / 21:57

Fərdi evlər və mənzil qapılarında qoyulmuş kameralar söküləcək?

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...