Xaricilərə ərə getmiş qızlarımız yavaş-yavaş ata evinə dönürlər

Tarix: 07.07.2014 / 12:18
Bölmə: Sosial

«Çox xoşbəxtəm. Bəlkə də öz həmvətənimlə ailə qursaydım, bu qədər xoşbəxt olmazdım. Evimizdə «qaynana-baldız», yersiz qısqanclıqlar, tənələr, cehiz söhbətləri yoxdur... Heç kim ailəmizin işlərinə qarışmır». Bu sözləri əcnəbi vətəndaşlara ərə gedən bəzi azərbaycanlı qızlar deyir. Məlumata əsasən, əcnəbilərlə ailə quran gənclərin sayı ildən-ilə artır.
Gənclərin ailə qurması xoş bir haldır. Amma burada üzücü məqam odur ki, əcnəbilərlə ailə quranlar arasında boşananlar da az deyil.
Statistikaya əsasən, Azərbaycanda xarici vətəndaşlarla bağlanmış nikahların sayı ötən il 44,5 faiz artıb. Ailə, Qadın və Uşaq Problemləri üzrə Dövlət Komitəsinin yaydığı məlumata görə, 2012-ci ildə belə boşanmaların sayı 146 olduğu halda, 2013-cü ildə 211 olub.
Əvvəlki illərdə isə bu boşanmaların sayı daha da az olub. Azərbaycanda 2009-cu ildə xarici vətəndaşlarla bağlanmış nikahlar zamanı 75, 2010-cu ildə 78, 2011-ci ildə 76 boşanma faktı qeydə alınıb.
Ümumilikdə ötən il ölkədə 86 892 nikah bağlanıb ki, onun da 2780-i xarici vətəndaşlarla olub.
Azərbaycanda xarici vətəndaşlarla bağlanmış nikahların sayında da əvvəlki illərlə müqayisədə artım qeydə alınıb.
«Azadqadın.az» saytının baş redaktoru Aynur Qurbanqızı «Bakı-Xəbər»ə açıqlamasında qeyd etdi ki, azərbaycanlıların əcnəbilərlə ailə qurmasının əsas səbəbi onların azadlıq axtarmasıdır: «Bunu daha çox sosial sifariş kimi qiymətləndirmək olar. İnsanların bərabər olmaq istəkləri buna səbəb olur. Gənc xanımlar düşünür ki, əcnəbi kişi ilə ailə həyatı qursa, demək, onun azadlığı olacaq və istədiyi kimi yaşayacaq. Çünki son vaxtlar Azərbaycan ailələrində ər-arvad arasında münasibətlər, psixi zorakılıqlar, münaqişələr və boşanma halları artıb. Həmçinin, qadınların ünsiyyət qurmasına da müəyyən qadağalar qoyulur. Xüsusən gənc xanımlar fikirləşir ki, xarici vətəndaşla ailə həyatı qursa, problemlərlə üzləşməyəcək. Bu cür yanaşma həm də azərbaycanlı kişilərdə var».
Həmsöhbətimiz onu da əlavə etdi ki, əcnəbi vətəndaşlara ərə gedən qadınların əksəriyyəti boşanmış xanımlardır: «Bir çox hallarda bir dəfə evlənib ayrılmış qadınlar yenidən ailə həyatı qura bilmir. Başa düşürlər ki, Azərbaycan kişiləri evlənib ayrılmış qadınla ailə həyatına pis baxır. Onlar yenidən evlənmək üçün əcnəbi vətəndaşlarla əlaqə qurur. Mənə elə gəlir, biz bu adətləri və stereotipləri aradan qaldırmalıyıq. Əgər cəmiyyətdə boşanmış qadınlara münasibət bir qədər dəyişsə, əcnəbilərlə evlənənlərin də sayı azalar».
Onun sözlərinə görə, Azərbaycan kişiləri Avropa qadınları ilə evlənməyi sevmir. Çünki əcnəbi qadınlarla bizim kişilərin arasında mentalitet fərqi var. Azərbaycanlı qadınlarsa xaricilərə ərə gedir: «Çünki Avropa kişilərinin centlmen davranışları var. Azərbaycan kişiləri qadınla davrana bilmir. Qadına xəyanət etmək və bu kimi fikirlər azərbaycanlı kişilərin problemidir. Bilirlər ki, əcnəbi kişisi qadına başqa qiymət verir. Lakin sonradan bunun belə olmadığını görən qadınlarımız problemlərlə üzləşir».
Həmsöhbətimiz onu da əlavə etdi ki, bütün bu fəlakətlərin kökündə əcnəbiyə ərə gedən qızların evləndiyi adam barəsində məlumatsız olması durur: «Onlar həmin adamın kim olduğunu bilmədən, pulu var deyə, yaxud da məhz əcnəbi olduğuna görə ona ərə gedir. Bu mövzu ilə bağlı cəmiyyətə mütəmadi mesaj ünvanlayırıq ki, əcnəbiyə ərə getməzdən əvvəl səfirliklərə müraciət edərək həmin şəxs haqqında ətraflı məlumat alın. Amma təəssüf ki, bir çox hallarda, qızlar və onların valideynləri bu məsələyə çox biganə yanaşır. Məlumatı dəqiqləşdirmədən evlilik kimi önəmli bir qərar verirlər».

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...