Ruhi xəstələrin say artımı qorxulu sosial fakta çevrilir

Tarix: 04.07.2014 / 02:32
Bölmə: Sosial

"Hazırda Azərbaycanda 12 psixiatriya və ruhi-əsəb dispanseri fəaliyyət göstərir. Bakıda təkcə 3 nömrəli xəstəxananın nəzdində ruhi-əsəb və psixiatriya şöbəsi var". Bunu Səhiyyə Nazirliyi mətbuat xidmətinin rəhbəri Anar Qədirli mətbuata açıqlamasında deyib. Onun sözlərinə görə, 12 dispanser və xəstəxanadan 3 dispanser paytaxtda, digərləri isə Sumqayıt, Gəncə, Mingəçevir, Lənkəran, Salyan, Qazax, Quba və Şəkidə xidmət göstərir.
A.Qədirli onu da əlavə edib ki, bu dispanserlərdə müalicə və müayinə pulsuzdur.
Qeyd edək ki, Azərbaycandakı müalicə-profilaktika müəssisələrində qeydiyyata düşən psixi xəstə diaqnozu qoyulmuş xəstələrin sayı 2012-ci ildə 121.139 nəfər olubsa, 2013-cü ildə 2.995 nəfər artaraq 124.134 nəfər təşkil edib. 2013-cü ildə müalicə - profilaktika müəssisələrində qeydiyyatda olan xəstələrin sayı nəzərə alınmaqla, əhalinin hər 100 min nəfərinə 1326,6 nəfər düşüb.
Ümumən ölkədə ilk dəfə ruhi xəstə diaqnozu qoyulmuş xəstələrin statistikasına əsasən, əhalinin hər 100 min nəfərinə 52,7 psixi xəstə düşür.
Ruhi xəstələrin sayının artması ekspertləri də narahat edir.
Psixoloq Bahar Qafarova "Bakı-Xəbər"ə açıqlamasında qeyd etdi ki, psixoloji sarsıntının nəticəsi kimi dünyada və Azərbaycanda ruhi xəstələrin sayı artır: "Tək Azərbaycanda deyil, bütün dünyada ruhi xəstələrin sayı artmaqdadır. İnsanın tənhalaşması, depressiyanın artması, zamanın yüksək ritmi qarşısında insan orqanizminin müqavimətsiz qalması cəmiyyətdə belə arzuolunmaz halların artmasına səbəb olur. Əlbəttə, belə halların qarşısının alınması üçün vaxtında düzgün psixoloji xidmət göstərilməlidir. Qanuna sosial sifariş, ehtiyac varsa, o qanun işləyəcək. Qanunun qəbulu üçün normaları tənzimləyib, iş mexanizmini hazırlamaq lazımdır".
Həmsöhbətimiz ruhi xəstələrin sayının artmasının bir səbəbini sosial vəziyyətin ağırlığı ilə əlaqələndirdi: "Psixi pozuntuların sayı doğrudan da artıb. Burada iki faktorun böyük rolu var. Biz əvvəllər digər millətlərlə qaynayıb qarışırdıqsa, indi hamımız bir-birimizlə qarışırıq. Qohumla qohumun ailə qurması zamanı da irsi xəstəliklər üzə çıxır. Bu birinci faktordur. Amma alimlərin araşdırmalarına görə, statistik faktlar da var. Elə ölkələr var ki, orada sosial durum normaldır. Amma təəssüflər olsun ki, bizdə sosial durum qeyri-normaldır. Bu da psixologiyaya təsir edir. Məsələn, hansısa ərzaq mağazasında sahibkarlar işçini səhərdən axşamadək işlədir və qəpik-quruş verirlər. Sosial durumun ağırlığı ucbatından çox insan öz gələcəyinə ümid etmir. İnsanlar emosional təzyiqdən öz aləminə qapanır və öz dünyasını şizofreniyaya əsasən qurmağa başlayır. Perspektivli gələcəyə inanmırlar. Özünüz də görürsünüz ki, nə qədər müəllim, valideyn, tələbə gərginlik yaşayır. Get-gedə vəziyyət daha da pisləşəcək".
B.Qafarova cinayət hallarının artmasının da psixi gərginliklə əlaqəli olduğunu dilə gətirdi. O həmçinin onu da əlavə etdi ki, canlı ünsiyyətin azalması, virtual ünsiyyətə meylin artması, urbanizasiyanın sürətlənməsi, böyük şəhərlərdə sıxlığın, həyat ritminin artması, ənənəvi ailə institutunun yavaş-yavaş sıradan çıxaraq yeni ailə modeli ilə əvəzlənməsi, ünsiyyət vaxtının azalması, qidaların tərkibinin, ekologiyanın dəyişməsi və s. bu kimi səbəblər insan psixologiyasına mənfi təsir göstərir, ciddi depressiya yaradır.

DİGƏR XƏBƏRLƏR

Tarix: 14.07.2026 / 15:55

Naxçıvanda daha iki dövlət qurumu ləğv edilir...

Tarix: 14.07.2026 / 12:31

“Valideyn himayəsindən məhrum qalmış uşaqlarla iş” layihəsinin səkkizinci təlimi

Tarix: 14.07.2026 / 11:33

Milli Məclis dövlət qulluğu və media ilə bağlı qanunlara dəyişiklikləri təsdiqlədi

Tarix: 13.07.2026 / 21:57

Fərdi evlər və mənzil qapılarında qoyulmuş kameralar söküləcək?

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...