Bakıdakı budanmayan qovaq və akasiya ağacları yıxılacaq

Tarix: 03.07.2014 / 04:09
Bölmə: Sosial

Bu il iyunun 23-də qeyri-normal hava şəraiti Bakı şəhərində növbəti dəfə ciddi problemlər yaratdı. Söhbət, əvvəlki dövrlərdən fərqli olaraq, bu dəfə paytaxtda əsən güclü küləyin vətəndaşlara vurduğu ziyanın məbləğinin daha böyük olmasından və zərərçəkənlərin sayının çoxluğundan gedir. Xatırladaq ki, Daxili İşlər Nazirliyinin rəsmi saytının yaydığı məlumata görə, iyunun 23-də Nərimanov rayonundakı Ə.Rəcəbli küçəsində küləyin qırdığı ağac Bakı şəhər sakini Nabat Məmmədovaya məxsus "KİA" markalı avtomobilin üzərinə düşüb.
Xəsarət alan olmayıb, avtomobilə qismən ziyan dəyib.
Nərimanov rayonunun M.Məmmədzadə küçəsində isə küləyin qırdığı ağac Bakı şəhər sakinləri Yusif Şabanova məxsus "Hyundai" və Aydın Məmmədova məxsus "Mercedes" markalı avtomobillərin üzərinə düşüb. Xəsarət alan olmasa da, avtomobillərə qismən ziyan dəyib.
Səbail rayonunun A.Puşkin küçəsində küləyin qırdığı ağac "Volkswagen" markalı avtomobilin üzərinə düşüb. Xəsarət alan olmayıb, avtomobilə qismən ziyan dəyib. Bundan əlavə, küləyin qırdığı ağac Səbail rayonunun G.Əliyev küçəsində yaşayan Nazirə Vəliyevanın evinin damına düşüb. Xəsarət alan olmayıb, lakin evin dam örtüyü yararsız hala düşüb. Səbail rayonunun Xanlar küçəsində küləyin qırdığı ağac isə Bakı şəhər sakini Abbas Kərimova məxsus "Nissan" markalı avtomobilin üzərinə düşüb. Xəsarət alan olmasa da, avtomobilə qismən ziyan dəyib. Küləyin əsməsi nəticəsində Nəsimi rayonu M.Qaşqay küçəsində yerləşən yeni inşa edilmiş binadan taxta parçası yolu keçən Bakı şəhər sakini Lalə Nəbiyevanın üzərinə düşüb. L.Nəbiyevaya xəstəxanada ilkin tibbi yardım göstərilib. Əlavə edək ki, bu ilin yanvar ayında Nizami rayonundakı Babək prospektində binanın qarşısında aşan ağac ana və balanın ölümünə səbəb olmuşdu.
Şübhəsiz ki, Bakı küləklər şəhəri olduğundan, güclü küləklərin əsməsi, qasırğaların baş verməsi həmişə baş verə bilər. Bəs, görəsən gözlənilən qasırğalar və küləklər zamanı ağacların yıxılmasının və ya onların qol-budaqlarının qırılmasının qarşısının alınması üçün hansı tədbirləri həyata keçirmək lazımdır?
Ekologiya və Təbii Sərvətlər Nazirliyinin Meşələrin Mühafizəsi Departamentinin sektor müdiri Sadiq Salmanov vurğulayır ki, əvvəllər Bakı şəhərinin yaşıllaşdırılmasında daha çox qovaq və akasiya ağaclarından istifadə edilib. Onun dediyinə görə, qovaq ağacları 25-30 ildən bir, akasiya ağacları isə 15-20 ildən bir kəsilir: "Bu ağaclarda budanma aparılan zaman cavan pöhrələr meydana çıxır. Hər dəfə budanmadan sonra çıxan pöhrələr hesabına bu ağaclar 4 dəfə artıq ömür yaşayır. Ancaq təəssüf ki, Bakı şəhər İcra Hakimiyyətinin nəzdində fəaliyyət göstərən Bakı şəhər Yaşıllaşdırma Departamentinin rəsmiləri bu amili nəzərə almır. Sözügedən ağacların vaxtlı-vaxtında budanması təmin olunmadığından, qovaqlar və akasiyalar kortəbii böyüyür, qol-budaqları şaxələnir və külək əsərkən, qasırğa qoparkən qol-budaqlar sınır, yaxud bu ağaclar yıxılır. Sonuncu belə hadisə zamanı yıxılan ağacların böyük əksəriyyəti akasiya ağaclarıdır. Budanma işləri aparılmazsa, gələcəkdə də ciddi problemlər yaşana bilər. Gələcəkdə güclü küləklər və qasırğalar nəticəsində ağacların yıxılması zamanı faciələrin baş verməsi, onların qurbanlarının sayının və dəyəcək ziyanın məbləğinin artması istisna edilmir".
Bakı şəhər Yaşıllaşdırma Departamentinin rəisi Vaqif Novruzov isə ittihamları qəbul etmir. Onun dediyinə görə, rəhbərlik etdiyi qurum əvvəllər yalnız vətəndaşların müraciəti əsasında təhlükəli ağacların ya tamamilə kökündən kəsilməsini, ya da qol-budaqlarının doğranmasını reallaşdırırdı: "Biz qurumuş və istifadəyə yararsız ağacları, təhlükə törədə biləcək ağac budaqlarını doğrayırdıq. Bu məsələdə vətəndaşların və müvafiq qurumların şikayət və müraciətlərini nəzərə alırdıq. Ancaq indi vəziyyət başqa cürdür. Bu ilin mart ayında Prezident İlham Əliyev ölkə ərazisində ağacların qanunsuz kəsilməsinin qarşısının alınması üçün mübarizə tədbirlərinin gücləndirilməsi barədə tapşırıqlar verdi. Bundan əlavə, Milli Məclisdə "Yaşıllıqların mühafizəsi haqqında" qanun layihəsi qəbul olundu. Bu səbəbdən də, təhlükəli olsa belə, hər hansı bir ağacın kəsilməsi və ya budanması üçün mütləq Ekologiya və Təbii Sərvətlər Nazirliyinin Ekspertiza İdarəsindən rəy alınmalıdır. Rəy verilmirsə, biz ağackəsmə, yaxud budanma ilə məşğul ola bilmərik. Ona görə də bizim qınayanlar yanılır".
Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova qeyd edir ki, hər hansı bir ərazidə təhlükəli ağac varsa və onun kəsilməsi vacibdirsə, bunun üçün vətəndaşlar, yerli sakinlər nazirliyin "165" nömrəli "Qaynar xətti"nə müraciət etməlidir: "Müraciət daxil olduqdan sonra Dövlət Ekspertiza İdarəsinin əməkdaşları tərəfindən vəziyyət araşdırılır və deyilənlər doğrudursa, yəni ağaclar həqiqətən də yararsızdırsa, adıçəkilən idarə tərəfindən sözügedən ağacların kəsilməsinə dərhal rəy verilir".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...