Dünya çempionatında əfsanəvi futbol aparıcılarının yeri təkrar-təkrar görünür

Tarix: 01.07.2014 / 04:00
Bölmə: Sosial

FİFA Dünya Kuboku 2014 - Braziliyada kişilər arasında təşkil olunan və hazırda keçirilən sayca 20-ci FİFA Dünya Kuboku turniri. Turnirin FİFA tərəfindən Cənubi Amerikada təşkil olunmasına qərar verildikdən sonra, 30 oktyabr 2007-ci ildə səsverməyə qatılan tək ölkə olaraq Braziliyanın ev sahibliyi etməsi və 17 noyabr 2007-ci ildə FİFA tərəfindən turnirə Braziliyanın ev sahibliyi edəcəyi ilə bağlı qərar verildi.
Braziliya ikinci dəfədir FİFA Dünya Kubokuna sahiblik edir (İlk dəfə həmin ölkə 1950-ci ildə Dünya Çempionatının keçirilməsinə hüquq qazandı). 31 ölkənin milli komandaları Dünya Kubokuna vəsiqə qazanmaq üçün 2011-ci ilin iyun ayında başlayan təsnifat mərhələsində mübarizə aparmışdılar. 15 oktyabr 2013-cü il tarixində seçmə qrupları tamamlanıb və qrup mərhələsinə qatılan ölkələr müəyyən olunub. Matçlar yeni inşa edilmiş və yeniləşdirilmiş 12 fərqli şəhərdə olan 12 stadionda təşkil olunur. Turnirə qrup mərhələsinin Braziliya - Xorvatiya matçı ilə 12 iyun tarixində start verilib. Dünya Kubokunun tarixində ilk dəfədir ki, "goal-line" texnologiyası tətbiq olunur. Həmin texnologiya mübahisəli məqamlarda topun xətti keçib-keçməməsini müəyyən edir.
Ev sahibi ölkə ilə bütün dünya çempionu ölkələr 1930-cu ildəki ilk Dünya Kubokundan bəri (Uruqvay, İtaliya, Almaniya, İngiltərə, Argentina, Fransa və İspaniya) turnirdə mübarizəetmə haqqı qazanmışdılar. Son çempion İspaniya 2010 Dünya Kuboku finalında Hollandiyanı 1-0 məğlub edərək ilk çempionluğunu qazanıb. Bu, Cənubi Amerikada təşkil edilən dördüncü Dünya Kubokudur.
Final matçı Braziliyanın Rio de Жaneyro şəhərində yerləşən Marakana stadionunda keçiriləcək.
Futbola bizim ölkədə maraq böyükdür. Bu, əhalinin ictimai-iaşə obyektlərinə yığışaraq futbolu birgə seyr etməsindən də aydın hiss edilir. Bizim yerli telekanallar da canlı yayım lisenziyası əldə edənlərin sırasındadır. Ancaq futbol matçlarının başlanmasına bir neçə dəqiqə qalmış sosial şəbəkələrdə yazılan statuslardan görünür ki, bir sıra tanınmış şəxslər yerli telekanalların şərhçilərindən gileyləndiyi üçün oyunlara Rusiya və ya Türkiyə kanallarından baxmağa üstünlük verir. Maraqlıdır, müasir futbol şərhçiləri niyə əfsanəyə çevrilən Nikolay Ozerovun, Kote Maxaradzenin, Vladimir Maslaçenkonun yerini tuta bilmir?
Futbol üzrə ekspert Ceyhun Məmmədli qəzetimizə açıqlamasında müasir idman şərhçilərinin səviyyəsinin aşağı olması ilə razılaşdığını bildirdi: "Bəli, mən də şahidəm ki, bir çox adamlar dünya çempionatına yerli kanallarda baxmağa üstünlük vermir. Səbəbi sadədir. Oyunu aparan kommentatorlar futboldan başqa nədən desən danışır. Bu lazımdırmı? Əlbəttə ki, yox. Məsələn, Braziliya-Çili oyununda Azərbaycanda gedən inkişafdan danışmaq nə dərəcədə yerinə düşər? Mən bu oyunu məcazi olaraq qeyd etdim. Ancaq bu oyunlarda şərhçilər tərəfindən mövzudan kənara çıxma hallarına doğrudan da rast gəlinir. Ölkədəki inkişafı hamı görür. Bunu danmaq da olmaz. Ancaq bunun təbliği üçün başqa televiziya verilişlərində daha əhatəli danışmaq olar. Və ya oyunu şərh edən iki aparıcı bir-birini canlı yayımda "prikola" tutur, zarafatlaşır. Təbii ki, bütün bunlar futboldan zövq almaq istəyən insanın əsəblərinə pis formada təsir edir. Mən heç müasir Rusiya şərhçilərindən də o qədər razı deyiləm. Sizin dediyiniz əfsanəvi aparıcılarla onlar müqayisə oluna bilməz. Deyilənə görə, bir dəfə Nikolay Ozerov futbolu şərh edərkən ağzından kobud söyüş çıxıb. Canlı yayım olduğundan, söyüşü milyonlar eşidib. Ancaq hamı başa düşdü ki, bu, Ozerovun futbola gipnotik həzlə aludə olmasından yaranıb. Bu amil onu sevməyə mane olmadı. Futbolu gözəl şərh etmək üçün bu idman növünə bağlı olmaq lazımdır. Qandan gələn həvəs oyunu da yaxşı şərh etməyə imkan verəcək. Hesab edirəm ki, ayrıca futbol şərhçilərinin yetişdirilməsinə zərurət var. Çünki bu oyunları milyonlar seyr edir".

DİGƏR XƏBƏRLƏR

Tarix: 14.07.2026 / 16:04

Onlayn növbə götürür, amma həkimə getmirlər - TƏBİB-dən vətəndaşlara çağırış etdi...

Tarix: 14.07.2026 / 15:55

Naxçıvanda daha iki dövlət qurumu ləğv edilir...

Tarix: 14.07.2026 / 12:31

“Valideyn himayəsindən məhrum qalmış uşaqlarla iş” layihəsinin səkkizinci təlimi

Tarix: 14.07.2026 / 11:33

Milli Məclis dövlət qulluğu və media ilə bağlı qanunlara dəyişiklikləri təsdiqlədi

Tarix: 13.07.2026 / 21:57

Fərdi evlər və mənzil qapılarında qoyulmuş kameralar söküləcək?

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

Tarix: 13.07.2026 / 10:01

Bakı–Quba yolunda yanacaqdaşıyan avtomobil alışdı - VİDEO

Tarix: 13.07.2026 / 09:20

Füzulinin minalanmış ərazilərində yanğın başlayıb

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...