Binaların üstündə həvəskar yazılara görə cəza mexanizmi hələ işə düşə bilmir

Tarix: 30.06.2014 / 01:56
Bölmə: Sosial

Artıq neçə illərdir müxtəlif ictimai, yaşayış binalarının və digər bu kimi obyektlərin divarları yazılır. Necə deyərlər, hara gəldi internet resurslarının, saytların adının, müxtəlif mesajların, reklam xarakterli elanların yazılması adi hal alıb.
Acınacaqlı mənzərə həm də ondan ibarətdir ki, təzəcə təmirdən çıxmış binaların divarlarına, keçidlərə belə bənzər yazılar yazılır. Görürsən ki, bina çox yaxın zamanlarda təmirdən çıxıb, amma çox keçmədən analoji hallar özünü göstərir. Eyni vəziyyət təzə avtobuslara da aiddir. Qəttəzə avtobusların oturacaqları məhəbbət etirafları, ali məktəblərin, paytaxt məhəllələrinin, rayonların adları ilə "bəzədilir".
Binaların fasad hissəsində internet ünvanlarının nə məqsədlə yazıldığı bir çox hallarda anlaşılmır. Bunun reklam xarakterli olması da bəzi hallarda mübahisəli görünür. O da maraqlıdır ki, binaların divarlarındakı bu cür yazılarda hansısa ciddi saytların adlarına rast gəlinmir. Adlar içərisində tanışlıq, sevgi, erotik və pornoqrafik mobil internet saytları üstünlük təşkil edir ki, bu da insanı narahat etməyə bilməz.
Bəzi məlumatlara görə, divarlara yazılan sayt adları qeyri-ənənəvi təriqətlərə, sektalara, müxtəlif maraqlara xidmət edən qruplara məxsusdur. Onlar bu vasitə ilə özlərinə müştəri, yaxud tərəfdaş, əməkdaş, yeni üzvlər tapır. Divarlarda ünvanları yazılan saytların bir çoxunun da pornosayt olduğu bildirilir. Həmin saytların divarda yazılmasının ən mənfi cəhəti odur ki, bu, istər-istəməz, yeniyetmə və uşaqların diqqətini özünə çəkir.
Onu da qeyd edək ki, binaların korlanaraq divarlarında bu cür yazıların yazılması, şəkillərin çəkilməsi qanunvericiliyə görə xuliqanlıq hesab olunur. Buna görə fiziki şəxslər üçün 50-100 manat cərimə nəzərdə tutulub. Hətta bununla bağlı 15 sutkalıq həbs də nəzərdə tutulub. Ancaq bu günə qədər sözügedən məsələyə görə kiminsə cərimə edildiyinin şahidi olmamışıq. Maraqlıdır, ekspertlər çıxış yolunu nədə görür?
Sözügedən məsələni dəyərləndirən ekspert İlqar Hüseynli bununla bağlı bir sıra məqamlara toxundu: "Həqiqətən də bu problem var və çox təəssüflər olsun ki, binaların bu şəkildə korlanması halları davam edir. Bununla həm insanların estetik zövqü korlanır, həm də uşaqların tərbiyəsinə xələl gətirən halların yayılmasına şərait yaranır. İndiyə qədər buna görə kiminsə cərimələnməməsinin və ümumiyyətlə hansısa şəxsin cəzalandırılmamasının bir neçə səbəbi var. Əvvəla, bu cür yazılar çox vaxt gizli formada yazılır. Əsasən gecələr belə yazılar yazılır. Yəni müvafiq qurumların gözü qarşısında belə hallara yol verilmir. Digər tərəfdən, bunu daha çox yetkinlik yaşına çatmayan uşaqlar edir. Əsasən uşaqlar divarlarda belə yazılar yazır ki, bu da bir sıra hallarda onlara hansısa cəzanın verilməsini çətinləşdirir. Mövcud problemin həlli kompleks tədbirlərin görülməsindən keçir. Birinci növbədə belə hallarla mübarizə məsələsində qanunvericilikdə nəzərdə tutulan cəzalar aydın göstərilməli və bununla bağlı maarifləndirmə kampaniyası aparılmalıdır. İkinci tərəfdən, binaların və digər bu kimi obyektlərin qorunmasına nəzarət artırılmalıdır. Müasir dövrdə müşahidə kameraları vasitəsilə buna yol verənləri müəyyən etmək olar. Ən nəhayət, sözügedən məsələ insanların mədəni səviyyəsindən asılıdır. Hesab edirəm ki, bu istiqamətdə səylər artırılmalıdır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...