Türk liseylərinin bağlanması cəmiyyətdə birmənalı qarşılanmayıb

Tarix: 30.06.2014 / 03:52
Bölmə: Sosial

Azərbaycanda türk liseylərinin bağlanması prosesinə başlanıb. Ancaq maraqlıdır ki, bu qərara münasibət birmənalı deyil. Məlum olduğu kimi, həmin liseylərdə əsasən imkanlı adamların və vəzifəli şəxslərin övladları təhsil alırdı. Çünki təhsil haqqının baha olması səbəbindən bu məktəblərdə təhsil almaq hər ailənin büdcəsinə uyğun deyildi.
Elə türk liseylərinin bağlanmasına da ən kəskin etiraz hakimiyyətin kursunu dəstəkləyən şəxslər tərəfindən verilib. Məsələn, uzun illər hakimiyyətin aktiv təbliğatçısı olan millət vəkili türk liseylərinin bağlanmasına kəskin reaksiya verənlərdən olub. Sən demə, deputatın nəvələri həmin liseylərdən birində təhsil alırmış. F.Ağamalı deyib ki, Azərbaycanda təhsilin bərbad vəziyyətdə olması səbəbindən heç vaxt nəvələrini dövlət təhsil müəssisələrinə etibar etməyəcək.
Liseylərin bağlanmasına etiraz edənlərdən biri də uzun illər parlamentin təhsil komitəsinin sədri, məşhur "91-lər"dən olan YAP-çı professor Şahlar Əsgərovdur. Doğrusu, Ş.Əsgərovun məsələyə yanaşması daha maraqlıdır. Çünki o da dövlət təhsil müəsissələrinin bərbad vəziyyətindən şikayətlənir. Lakin maraqlı olan Şahlar Əsgərovun kimə gileylənməsidir. Axı Azərbaycan təhsilinin bərbad vəziyyətdə olması ilə bağlı yaranmış vəziyyətə birinci cavabdeh olanlardan biri də məhz onun özüdür.
Bu yanaşmalardan sonra maraqlı sual yaranır: Türk liseylərinin bağlanmasının Azərbaycan təhsilinə hansı xeyri və ya zərəri olacaq?
Sabiq millət vəkili Şahlar Əsgərov bu məktəblərin bağlanmasını ürək ağrısı ilə qarşıladığını deyir. O qeyd edir ki, bu məktəblər son 15-20 ildə az qala qürur mənbəyimizə çevrilmişdi:
"Ona görə ki, təqribən bu 10-15 məktəbin illər boyu qazandığı medalların sayı Azərbaycanda mövcud olan 3500 orta məktəbin qazandığı medalların sayından çox idi. İmkanı çatan hər bir Azərbaycan ailəsi öz övladlarını məhz həmin məktəblərdə oxutmağa cəhd edirdi. Müraciət edənlərin sayı çox olduğundan, həmin məktəblərə qəbul zamanı da seçim edilirdi və ən layiqli, ən talantlı uşaqlar götürülürdü".
YAP-çı professorun sözlərinə görə, sözügedən liseylərin əsas üstünlükləri bu idi ki, mükəmməl ingilis dili öyrədirdi və tədris zamanı millətin dininin, tarixinin, adət-ənənələrinin, mənəvi dəyərlərinin qorunmasına, təbliğinə xüsusi diqqət yetirilirdi: "Yəni bu məktəblər mənəviyyata bağlı bir təhsil sistemi idi. Deyək ki, sovetlər dönəmində də, elə indi də orta məktəblərdə bizim rus bölmələri də olub. Həmin məktəblərdə tədrisi əla öyrətsələr də, mənəviyyata bağlılığı öyrətməyiblər, yəni bu təhsil mənəviyyata bağlı olmayıb. Deyim ki, bu özəl türk liseylərinin bir çox tədbirlərində mən iştirak etmişəm, rəhmətlik Heydər Əliyev və indiki Prezidentimiz İlham Əliyev də bu məktəblərə həmişə yüksək qiymət verib. Yadınızdadırsa, vaxtilə ulu öndər bu məktəbləri Azərbaycanla Türkiyəni bir-birinə daha sıx tellərlə bağlayan mənəvi körpü adlandırmışdı. Ona görə də mən bu məktəblərin bağlanması səbəbini bilməsəm də, ağrı ilə qarşıladım və inanmıram ki, bu boşluğun yerini doldura bilək.
Çünki məktəb qurmaq yeni bir şey deyil. Məktəb qurmağın min illik tarixi var, məktəb qurmaq asan olsaydı elə indiyə qədər özümüz qurardıq da. Deməli, təhsil sistemini hərəkətə gətirmək üçün bir neçə arzunun reallaşması yetərli olmur, gərək rol oynayan kompleks faktorları bir yerə toplaya biləsən. Bu baxımdan "Çağ Öyrətim" bu prosesi çox əla idarə edirdi və idarəetmənin mexanizmini tuta bilmişdilər".
Tarix üzrə fəlsəfə doktoru olan tanınmış təhsil eksperti Məhərrəm Zülfüqarlı isə Şahlar Əsgərovdan fərqli düşünür. O, qəzetimizə açıqlamasında bildirdi ki, uzun müddət təhsil sahəsində çalışan bir şəxs kimi Azərbaycanın elmi potensialına gözəl bələddir: "Türk liseylərinin bağlanmasını faciə kimi qəbul etmək lazım deyil. Onların qazandığı uğurları arqument kimi irəli sürürlər. Mən əminəm ki, bizdə olan müəllimlərə həmin şəraitin yarısı belə yaradılsa, nəticədə onları geridə qoyarıq. Həmin liseylərdə dərs deyən müəllimlərin çoxu bizim vətəndaşlar olub. Sadəcə, yüksək əmək haqqı ilə onları həmin məktəblərə cəlb etmişdilər. Bir misal çəkim. Mənim oğlum Sumqayıt şəhərində imtahan verib türk liseylərindən birinə qəbul olmuşdu.Bir ildən sonra övladımı ordan çıxardım. Səbəbini də deyə bilərəm. Uşaq müəllimə sual verəndə türkiyəli müəllim cavab vermirmiş. Mən məktəbə getdim. Belə izahat verdilər ki, bu onların metodudur. Mən isə bildirdim ki, təhsildə bir metod tanıyıram - müəllim mütləq şagirdin sualını cavablandırmalıdır. Oğlumu Sumqayıt şəhərində çox gözəl orta təhsil verən ocaqlardan biri olan Münəvvər müəllimənin məktəbinə qoydum. O, ən yüksək balla İqtisad Universitetinə daxil oldu. Ali məktəbi əla qiymətlərlə başa vurduqdan sonra İngiltərədə magistr təhsili aldı. İndi də tanınmış beynəlxalq şirkətlərdən birində işləyir. Heç bir həyəcan keçirmək lazım deyil. Sadəcə, təhsilə dövlətin qayğısı bir qədər də artırılmalıdır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...