Məktəblilərimizin başı üstündə "ağ ölüm" təhlükəsi artır

Tarix: 26.06.2014 / 05:00
Bölmə: Sosial

Dünyanın başı üzərində "ağ ölüm" kabusu dolaşmaqda davam edir. Getdikcə daha çox yayılır, gəncləşir, "mübarizə"dən qalib kimi ayrıldığını cənginə aldığı neçə - neçə insanın həyatını məhv etməklə sübuta yetirməyə çalışır. Ölkəmizdə də son illər narkotik maddələrdən istifadə hallarının artdığı bildirilir.
Statistik məlumatlara görə, hazırda 28 minə yaxın narkotik aludəçisi rəsmi qeydiyyatdadır.
Xüsusi olaraq qeyd edək ki, son zamanlar mətbuatın diqqətini çəkən məsələlərdən biri də məktəblilər arasında narkotik asılılığından əziyyət çəkənlərin sayının artmasıdır.
Narkotiklərə Qarşı Milli Təbliğat Ofisinin rəhbəri Məzahir Əfəndiyev mətbuata açıqlamasında deyib ki, bu gün Azərbaycanda narkotik asılılığı yaşayan şagirdlər, hətta ali təhsil müəssisələrinin tələbələri var. O bildirib ki, 2013-cü illə bağlı rəsmi statistika da artıq şagirdlərin də narkotik vasitə ilə bağlı cinayət məsuliyyətinə cəlb olunduğunu və bu sahəyə xüsusi diqqət yetirilməli olduğunu göstərir. Məzahir Əfəndiyev hesab edir ki, narkotik vasitələrə meylliliyin aradan qaldırılması üçün insanlar düzgün maarifləndirilməli, reabilitasiya mərkəzləri yaradılmalıdır.
Məktəblilər arasında narkotik asılılığından əziyyət çəkənlərin sayının artması ölkə ictimaiyyətini ciddi narahat edir.
Uşaq Hüquqları Müdafiə Liqasının sədri Yusif Bəkirov "Bakı-Xəbər"ə açıqlamasında qeyd etdi ki, Azərbaycanda bu sahədə vəziyyət o qədər acınacaqlı olmasa da, ciddi təhlükə artıq var: "Nəzarət ciddi olmasa, bu tendensiya arta bilər. Etiraf edək ki, nəzarət o qədər də güclü deyil. Buna əsasən uşaqların özlərinin marağının olması, ailədə özünü reallaşdıra bilməməsi səbəb olur. Xüsusilə küçədə yaşayan uşaqlar toksik maddələrin təsirinə daha çox məruz qalır. Araşdırmalara görə, 2-3 həftə küçədə qalan uşaqların çoxu artıq toksik maddələrin təsirinə düşmüş olur".
Həmsöhbətimiz hesab edir ki, bunun qarşısını almaq üçün ilk növbədə valideynlərin məsuliyyətinin artması lazımdır: "İlk növbədə uşaqları məlumatlandırmaq lazımdır ki, narkotik maddə istifadəçiləri 40 yaşdan çox yaşaya bilmir. Bu mənfi meyl həm də SPİD, hepatit kimi xəstəliklərin də yayılmasına şərait yaradır. Uşaqlara nəzarətin güclənməsi üçün məktəblə valideyn arasında sıx əlaqə olmalıdır. İstənilən halda, bu məsələdə məsuliyyət hər iki tərəfin - həm dövlətin, həm də valideynin üzərinə düşür. Nə qədər qəribə səslənsə də, uşaqlara narkotik maddələrin dırnaqarası faydaları barədə danışmaq lazımdır. Çünki biz birmənalı olaraq onun zərərindən danışanda onsuz da yeni olan hər şeyə maraq göstərən uşaqlarda həvəsi artıra bilərik. Bir çoxları, yəni uşaqları bu sahəyə cəlb etməyə çalışanlar onun üstün cəhətləri barədə miflərlə uşaqların beynini doldurur. Bəzən deyirlər ki, guya narkotik maddə qəbul edənlərdə fitri qabiliyyətlər üzə çıxır. Uşaqlara bunun belə olmadığını başa salmaq lazımdır. Onlara demək lazımdır ki, aktiv narkotik maddə istifadəçiləri 40 yaşdan artıq yaşamır. Uşaqlarda halsızlıq müşahidə olunursa, gözləri qızarırsa, valideyn diqqətli olmalıdır. Əlbəttə, əgər bu, hansısa xəstəliklə əlaqədar deyilsə, mütləq uşağın davranışlarını müşahidə etmək vacibdir. İlk vaxtlar ətrafdakılarla sakit, adi davranan belə uşaqlar, bir müddət sonra aqressiv, kobud və ya özünə qapanmış olur".
Ekspertin fikrincə, narkotiklərin məktəblilər arasında yayılmaması üçün Təhsil Nazirliyinin görə biləcəyi işlərin əhatə dairəsi və imkanları daha çoxdur: "Əlbəttə, Təhsil Nazirliyi bu məsələ ilə bağlı müəyyən işlər görür. Həyati bacarıqların tədrisi məqsədilə məktəblərdə fakültativ məşğələ keçilir. Amma təəssüf ki, bu hələ proqramda fənn kimi tədris olunmur. Dövlət qurumları bu sahədə daha böyük təsirə malikdir. QHT-lər və ictimai təşkilatlar onlar qədər geniş sosial çevrəyə malik deyil".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...