Yeniyetmə qızlar arasında abortun artımı Azərbaycanın da probleminə çevrildi

Tarix: 24.06.2014 / 02:23
Bölmə: Sosial

Erkən nikahlar Azərbaycan cəmiyyəti üçün həll edilməmiş problem olaraq qalır. Dövlət Statistika Komitəsinin məlumatına əsasən, ötən il erkən nikaha daxil olan qadınların sayı əvvəlki ilə nisbətən 10,4 faiz artaraq 6,9 faizə çatıb. Ağsu, Şamaxı, Qəbələ, Göyçay, Hacıqabul, Siyəzən, Quba, Zərdab, Masallı rayonlarında erkən nikaha daxil olan qadınların sayı digər rayonlara nisbətən daha çoxdur.
Qeyd edək ki, erkən nikah dedikdə 18 yaşınadək uşaq və yeniyetmələrin nikahı nəzərdə tutulur.
Səhiyyə Nazirliyinin Elmi-Tədqiqat Mamalıq Ginekologiya İnstitutu abortlarla bağlı yeni rəqəmlər açıqlayıb. İnstitutun elmi katibi Leyla Məmmədova bildirib ki, 20 yaşa qədər qadınların hamiləliyinin 13 faizi, 20-24 yaşlı qadınların hamiləliyinin 28 faizi, 25-34 yaşlı qadınların hamiləliyinin 58 faizi, 35-44 yaşlı qadınların hamiləliyinin 75 faizi süni abortla başa çatır.
2011-ci ildə Azərbaycan üzrə yeniyetmə qadınlar arasında edilən abortların sayı 1204 olub. Onlardan 15-17 yaşarası 135 nəfər, 18-19 yaşarası isə 1069 nəfərdir.
Hər 1000 yeniyetməyə abort göstəricisi isə 15-19 yaş 2,9 faiz, 15-17 yaş 0,6 faiz, 18-19 yaş 6,1 faizdir. Ümumiyyətlə, hamiləlik zamanı itkilərin əksəriyyəti süni abortlar - (40.9 faiz), daha sonra uşaqsalma (6 faiz) və ölü doğuş (0.4) faiz nəticəsində baş verir.
Leyla Məmmədova əlavə edib ki, 2000-ci ildə Azərbaycanda ümumi abortların sayı 17 min 500 idisə, 2012-ci ildə artıq bu göstərici 31 min olub.
Statistikada əsas diqqətçəkən məqam yetkinlik yaşına çatmayan 15-17 yaşarası 135 nəfərin abort olunmasıdır.
Erkən yaşda abort etdirənlərin sayının artması aidiyyəti qurumları ciddi narahat edir. Abortun fəsadları barədə mütəmadi olaraq ictimaiyyətə məlumat verilir.
Həkim-ginekoloq Nailə Hüseynova "Bakı-Xəbər"ə açıqlamasında qeyd etdi ki, son zamanlar abort etdirənlər arasında cavan nəslin nümayəndələrinə daha çox rast gəlinir: "Elələri erkən yaşda ailə qurub, amma sağlıq durumu hələ hamilə olmağa imkan vermədiyi üçün abort etdirir. Bəzən qeyri-rəsmi nikah nəticəsində qadın uşağa qalır və o çarəsizlikdən həmin uşaqdan azad olur. Bunda günahkar erkən yaşda övladını ərə verən valideyndir".
Həmsöhbətimizin sözlərinə görə, abort etdirən qadınlar əksərən abortun hansı fəsadlar törədəcəyindən xəbərsizdir: "İlk uşağını abort edənlər isə unutmamalıdır ki, ana olmaq üçün bəlkə də son şanslarını öz əlləri ilə məhv edirlər. İlk uşağı süni yolla salmaq çox vaxt sonsuzluğa gətirib çıxarır. Rəsmi statistikaya görə, son 3 ildə təkcə abort edən 19 yaşlı qadınların sayı 2 min 70 nəfər olub. Azərbaycanda ən çox 25-29 yaşlı qadınlar abort etdirir. Belələrinin sayı 3 il ərzində 17 min 425 nəfər olub, 35-49 yaşlı qadınların payına isə 3 il ərzində 10 min 488 abort düşüb. Qeyri-rəsmi statistikaya görə isə, 100 hamilə qadından 30-u abort etdirir. Qanunvericilik abortları qadağan etmir. Abortlar qanuni hesab edilir və onların 6 həftəlik müddətə qədər ambulatoriya şəraitində, 6 həftədən 12 həftəyədək müddətdə isə yalnız stasionarda aparılmasına icazə verilir. Hamiləliyin 12 həftədən sonrakı dövrü yüksək risqli hesab olunur və ananın həyatı üçün çox təhlükəlidir".
Həkimin sözlərinə görə, Azərbaycanda da abortların sayı hər il artır. Nəzərə alsaq ki, tibb müəssisələrindən kənarda, bəzən evlərdə də bu gün abortlar həyata keçirilir, onda mənzərə daha qorxulu olur.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...