Boşanmalarda internetin və bəzi televiziya verilişlərinin də rolu az deyil

Tarix: 19.06.2014 / 07:42
Bölmə: Sosial

Azərbaycan kişisinin və qadınının nə qədər ailəcanlı olduğunu desək də, milli ailə institutumuz müasir tendensiyaların mənfi təsiri ilə üz-üzədir. Qərbdən gələn bu təsirlər klassik azərbaycanlı ailəsinin məzmununu deformasiyaya uğratmaqdadır. Nəticədə, Avropada olduğu kimi, Azərbaycanda da boşanma halları adiləşməyə başlayır.
Dövlət Statistika Komitəsinin yaydığı məlumata görə, bu ilin əvvəlindən etibarən dörd minə yaxın boşanma halı qeydə alınıb. Bu ilin dörd ayı ərzində 24,8 min nikah və 3,9 min boşanma halları qeydə alınıb.
Ötən il Azərbaycanda təxminən 12 minə yaxın ailə dağılıb. Statistikadan belə məlum olur ki, ötən il hər yeni qurulan 8 ailədən 1-i dağılıb. Belə ki, Dövlət Statistika Komitəsinin məlumatına görə, Azərbaycanda ötən il ərzində 86 mindən çox insan nikah bağlayıb. Bununla müqayisədə ötən il 11,7 min ailə yollarını ayırıb. Son rəqəmlər Azərbaycanda boşanmaların ildən-ilə artdığını təsdiq edir. 2012-ci ildə boşananların sayı 11 min olub. 2011-ci ildə ölkədə qeydə alınan 88 min 151 nikahdan 10 min 801-i pozulub. Bu isə 2010-cu ildə qeydə alınan boşanmaların sayı ilə müqayisədə 1901 fakt çoxdur. Belə ki, 2010-cu ildə rəsmi orqanlar tərəfindən ölkədə 8900 nikahın pozulması faktı qeydə alınmışdı.
Araşdırmalar göstərir ki, Azərbaycanda boşanmaların sayının artması tendensiyası 2004-cü ildən başlayıb. Həmin il cəmi 7 minə yaxın boşanma faktı qeydə alınmışdı. Lakin 2005-ci ildə boşanan ailələrin sayı 9 minə yaxınlaşıb, 2010-cu ildə isə, yuxarıda qeyd olunduğu kimi, bu rəqəm artıq 10 mini keçirdi.
Lakin boşanmalara dair açıqlanan rəsmi statistika hələ bu ciddi sosial problemin tam mənzərəsini əks etdirmir. Çünki söhbət rəsmi qeydə alınmış nikahların pozulmasından gedir. Azərbaycanda isə rəsmi nikahlarla yanaşı, qeyri-rəsmi nikahlarda, bir çox hallarda dini nikahlarda yaşayan çoxsaylı ailənin olduğu yeni məsələ deyil.
Maraqlıdır, Azərbaycanda hər il minlərlə ailənin dağılmasının hansı səbəbləri var? Bu artım tendensiyası nə ilə bağlıdır və ənənəvi olaraq ailə institutunun möhkəm hesab edildiyi mühafizəkar cəmiyyətdə boşanmaların baş alıb getməsinə hansı amillər təsir edir?
Ekspertlər boşanmaların artmasına televiziyalarda yayımlanan sosial xarakterli verilişlərin təsiri olduğunu düşünür.Onlar hesab edir ki, bu gün telekanallarda yayımlanan bəzi verilişlərdə milli-mənəvi dəyərlər tamaşaçılara aşılanmır. Daha çox Qərb dəyərləri, Avropa adətləri aşılanır. İstər-istəməz, bu hallar insanların psixologiyasına mənfi təsir göstərir.
Sosioloq Əhməd Qəşəmoğlu "Bakı-Xəbər"ə açıqlamasında qeyd etdi ki, boşanmaların sayının artmasının səbəbi ailə institutunun keçirdiyi ciddi böhrandır. Əvvəllər mövcud olan ağsaqqallar institutu da dağılıb: "Ağsaqqalların ailəyə təsiri azalıb. İqtisadi asılılıq, gənclərin sərbəstliyə meylliliyi, maddi problemlər boşanmalara təsir göstərir. Azərbaycanda ailə modeli tam formalaşmayıb".
Həmsöhbətimizin sözlərinə görə, vətəndaşların nikah aktlarının qeydiyyatı orqanları yalnız nikah bağlamaqla məşğuldur: "Onlar nikah bağlamaq üçün müraciət edən gənclərə ailədə ər-arvadın öhdəlikləri ilə bağlı izahat vermirlər. Ümumiyyətlə, ailədə ər-arvadın vəzifəsi haqqında maarifləndirici tədbirlər yox səviyyəsindədir. Boşanmalarda internetin və bəzi televiziya verilişlərinin də rolu az deyil. Bəzi televiziya kanalları öz düşük verilişləri ilə gənc qızların psixologiyasına mənfi təsir göstərir, qadınlar sərbəst yaşamağa meyllənir. Gənc ailələr kənar müdaxilələri qəbul etmir. Bundan əlavə, gənclərin öz valideynlərindən iqtisadi asılılığı da boşanmalara təsir edən səbəblər sırasındadır".
Ekspert qeyd etdi ki, ailə quran gənclərin bəzisi evliliyə hazır deyil: "Bu olduqca önəmli faktordur. Gənclər ailə həyatına hazırlanmalıdır. Ailənin həm maddi, həm də mənəvi sıxıntıya dözməsi üçün gənclər hazırlıqlı olmalıdır. Bundan əlavə, müşahidələr boşanmalara kənar müdaxilələrin də səbəb olduğunu göstərir. Sonrakı yerdə maddi durum, iqtisadi asılılıq, ailə zorakılığı, qadınların sərbəstliyə meylliliyi, qısqanclıq durur. Ər-arvad arasında fikir ayrılıqları da boşanmalara səbəb olan amillər sırasındadır".
Ə.Qəşəmoğlu hesab edir ki, boşanmaların sayı ilbəil artacaq. Ailə qurmaq istəyən gənclərin sayı azalacaq. Təbii ki, bu proseslərin mənfiyə doğru getməsində televiziya verilişlərinin rolu az deyil.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...