Bakının dəniz sahilləri antisanitariya məkanına çevrilir

Tarix: 18.06.2014 / 02:21
Bölmə: Sosial

Yay gəldi, dəniz mövsümü başladı. Bu yay havaların çox isti keçməsi proqnozlaşdırılır. Buna görə də dincəlmək üçün bir nömrəli məkan dəniz kənarı olacaq. İsti yay aylarında əhalinin və turistlərin dincəlmək üçün üz tutduğu məkanlardan biri də sərin dənizdir.
Adətən, çimərlik mövsümünün açılması Bakı Şəhər İcra Hakimiyyətindən rəsmi icazə gəldikdə, hava, su və çimərliyin vəziyyətinə dair məlumatlar daxil olduqda baş verir. Abşeron sahilboyu sularının vəziyyətinin monitorinqi aparılıb. Monitorinq zamanı suda zərərli maddələr, xüsusilə də bağırsaq çöpləri təyin olunmuş normadan artıq aşkar olunan çimərliklərdən əhalinin istifadə etməsi qadağan olunub .
Qadağan olunan çimərliklərin adı da ictimaiyyətə açıqlanıb. Bununla yanaşı, istifadəsinə icazə verilən çimərliklərdə vəziyyət ürəkaçan deyil. Yəni istirahət mərkəzlərində od tutub yanan qiymətlər və antisanitariya sərinləmək istəyənlərin istirahətini yarı yolda qoyur.
Paytaxtın bir sıra çimərliklərində apardığımız müşahidələr zamanı qiymətlərin baha olduğunun və antisanitariya vəziyyətinin hökm sürdüyünün şahidi olduq.
Belə ki, avtomobillə çimərliyə daxil olmaq istəyənlər 10 manat, avtomobili olmayanlar isə 4 manat pul ödəməlidir. Burada duş otağı, geyim otağı, çətir, masa və oturacaqlar, dəniz attraksionlarının qiyməti 10-15 manatdan başlayır. Çimərliklərdə olan restoran və kafelərin qiyməti də hər kəsə bəllidir. Əksər çimərliklərdə sahilboyu antisanitar vəziyyətin hökm sürdüyünü müşahidə etmək olar. Çimərliklərin sahilində sellofan, plastik su qabları, yemək qalıqları, hətta lazımsız geyimlər atılıb. Qeyd edək ki, bu tullantıların hər biri küləyin təsirilə dəniz suyuna gedib çıxır və onu çirkləndirir. Ekoloq Telman Zeynalov "Bakı-Xəbər"ə açıqlamasında qeyd etdi
ki, Bakı şəhərinin bütün kanalizasiya şəbəkəsi hazırda mərkəzləşdirilib və 18 kommunikasiya sistemi var: "Onlardan 16-sı Hövsan kollektorlarına - təmizləyici stansiyalara yönləndirilib. Qalan ikisi isə ayrı ərazidə yerləşir və birbaşa dənizə axır. Digər sistemlərdən fərqli olaraq, onlar Ekologiya və Təbii Sərvətlər Nazirliyinə hesabat vermirlər və hətta ərazilərinə Sanitar-Epidemioloji Stansiyanın nümayəndələrini də buraxmırlar".
Onun sözlərinə görə, Azərbaycan tərəfi dənizi təmizləyir. Amma şimal və cənub qonşularımız Xəzəri çirkləndirir: "Qonşu ölkələrin dənizə tökdüyü çirklər külək vasitəsilə Azərbaycan tərəfinə gəlir. Bunun qarşısı alınmalıdır. Əks halda vəziyyət daha da pisləşəcək".
Sosioloq Aytəkin Kamranqızının sözlərinə görə, bu gün çimərliklərdə zibil qutularına, demək olar ki, rast gəlinmir: "Çimərliklərdə zibil qabı olarsa və çimərlik ərazilərinin təmizlənməsi müntəzəm hal alarsa, bu, orada çimən insanların maariflənməsi və mədəni səviyyəsinə də müsbət təsir göstərmiş olar. Mədəniyyəti öyrətmək olar və lazımdır da. Məişət tullantıları üçün konteyner və zibil qutuları, çimərliklərin abadlaşdırılmış görünüşü bu işdə ən yaxşı köməkçidir".

DİGƏR XƏBƏRLƏR

Tarix: 14.07.2026 / 18:34

Vilayət Eyvazov Şuşada Slovakiyanın daxili işlər naziri ilə görüşdü... - FOTO

Tarix: 14.07.2026 / 18:19

Qaxın sabiq icra başçısı Musa Şəkiliyevin həbs müddəti uzadıldı

Tarix: 14.07.2026 / 18:10

Dünyanı "boğan" narkomaniya ölkəmizdən də yan keçmir...

Tarix: 14.07.2026 / 17:20

BŞİH-nin bir sıra müəssisələri MMC kimi fəaliyyət göstərəcəklər - YENİ QƏRAR...

Tarix: 14.07.2026 / 16:04

Onlayn növbə götürür, amma həkimə getmirlər - TƏBİB-dən vətəndaşlara çağırış etdi...

Tarix: 14.07.2026 / 15:55

Naxçıvanda daha iki dövlət qurumu ləğv edilir...

Tarix: 14.07.2026 / 12:31

“Valideyn himayəsindən məhrum qalmış uşaqlarla iş” layihəsinin səkkizinci təlimi

Tarix: 14.07.2026 / 11:33

Milli Məclis dövlət qulluğu və media ilə bağlı qanunlara dəyişiklikləri təsdiqlədi

Tarix: 13.07.2026 / 21:57

Fərdi evlər və mənzil qapılarında qoyulmuş kameralar söküləcək?

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...