Azərbaycanda heç bir peşə hazırlığı olmayanların tikinti sektorunda mütəxəssis kimi işləməsinə son qoyula bilər

Tarix: 17.06.2014 / 09:14
Bölmə: Sosial

Qonşu Türkiyədə inşaatda çalışmaq istəyənlər üçün yeni qayda tətbiq olunub. Yeni qaydaya görə, adıçəkilən ölkədə yalnız sertifikatı olan ustalar inşaat sahəsində çalışa biləcək.
Ölkənin Ətraf Mühit və Şəhərsalma Nazirliyindən verilən açıqlamaya görə, keyfiyyətli və etibarlı binaların tikilməsi, bunun mütəxəssis olan insanlar tərəfindən reallaşdırılması üçün işə başlanıb. Tikinti ustaları bu işlər çərçivəsində 1 yanvar 2012-ci il tarixindən qeydə alınır. Qeydlərə görə, Türkiyədə 302 min "Müvəqqəti ustalıq səlahiyyət sənədi" olan usta var.
Ölkənin Abadlıq Qanununa görə, inşaat və təsisat işlərində səlahiyyət sənədi olmayan usta işlədilə bilməz. Ustalar nazirlik və ya əlaqədar idarələrə müraciət etdiyi təqdirdə onlara "Müvəqqəti ustalıq səlahiyyət sənədi" verilir. Bütün bunlarda əsas məqsəd inşaatda iş bacarığı və sənətkarlığı yüksək olan işçilərin çalışmasını təmin etməkdir. Belə vəziyyət isə, öz növbəsində, mənzillərin keyfiyyət göstəricilərinin də yüksək olmasına rəvac verir.
Bu mənada Azərbaycanda da belə bir təcrübədən istifadə olunması zəruri sayılırmı?
Əməkçilərin Hüquqlarının Müdafiə Liqasının sədri Sahib Məmmədov "Bakı-Xəbər"ə açıqlamasında qeyd etdi ki, Azərbaycanda çalışan ustalardan sertifikat tələb olunmasa da, hər bir şəxs tikinti təhlükəsizliyi haqqında öz ustasından və ya o sahədə çalışan müvafiq mühəndisdən təlimat alır: "Və həmin tikintidə təlimat jurnalı təşkil olunur.
O jurnala gündəlik, aylıq və illik qol çəkilir. Əmək Müfəttişliyi tikinti obyektinə gələndə onu yoxlayır. Gələcəkdə Azərbaycanda da sertifikat şərt kimi qoyula bilər. Amma məsələyə baxmaq lazımdır. Əgər sertifikat təlimat jurnalından daha çox effekt verərsə, bu təcrübə bizdə də həyata keçirilə bilər".
Həmsöhbətimiz onu da əlavə etdi ki, tikinti işçilərini sertifikatlaşdırmaq, sonra onlar arasında seçim etmək daha məqsədəuyğundur: "Bu gün Azərbaycanda hər hansı şirkətin tikinti ilə məşğul olması üçün müvafiq lisenziyası olmalıdır. Amma təcrübədə oradakı ustaların, çalışan işçilərin sertifikatlaşması ilə bağlı bir şey yoxdur.
Amma belə müvafiq sertifikata malik peşəkar işçilərin olması, bu təcrübənin bizdə də tətbiqi məqsədəuyğun olardı. Ən azından o zaman binaların təhlükəsizliyi ön plana çəkilmiş olardı. Bundan başqa, tək o yox, düşünürəm ki, bizim ustaların beynəlxalq təcrübəyə yiyələnməsi, bununla bağlı sertifikatların olması da yaxşı olardı.
Bu gün bizdə bir çox hallarda iş zamanı bir sıra xarici korporativ şirkətlərlə əməkdaşlıq edir, onların işçilərini dəvət edirlər. Bu bir növ beynəlxalq təcrübənin Azərbaycanda tətbiq olunmasıdır. Amma bir yandan da pulun xaricə axmasıdır. Bunun qarşısı alına bilər. Bizim ustalarımız, işçilərimiz xaricə göndərilə, müvafiq kurslardan keçə, sertifikat ala bilər".
Ekspertin sözlərinə görə, zaman gələcək Azərbaycanda inşaat sahəsinə yalnız sertifikatı olan ustalar tələb olunacaq. Belə olan halda, ustalar peşəsini mükəmməl şəkildə icra etmək üçün öz işlərini daha da təkmilləşdirəcək.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...