Bakıdakı yaşayış binalarının zirzəmisi su yığınından antisanitariya mənbəyinə çevrilir

Tarix: 13.06.2014 / 01:56
Bölmə: Sosial

Bu gün Bakı şəhərində bir çox binalarda zirzəmilərin vəziyyəti acınacaqlıdır. Belə ki, zirzəmilərin başlıca problemi oranın su ilə dolmasındadır. Bu da, paralel olaraq, digər problemlərin - binanın özülünün deformasiyaya məruz qalmasına, ağcaqanadların, digər zərərli həşəratların yayılmasına birbaşa şərait yaradır.
Yay mövsümündə bunun təhlükəsi bir az da artır. Xüsusən də müstəqillikdən əvvəl tikilən binalarda bu problem daha qabarıq şəkildə özünü göstərir. Zirzəmilərə yığılan su üfunət yaradır. Yaranan üfunət iyi əsasən axşamlar hiss olunur. Dövlət sanitar gigiyena və epidemioloji xidmət orqanlarının apardığı araşdırmalar nəticəsində Bakıda 150-dən çox yaşayış binasının zirzəmisinin su ilə dolduğu aşkarlanıb. Ancaq çox güman ki, belə binaların sayı reallıqda göstərilən rəqəmdən daha çoxdur.
Respublika Gigiyena və Epidemiologiya Mərkəzinin şöbə müdiri Ziyəddin Kazımov mətbuata açıqlamasında bildirib ki, binaların zirzəmilərinin sulu olması bir sıra həşəratların, gəmiricilərin artmasına şərait yaradır. Bakı şəhərinin əksər rayonlarını əhatə edən araşdırmalar nəticəsində məlum olub ki, Bakının Xətai, Suraxanı, Nizami, Yasamal rayonlarında sovet dövründə tikilən əksər doqquzmərtəbəli binaların zirzəmilərində sular var. Zirzəmilərin su ilə dolmasının birinci səbəbi qrunt sularının əraziyə axması, ikinci səbəbi isə kommunikasiya xətlərində nazasızlıqların baş verməsidir.
Bir sözlə, dəfələrlə bu problem gündəmə gətirilib, amma bunun konkret həll yolu indiyəcən tapılmayıb. Maraqlıdır, ekspertlər sözügedən problemdən çıxış yolunu nədə görür?
Məsələyə münasibət bildirən ekspert İlqar Hüseynlinin sözlərinə görə, dövlət büdcəsindən konkret bu məqsədlə birbaşa vəsait ayrılmalıdır: "Bu minvalla yaşayış binalarındakı zirzəmilərdə sözügedən problem həll edilməlidir. Çünki binalara xidmət göstərilməsi bələdiyyələrə həvalə edilməyib. Bu birbaşa mənzil-istismar sahələrinin səlahiyyətindədir. Hər il binaların saxlanması üçün dövlət büdcəsindən vəsait ayrılır. Reallıq ondan ibarətdir ki, sözügedən məqsədlə ayrılan vəsait təyinatı üzrə xərclənmir. Belə olmasaydı, o zaman zirzəmilərinə su yığılan binaların sayı bu qədər çox olmazdı. Paytaxtda əvvəl tikilən binaların kanalizasiya və istilik sistemi əsaslı şəkildə yenilənməlidir. Çünki zirzəmilərə suların yığılmasının başlıca səbəbi həmin sistemlərin yararsız vəziyyətdə olmasıdır. Bütün bunlar üçün də böyük həcmdə vəsait lazımdır. Eyni zamanda, buna nəzarət sistemi yaradılmalıdır. Necə ki, son bir neçə ildə binaların böyük əksəriyyətinin dam örtüyü dövlət vəsaiti hesabına dəyişdirildi. Digər tərəfdən, bu gün Bakıda elə binalar var ki, ümumiyyətlə, onlar istismar müddətini başa vurub. Həmin binaları təmir etməkdənsə, sökülüb yenidən tikilməsi daha məqsədəuyğundur. Yalnız bu və digər tədbirlərin kompleks şəkildə görülməsindən sonra problem öz həllini tapa bilər".

DİGƏR XƏBƏRLƏR

Tarix: 14.07.2026 / 18:34

Vilayət Eyvazov Şuşada Slovakiyanın daxili işlər naziri ilə görüşdü... - FOTO

Tarix: 14.07.2026 / 18:19

Qaxın sabiq icra başçısı Musa Şəkiliyevin həbs müddəti uzadıldı

Tarix: 14.07.2026 / 18:10

Dünyanı "boğan" narkomaniya ölkəmizdən də yan keçmir...

Tarix: 14.07.2026 / 17:20

BŞİH-nin bir sıra müəssisələri MMC kimi fəaliyyət göstərəcəklər - YENİ QƏRAR...

Tarix: 14.07.2026 / 16:04

Onlayn növbə götürür, amma həkimə getmirlər - TƏBİB-dən vətəndaşlara çağırış etdi...

Tarix: 14.07.2026 / 15:55

Naxçıvanda daha iki dövlət qurumu ləğv edilir...

Tarix: 14.07.2026 / 12:31

“Valideyn himayəsindən məhrum qalmış uşaqlarla iş” layihəsinin səkkizinci təlimi

Tarix: 14.07.2026 / 11:33

Milli Məclis dövlət qulluğu və media ilə bağlı qanunlara dəyişiklikləri təsdiqlədi

Tarix: 13.07.2026 / 21:57

Fərdi evlər və mənzil qapılarında qoyulmuş kameralar söküləcək?

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 13.07.2026 / 11:48

Saxta keçidlərə daxil olmayın, OTP kodlarını paylaşmayın! - DİN-dən xəbərdarlıq...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...