Təhsil nazirinin dərslik dəyişmələri barədə fikrinə ekspertlər də münasibət bildirdi

Tarix: 13.06.2014 / 09:08
Bölmə: Sosial

"Orta məktəb dərsliklərinin hazırlanmasında köklü dəyişikliklərə ehtiyac duyulur". Bunu təhsil naziri Mikayıl Cabbarov 2013-2014-cü tədris ilinin nəticələrinə həsr olunan mətbuat konfransında çıxışı zamanı deyib. Nazir qeyd edib ki, qanunvericiliyə əsasən, dərsliklərin müəllifi konkret dərsliyin yaranmasına maraq göstərən müəlliflər arasından seçilir:
"Məsələn, 7-ci siniflər üçün "İngilis dili" dərsliyi hazırlanmalıdır. Müəlliflik iddiasında olan hər kəs öz dərsliyini Təhsil Nazirliyinə təqdim edə bilər. Əgər 3 müəllif qrupu müxtəlif dərsliyi təqdim edirsə, biz onlardan birini seçmək məcburiyyətindəyik. Hətta onlardan heç biri bizim tələb və gözləntilərimizə cavab vermirsə, biz 3 dərslikdən birini seçməliyik. Seçmədiyimiz təqdirdə sentyabrın 15-də 7-ci sinfin "İngilis dili" dərsliyi olmayacaq. Bu sahədə sistemli optimallaşdırma və təkmilləşdirmə olmalıdır. Dərsliyin yuxarı hədd keyfiyyəti yalnız tender prosesində iştirak edən müəlliflərlə məhdudlaşmamalıdır".
Nazir onu da qeyd edib ki, bir sıra fənlər üzrə nazirliyə cəmi 1 və ya 2 təklif təqdim olunur: "Ona görə də hər zaman dərslik müəlliflərinin sayı və keyfiyyətinə yönəlmiş işlərdən danışırıq. Bundan əlavə, dövlət tərəfindən dərsliyin hazırlanması üçün "istehsalat prosesi"ndə rolunu artırmaq barədə fikirləşirik. Yaxın müddətdə, yeni tədris ili başlamazdan öncə bu istiqamətlərdə növbəti illər üçün qəbul edəcəyimiz qərarlar barədə ictimaiyyətə məlumat veriləcək".
M.Cabbarov əlavə edib ki, bu tədris ilində dərsliklərin hazırlanması prosesində bir sıra dəyişikliklər baş verib. Nazir bunun nəticələrinin növbəti tədris ilində müsbət mənada hiss olunacağını deyib: "Bir sözlə, dərslik hazırlanması prosesi, mövcud sistemin şəffaflığı istiqamətində sistemli tədbirlər görülür. Təcrübədə ilk dəfə olaraq dərsliklərin qiymətləndirilməsinə Təhsil Nazirliyində yaradılan Dərsliklərin Qiymətləndirilməsi Şurası, ekspertlərlə yanaşı, ixtisaslaşmış ali təhsil mütəxəssisləri, TQDK ekspertləri cəlb edilib. Əgər əvvəllər dərslik hazırlanıb, çap olunandan sonra qiymətləndirilməsi baş verirdisə, bu il ilk dəfə olaraq prosesin ardıcıllığı təkmilləşdirilib. Belə ki, təqdim olunan dərsliyin seçimi üçün müvafiq rəylər öncədən nəzərə alınır".
Təhsil eksperti Rafiq İsmayıl "Bakı-Xəbər"ə açıqlamasında qeyd etdi ki, bəzi dərsliklərin keyfiyyəti aşağıdır və dəyişdirilməsinə ehtiyac var: "Zaman keçdikcə bəzi dərsliklər dəyişdirilməlidir. Etiraf etmək lazımdır ki, bəzi dərsliklərdə kifayət qədər çatışmazlıqlar var. Müasir dövrün tələblərinə cavab verməyən dərsliklər mövcuddur. 10-15 il bundan öncənin tədqiqatı ilə müasir dövr uyğun gəlmir".
Onun sözlərinə görə, dərsliklərlə bağlı narazılıqlar çoxdur. Həmsöhbətimiz təklif edir ki, yeni tərtib olunacaq dərsliklər daha ciddi müsabiqələrdən keçsə, daha yaxşı olar. Təhsil sahəsi üzrə digər ekspert Məhərrəm Zülfüqarlının da fikrincə, bəzi dərsliklərin köklü şəkildə dəyişdirilməsinə doğrudan da ehtiyac var: "Azərbaycan tarixi" adlı dərslik köklü şəkildə dəyişdirilməlidir. Tarix kitablarında qeyd olunan faktlar sovet dövrünün mütəxəssisləri tərəfindən tərtib olunub. O dövrün tələbinə uyğun olaraq faktlar da elə yazılmışdı. Amma indi Azərbaycan müstəqil dövlətdir. Vəziyyət və tarix dəyişib. Yaxşı olar ki, tarix kitabları yenidən yazılan zaman müəlliflər gənc kadrlar olsun. Çünki yaşlı nəsil sovet psixologiyası ilə kitabı tərtib edəcək. Amma gənc kadr müstəqil Azərbaycanın dəqiq və düzgün tarixini qeyd edəcək. Bu səbəbdən dərsliklərin dəyişdirilməsinin tərəfdarıyam".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...