Mingəçevir su anbarında təbii qəza və ya təxribat olsa...

Tarix: 12.06.2014 / 11:30
Bölmə: Sosial

Fəqan Əliyev: "...su 30-a yaxın rayonu Xəzərə tökəcək"
Mingəçevir su anbarı 1953-cü ildə tikilib və hazırda ölkə enerjisinin təxminən 70 faizini bu SES təmin edir. Son günlər Azərbaycanda zəlzələ ocaqlarının aktivləşməsinin müşahidə olunması SES-lə bağlı yarana biləcək həyəcanı yenidən gündəmə gətirib. Azərbaycanda sonuncu zəlzələ iyunun 7-də Xəzərin Azərbaycan sektorunda baş verib. Rəsmi məlumata görə, yeraltı təkanın maqnitudası 5.6 bal, dərinliyi 61 km olub.
Zəlzələ Bakıda 3 bal gücündə hiss olunub. Respublika Seysmoloji Xidmət Mərkəzi açıqlama verərək zəif "avtoşok"ların davam edə biləcəyi ilə bağlı xəbərdarlıq edib.
İyunun 10-da isə Respublika Seysmoloji Xidmət Mərkəzinin direktoru Qurban Yetirmişli gözlənilmədən Bakıda deyil, Mingəçevirdə baş verə biləcək zəlzələnin fəsadları haqda danışıb. Q.Yetirmişli açıqlamasında deyib ki, Mingəçevir su anbarının ərazisi aktiv seysmik zonadır. "2010-cu ildə Kür daşqınları nəticəsində Mingəçevir su anbarında məcrasından çıxan hövzənin qarşısını almaqla suyun axınının səviyyəsini aşağı salmışdılar. Həmin dövrdə seysmiklik artmağa başladı. Çünki həmin hövzənin altında zəlzələ ocağı yerləşir və həmin ərazi seysmogen ərazidir" deyən mərkəz direktoru Mingəçevir su anbarında çoxdan problemlər olduğunu vurğulayıb: "Orada kompleks tədqiqatlar aparmaq lazımdır. Su anbarında monitorinq sistemi qurulmalıdır".
Mütəxəssislərin fikrincə, Mingəçevir su anbarındakı seysmiklik təhlükəli həddədək artır. Çünki yaz aylarında çaylarda sululuğun artması ilə anbarda da suyun həcmi çoxalır.
Məlumatlara görə, Mingəçevir su anbarı SSRİ dövründə kifayət qədər yüksək seysmik dayanıqlığa dözümlü tikilib. Mingəçevirin özü 8 ballıq zonaya düşür. Anbarın yükgötürmə qabiliyyəti 18 milyard tondur. Ancaq orada kritik hədd də var ki, suyu ondan artıq doldurmaq olmaz. Rəsmi qurumlar dəfələrlə bəyan ediblər ki, təlaşlanmağa əsas yoxdur, çünki Mingəçevir su anbarındakı suyun həcmi tənzimlənir. Yəni kritik həddin keçilməsinə yol verilmir, kanallarla buraxılır.
İddialara görə isə, anbar yüklənərsə, zəlzələ ocaqlarını fəallaşdıra və tezləşdirə bilər.
Mingəçevir su anbarının təhlükəliliyi yalnız zəlzələ faktoru ilə ölçülmür. Cəbhə bölgəsinə nisbətən yaxın ərazidə yerləşən bu strateji obyektin ermənilərin həmləsi nəticəsində partladıla biləcəyi də istisna edilmir.
İstənilən səbəbdən SES-də qəza baş verərsə, bunun ölkə üçün nə kimi fəsadları ola bilər?
Beynəlxalq Eko-Energetika Akademiyasının prezidenti Fəqan Əliyev "Bakı-Xəbər"ə açıqlamasında bildirdi ki, Mingəçevir SES-in Azərbaycana verdiyi xeyiri unutmaq olmaz. Müsahibimiz hesab edir ki, indi elm sürətlə inkişaf edir, bu səbəbdən də yeni sistemlərin tətbiqinə keçmək lazımdır":Hazırda bütün dünyada böyük tutumlu su elektrik stansiyalardan imtina edilir. Nisbətən kiçiklərə keçirlər. Damcılı suvarma sistemindən, alternativ enerji mənbələrindən yaralanmağa çalışırlar. Ermənilər lazım olan anda suyu buraxmır, lazım olmayanda iri həcmdə su buraxır ki, bunu də tənzimləmək çətindir. Böyük bir ərazi suyun altında qalıb, lil basdığı üçün torpaqlar yararlılığını itirib. Təbii ki, verdiyi xeyir də var. Ancaq o xeyiri, bizim imkanımız var ki, başqa üsullarla əldə edək. Ən qorxulusu isə hər hansı qəza baş verəcəyi təqdirdə vurula biləcək zərərin dərəcəsidir.
Dəqiq hesablamalara görə, qəza baş verəcəyi təqdirdə su yarım saatdan sonra 30 yaxın rayonu Xəzərə tökəcək. Çıxış yolu tədricən SES-dən imtina etməkdədir. Şükürlər olsun ki, Prezidentimiz Tovuzda yeni bir SES-in tikilişinə icazə vermədi".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...