TQDK-ya qarşı saxtakarlıq ittihamlarının texniki tərəfləri...

Tarix: 12.06.2014 / 02:35
Bölmə: Sosial

Yeni qəbul imtahanlarının başlanması ərəfəsində Tələbə Qəbulu üzrə Dövlət Komissiyasının (TQDK) ünvanına sərt tənqidlər bildirilir. TQDK-nın sabiq yüksək rütbəli əməkdaşı da qurumu ittiham edir.
Son vaxtlar mediada da belə fikirlər səslənir ki, qəbul imtahanları ilə bağlı heç də hər şey şəffaf deyil.
TQDK-nın imtahanların təşkili sektorunun keçmiş müdiri Fərman Abdullayev isə açıqlamasında belə halların mümkünlüyünü inkar etmir:
"Cəmiyyətdə tələbə qəbulu ilə bağlı yaranan şübhələr heç də əsassız deyil. TQDK çərçivəsində fəaliyyət göstərən bütün kompyuter proqramları (balların hesablanması, abituriyentlərin imtahan günü auditoriyalarda yerləşdirilməsi, cavab kartları, tələbə adını qazanmış abituriyentlərin ali məktəblər və ixtisaslar üzrə bölünməsi və s. işləri həyata keçirən) Nazirlər Kabinetinin 2010-cu ilin mayında verilən "Dövlət informasiya resurslarının reyestrizasiyası qaydaları haqqında" Qərarına uyğun olaraq Rabitə və Yüksək Texnologiyalar Nazirliyinin operatorunun nəzarətinə verilməlidir. Amma, təəssüf ki, bu bizdə hələ də edilməyib. Nazirlər Kabinetinin həmin qərarının tələblərinə görə, tələbə qəbulu işinə müstəqil ekspertlər də cəlb olunmalıdır. Həmin ekspertlər də TQDK-nın istifadə etdiyi proqramların həqiqiliyini və ciddi ictimai nəzarət altında tam şəkildə, tam gücü ilə fəaliyyət göstərib-göstərmədiyini yoxlamalıdır. Bu tələbin TQDK tərəfindən yerinə yetirilməsindən isə söhbət belə gedə bilməz. Çünki belə monitorinqlər praktiki olaraq aparılmır. Daha dəqiq desək, belə monitorinqləri nəzərdə tutulduğu şəkildə aparmaq mümkün deyil. Ona görə mümkün deyil ki, TQDK-nın hər bir abituriyentin imtahan prosesini necə keçdiyini, onun cavab kartlarını və buna uyğun olaraq da topladığı balları ictimai nəzarətçilərə açıq-aşkar təqdim etmək gücündə olan aydın və əyani proqramı yoxdur".
Sabiq TQDK əməkdaşının sözlərinə görə, belə proqramın olmaması da manipulyasiyalara yol açır: "Bu çatışmazlıq TQDK-nın istənilən nümayəndəsinə abituriyentlərin ali məktəblərə yerləşdirilməsi zamanı manipulyasiya etmək, onların ballarını artırıb-azaltmaq üçün geniş imkanlar açır. Düyməni bircə dəfə basmaq kifayətdir ki, 120 bal toplayan abituriyentin ekrandakı adının qarşısında, məsələn, 520 bal yazılsın".
Hər halda olduqca ciddi ittihamdır və nəzərə almaq lazımdır ki, bunu birbaşa proseslərin içində olmuş sabiq vəzifəli şəxs söyləyir.
Təhsil üzrə ekspert Məhərrəm Zülfüqarlı qəzetimizə açıqlamasında bildirdi ki, bu, TQDK-ya ünvanlanmış olduqca ciddi ittihamdır: "Məsələnin iki tərəfi var. Ya həmin adamın açıqlamalarına görə, TQDK və onun rəhbərliyi məsuliyyətə cəlb olunmalıdır. İttihamı səsləndirən şəxs dediklərini sübuta yetirə bilməyəcəksə, məsuliyyəti o daşımalıdır. Bu, insanların taleyi ilə bağlı olan məsələdir. Xüsusilə də gənc nəslin gələcək taleyini müəyyənləşdirən bu proseslə zarafat etmək olmaz. Mən TQDK-nın fəaliyyətini daima tənqid etmişəm, amma bu cür faktın olduğunu bilmirdim.
Mənə elə gəlir ki, əlaqədar qurumlar mütləq bu prosesi nəzarətə götürməlidir. Bu cür ciddi önəm daşıyan prosesi bir dövlət qurumunun ixtiyarına da buraxmaq olmaz. Başqa dövlət qurumları ilə yanaşı, ictimaiyyət nümayəndələri də prosesdə iştirak etməlidir. Bax, həmin vaxt prosesin tam şəffaf keçirilməsindən danışmaq olar".

DİGƏR XƏBƏRLƏR

Tarix: 14.07.2026 / 19:56

Ermənilərin apellyasiya məhkəməsi davam edir - FOTO

Tarix: 14.07.2026 / 18:34

Vilayət Eyvazov Şuşada Slovakiyanın daxili işlər naziri ilə görüşdü... - FOTO

Tarix: 14.07.2026 / 18:19

Qaxın sabiq icra başçısı Musa Şəkiliyevin həbs müddəti uzadıldı

Tarix: 14.07.2026 / 18:10

Dünyanı "boğan" narkomaniya ölkəmizdən də yan keçmir...

Tarix: 14.07.2026 / 17:20

BŞİH-nin bir sıra müəssisələri MMC kimi fəaliyyət göstərəcəklər - YENİ QƏRAR...

Tarix: 14.07.2026 / 16:04

Onlayn növbə götürür, amma həkimə getmirlər - TƏBİB-dən vətəndaşlara çağırış etdi...

Tarix: 14.07.2026 / 15:55

Naxçıvanda daha iki dövlət qurumu ləğv edilir...

Tarix: 14.07.2026 / 12:31

“Valideyn himayəsindən məhrum qalmış uşaqlarla iş” layihəsinin səkkizinci təlimi

Tarix: 14.07.2026 / 11:33

Milli Məclis dövlət qulluğu və media ilə bağlı qanunlara dəyişiklikləri təsdiqlədi

Tarix: 13.07.2026 / 21:57

Fərdi evlər və mənzil qapılarında qoyulmuş kameralar söküləcək?

Tarix: 13.07.2026 / 16:06

FB və İnstaqram insanlarda daha dəhşətli asılılıq yaradır - dünyadan rəsmi həyəcan...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...