İstirahət mərkəzləri və otellər xüsusi məqsədlərlə sayt işlətmir

Tarix: 05.06.2014 / 01:53
Bölmə: Sosial

Yay fəsli ilə əlaqədar turizm mövsümünə start verilib. İstirahət mərkəzləri paytaxtla yanaşı, bölgələrdə də fəaliyyət göstərir. Lerik, Qəbələ, Quba, İsmayıllı, Şamaxı və digər rayonlarda müxtəlif ulduzlu otellər mövcuddur.
Gərgin iş rejimindən yorulan insanlar istirahət etmək üçün bəzi istirahət mərkəzlərində öncədən yer sifariş etməyə çalışır.
İstirahət etmək istəyən şəxs bir neçə gün qalacağı otel haqqında məlumat əldə etmək istəyir. O həmin otelin necə xidmət göstərəcəyini, neçə ulduzlu olmasını, qiymətin münasib olub-olmadığını və digər məlumatları əldə etmək üçün otelin internet səhifəsinə baxır. Aparılan araşdırmalara görə, bölgələrdə fəaliyyət göstərən bəzi istirahət mərkəzlərinin internet səhifəsi işlək vəziyyətdə deyil. Müştəri həmin otelin internet səhifəsinə baxarkən heç bir müfəssəl məlumat əldə edə bilmir.
Azərbaycan Turizm Şirkətləri Assosiasiyasının idarə heyətinin sədri Nahid Bağırov "Bakı-Xəbər"ə açıqlamasında qeyd etdi ki, bu gün əksər otellərin internet səhifəsi işləmir: "Hazırda istirahət fəslidir. Əhali də dincəlmək üçün münasib otel axtarır. Amma əksər istirahət mərkəzlərinin veb saytı olmadığı üçün turistlər seçim etməkdə çətinlik çəkir. Turistlər kredit kartı ilə onlayn rezerv etmək istəyir. Təəssüflər olsun ki, bəzi otellər İKT sahəsindən uzaqdır. Sıradan bir adam otel işlədir. Təbii ki, burda bu tip problemlər yaşanacaq".
Ekspert Elman Əliyevin sözlərinə görə, bu gün Azərbaycanda 500-dən çox otel fəaliyyət göstərir. Onların bəziləri haqqında onlayn rejimdə dolğun məlumat mövcud deyil. Bir çox hallarda məlumatlar köhnə, səthi olur. Lakin bununla bağlı ildən-ilə müsbət irəliləyişləri də danmaq olmaz: "Problemin digər tərəfi isə ölkədə mövcud turizm obyektləri ilə turizm agentlikləri arasında uğursuz əlaqədir. Turizm müəssisələri daha çox müştərilərin birbaşa onlara müraciət etməsində maraqlı olur. Bu problem dəfələrlə həm agentliklər, həm də turistlər tərəfindən qaldırılıb. Nəticə etibarilə istirahət mərkəzi haqqında onlayn məlumatların olması ən çox elə turizm müəssisələrinin özünə lazımdır. Çünki nə qədər dolğun məlumat verilərsə, turist daha tez və dəqiq qərar verə biləcək".
Ekspertin fikrincə, Azərbaycanda mövcud turizm obyektlərindəki bu problemin kökü marketinq menecerinin zəif olmasından qaynaqlanır: "Turizm müəssisələrində peşəkar marketinq menecerləri olmalıdır. Lazım olan hədəf qruplarına yönəlik marketinq kampaniyaları aparmalıdırlar. Bununla da daha çox gəlir əldə edə bilərlər. Turistlər də belə marketinq üsullarından istifadə etməklə məmnun olar.
İstirahət mərkəzlərinə verilən lisenziyanın şərtlərindən biri də məhz turizm mərkəzinin elektron səhifəsinin olmasıdır. Amma otel fəaliyyətə başlayanda elektron səhifəsini tərtib edir, məlumatları yerləşdirir və lisenziyanı alır. Ancaq ondan sonrakı dövrdə bir çox hallarda müəssisələr həmin məlumatları yeniləmir. Çünki müəssisələrin fəaliyyəti çox dinamikdir.
Nazirlik də o qədər işçiyə və geniş nəzarət mexanizminə malik deyil ki, lisenziya almış 500-dən çox oteli hər an nəzarətdə saxlasın. Nazirlik mövsümi monitorinq aparır. Hər il bu monitorinqlər nəticəsində bəzi istirahət mərkəzlərinin lisenziyası alınır, bəzilərinin isə dərəcəsi aşağı salınır. Müəssisələr bunu inzibati amil kimi qəbul edir. Amma öz bizneslərinin inkişafı kimi başa düşməlidirlər".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...