QMİ ilə Komitənin "halal" işbirliyində korrupsiya ehtiyatlanmaları...

Tarix: 05.06.2014 / 08:42
Bölmə: Sosial

"Onlar deyir ki, qurumun əməkdaşları gedib Hindistanda ətlərin kəsilməsinə nəzarət edəcək"

Azərbaycanda ət kəsimi zamanı İslam dininin qaydalarına riayət edilib-edilmədiyi ilə bağlı nəzarəti həyata keçirəcək Qafqaz Müsəlmanları İdarəsi ilə Standartlaşdırma, Metrologiya və Patent üzrə Dövlət Komitəsi (SMPDK) arasında artıq əməkdaşlıq başlayıb. Bunu jurnalistlərə açıqlamasında SMPDK sədri Ramiz Həsənov söyləyib.
R.Həsənov deyib ki, Azərbaycanda 3 broyler fabriki "Halal qida. Ümumi tələblər" dövlət standartına uyğun sertifikat almaq üçün Standartlaşdırma, Metrologiya və Patent üzrə Dövlət Komitəsində akkreditasiya olunmuş sertifikatlaşdırma orqanına (AzSert) müraciət edib: "Dövlət Komitəsi də Qafqaz Müsəlmanları İdarəsinə müraciət etdi ki, onların nümayəndələri həmin broyler fabrikində kəsimə nəzarət etsinlər. Yekunda da rəy versinlər ki, bu şirkətlərə uyğun sertifikat verə bilərik, yoxsa verə bilmərik. QMİ-nin də bu sahədə tələbləri var və hazırda QMİ-nin rəyini gözləyirik. Biz altı aya yaxındır ki, bu şirkətlərdə monitorinq aparırıq, çünki bu sahədə standartın başqa tələblərinə nə dərəcədə riayət olunduğunu müəyyənləşdirməliyik. Ümumiyyətlə, dövlətin standartı varsa, bu standarta riayət olunmasına da dövlət nəzarət etməlidir. Təbii ki, burada QMİ-nin də müəyyən rolu var".
R.Həsənov xarici ölkələrdən ət məhsullarının istehsalı üçün idxal edilən ətlə bağlı QMİ-nin rəyinin tələb olunmadığını qeyd edib: "Tutaq ki, kolbasa istehsalı üçün ət xaricdən gəlirsə, həmin ət o ölkənin sertifikatı ilə gəlir və biz də o sertifikatı tanıma proseduru həyata keçiririk. Azərbaycanın daxilində kəsimlə bağlı ət məhsulunun halal olmasını isə QMİ müəyyən edəcək".
Qeyd edək ki, aprelin 1-dən Azərbaycanda AZS 731-2012 (OİC/ SMİİC 1:2011) "Halal qida. Ümumi tələblər" dövlət standartına uyğun sertifikatlaşdırılmayan, lakin üzərində "halal" sözü yazılmış məhsulların istehsalı və satışı qadağasının tətbiqinə başlanıb. İndiyədək SMPDK-da akkreditasiya olunmuş sertifikatlaşdırma orqanı (AzSert) tərəfindən 5 şirkətə "Halal qida. Ümumi tələblər" dövlət standartına uyğun məhsul istehsalı ilə bağlı sertifikat verilib.
"Halal" sertifikatının verilməsi ilə bağlı iki qurum arasında müəyyənləşmiş bu qayda gələcəkdə korrupsiya hallarına gətirib çıxara bilərmi?
İqtisadi və Sosial İnkişaf Mərkəzinin eksperti Rəşad Həsənov qəzetimizə açıqlamasında bildirdi ki, bu sahədə çox ciddi problemlər yaşanır: "Xüsusilə də "Halal" qadağası tətbiq olunandan sonra bu sahənin monopoliyaya alınması prosesi müşahidə edilir. Artıq bir neçə şirkətə bu sertifikatdan istifadə ilə bağlı icazə verilib ki, bu da böyük narazılığa səbəb olub. Bizə bununla bağlı bir çox müraciətlər edilir. Sahibkarlar bildirir ki, buna nəzarət edən qurumların sayı çoxaldıqca sertifikatın qiyməti də qalxır. Artıq indidən korrupsiya halları var. Sertifikatın alınması üçün çox böyük məbləğdə qanunsuz ödəmələr tələb olunur. QMİ-nin bu prosesə nəzarət edə bilməsi də gülünc görünür. Çünki kolbasa sexlərinin çoxu əti xaricdən gətirir. Söhbət hazır məhsuldan getmir. Dövlət qurumu hazır məhsula sertifikat verməyəcəklərini deyir. Bəs hazır ətin gətirilərək hazırlanması necə tənzimlənəcək? Bu günlərdə SMPDK-dən gülməli bir açıqlama eşitdik. Onlar deyir ki, qurumun əməkdaşları gedib Hindistanda ətlərin kəsilməsinə nəzarət edəcək. Absurd olan bir fikirdir. Yaxşı olar ki, bununla bağlı daha normal mexanizm fikirləşilsin".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...