Bakıda uçan körpüyə görə onu tikənlərin məsuliyyətə cəlb olunması mümkündür(?)

Tarix: 04.06.2014 / 01:18
Bölmə: Sosial

Məlum olduğu kimi, Bakı-Salyan şossesində, Şıx ərazisində, "Min bir gecə" istirahət mərkəzinin yaxınlığında yerüstü piyada keçidinin uçması qeydə alınıb. Verilən rəsmi məlumatda bildirilir ki, həmin ərazidən keçən yükqaldırıcı kran yerüstü piyada keçidinə dəyib, nəticədə keçid uçub.
Səbail Rayon Polis İdarəsindən verilən məlumata görə, piyada keçidinin uçması nəticəsində 27 yaşlı Lalə Məmmədova, 55 yaşlı Nəzakət Məmmədova və şəxsiyyəti məlum olmayan daha 4 nəfər xəsarət alıb. Məlumatda daha sonra bildirilir ki, yükqaldırıcı kran zərblə yerüstü piyada keçidinə dəyib, nəticədə keçid 99-ЖK-467 dövlət nömrə nişanlı "MAN" markalı yük avtomobilinin üzərinə düşüb.Hadisə yerinə gələn Fövqəladə Hallar Nazirliyinin əməkdaşları yük avtomobilində sıxılmış vəziyyətdə qalan sürücünü çıxarıb.
Bakı-Salyan yolu 32-nin qarşısında Şabran şəhər sakini Tofiq Baba oğlu Balabəyovun idarə etdiyi "MAZ" markalı yükqaldırıcı kran piyada körpüsünü dağıdıb. Hadisəni törədən sürücü tutulub.
Qeyd edək ki, faktla bağlı Cinayət Məcəlləsinin 263.1 (yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi açılıb.
Baş verən qəza zamanı əks istiqamətdə hərəkətdə olan yük avtomobilinin sürücüsü, Bakı şəhər sakini İlkin Həsən oğlu Hüseynov ağır bədən xəsarətləri alaraq Klinik Tibbi Mərkəzə yerləşdirilib.
Son vaxtlar bu cür hadisələr tez-tez baş versə də, məsuliyyətə cəlb edilənlər az olur. Söhbət böyük vəsaitlər hesabına tikilən və bütün texniki parametrlərə cavab verməli olan tikililərdə baş verən hadisələrdən gedir. Artıq bu cür informasiyaları eşitməyə öyrəşmişik. Yol çökdü, körpü uçdu, bina çatladı və s. Kranın keçidə dəyməsi adi qəza sayıla bilər. Maraqlı olan isə keçidin bir zərbədən dağılmasıdır. Demək, tikili lazımi keyfiyyətlərə cavab verməyib.
Ekspert İlqar Hüseynli qəzetimizə açıqlamasında bildirdi ki, doğrudan da, böyük vəsaitlər hesabına tikilən layihələrin texniki göstəricilərində ciddi çatışmazlıqlar meydana çıxır: "Təbii ki, belə hallara görə məsuliyyət nəzərdə tutulur. Son hadisə ilə bağlı deyə bilərəm ki, keçid keyfiyyətli tikilsəydi, fəsadlar belə olmazdı. Hər halda kranın dəydiyi yer bir balaca uça bilərdi. Son qəzanın fəsadları isə göz qabağındadır. Bu ilk belə hadisə deyil. Bizim şəhərdə 100 ildən də artıq yaşı olan tikililər var. Fikir verin və görün onların vəziyyəti necədir. Həmin binalar bir neçə il əvvəl baş verən zəlzələyə belə davam gətirdi. Çünki onları tikən adamlar başı ilə cavabdehlik daşıyıb. Hesab edirəm ki, bu cür hallarla bağlı tikintini aparan məsul şəxslərin də cəzalandırılması məsuliyyət hissini artırmış olar. Keçidlə bağlı isə yalnız sürücü həbs edilib".

DİGƏR XƏBƏRLƏR

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

Tarix: 16.07.2026 / 16:44

Azərbaycanlı dənizçilərə çağırış edildi - müharibə zonalarından uzaq durun...

Tarix: 16.07.2026 / 16:30

Kanalizasiya qoxusu içində həyat!

Tarix: 16.07.2026 / 15:51

Narkomaniya yer üzünün cəhənnəmidir

Tarix: 16.07.2026 / 15:46

Parakənd Xalkolit yaşayış yeri

Tarix: 16.07.2026 / 13:27

Gəncə və Samuxda kütləvi zəhərlənmə lavaşdan olub? - AQTA-dan mübahisəli açıqlama...

Tarix: 16.07.2026 / 13:03

Bakıda təmayül modeli tətbiq olunacaq məktəblər açıqlandı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...