On birincilərin buraxılış və qəbul imtahanlarının birləşdirilməsi nə verə bilər?

Tarix: 03.06.2014 / 02:55
Bölmə: Sosial

Artıq üçüncü ildir orta məktəblərin buraxılış imtahanları Tələbə Qəbulu üzrə Dövlət Komissiyası tərəfindən aparılır.
Orta məktəb şagirdləri iki ay içərisində həm buraxılış, həm də ali məktəbə qəbul imtahanı verməli olur. Bunun da həmin şagirdlər üçün çətin bir proses olduğu vurğulanır.
Bəzi ekspertlər orta məktəblərin buraxılış və ali məktəblərin qəbul imtahanlarının birləşdirilməsini təklif edir. Onların fikrincə, həm qəbul, həm də buraxılış imtahanlarına düşən eyni fənlərdən bir dəfə imtahan vermək daha münasibdir. Əksər ekspertlər "Təhsil haqqında" Qanun müzakirə olunan zaman bu məsələni qaldırsa da, texniki imkanların olmaması səbəbindən reallaşmadı. Hazırda isə həmin imkanlar genişləndirilir.
Artıq TQDK da ali məktəblərə qəbul imtahanlarının buraxılış imtahanları ilə birləşdirilməsini gündəmə gətirir. Bununla bağlı mətbuata açıqlama verən Məleykə Abbaszadənin sözlərinə görə, bu il 9 illik bazada aparılan buraxılış imtahanlarının nəticələri əsasında növbəti ildən 11-ci siniflər üzrə də buraxılış və qəbul imtahanlarının birləşdirilməsinə baxılacaq.
Onu da qeyd edək ki, bu məsələyə münasibət heç də birmənalı deyil. Bir müddət əvvəl bununla bağlı mətbuata açıqlama verən təhsil naziri Mikayıl Cabbarov məsələyə müsbət yanaşmamışdı: "Buraxılış və qəbul imtahanlarının birləşdirilməsi nəzəriyyədə mümkündür. Lakin bunun üçün düzgün iş aparılmalı, mərhələlər müəyyənləşdirilməlidir".
Nazirin sözlərinə görə, ümumilikdə vahid imtahan heç də hər yerdə tətbiq olunan təcrübə deyil: "Aparıcı dünya təcrübəsi ondan ibarətdir ki, universitetlərin tələbə qəbulu prosesində rolu çox fəaldır. Bir çox yerlərdə bu, universitetlərin müstəsna səlahiyyətidir, bir çox yerlərdə isə sadəcə universitetlər prosesdə iştirak edir və s. Bu böyük bir mövzudur. Biz hamımız bilirik ki, hazırda Azərbaycanın ali təhsil ocaqlarına tələbə qəbulu sistemi çox effektiv və səmərəlidir. Bu, Azərbaycanda təhsilin keyfiyyətinə və sisteminə çox müsbət töhfə verən amildir. Gələcəkdə buraxılış imtahanları ilə qəbul imtahanlarının eyniləşdirilməsi prosesi nədən ibarət olmalıdır, onun fəsadları nə ola bilər, necə əmin ola bilək ki, qəbul imtahanlarında verilən suallar məktəb proqramında tətbiq olunan dərs proqramına əsaslanır? Bütün bu məsələlərlə bağlı sualları cavablandırmalıyıq. Ondan sonra biz prosesə hazırlıq barədə danışa bilərik".
Maraqlıdır, ekspertlər bu məsələyə necə baxır?
Millət vəkili Musa Quliyev, prinsipcə, buna müsbət baxır. O hesab edir ki, sözügedən məsələdə ümumiyyətlə TQDK ləğv olunub Təhsil Nazirliyində birləşdirilməlidir: "Xaricdə təhsil niyə bu qədər yüksəkdir? Çünki universitetlər öz tələbələrini seçir. Ancaq bizdə qəbul çox çətindir. Bu da təhsilə öz təsirini göstərir. Bunun birləşdirilməsi isə məncə müsbət hal olacaq. İstər-istəməz, məktəbdə repetitorluq fəaliyyətini zəiflədəcək. Repetitorluğun bu qədər genişlənməsinə səbəb isə TQDK-dır. Əgər TQDK ləğv olunsa, repetitorluq fəaliyyətini sıxışdırmış olarıq. Müəllimlərin maaşı nə qədər yüksək olsa da, bu prosesi dayandırmaq mümkün olmayacaq".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...