Şagirdlərin 3 aylıq tətilini 2 aya endirmək birmənalı qarşılanmadı

Tarix: 03.06.2014 / 01:05
Bölmə: Sosial

Məhərrəm Zülfüqarlı: "Müəllimin sosial problemi ola-ola 10 ay dərs deməyə gələcəksə..."

Bahar Qafarova: "Tədris müddətinin artırılmasının təhsilin keyfiyyətində xüsusi əhəmiyyəti olmayacaq"

Xəbər verildiyi kimi, yeni tədris ilindən etibarən orta təhsil müəssisələrində dərs müddəti uzadılacaq, tətillər isə qısaldılacaq. Bu barədə təhsil naziri Mikayıl Cabbarov mətbuata açıqlamasında deyib. Nazirin dediyinə görə, təhsil müddətinin uzadılması və tətillərin azaldılması istiqamətində işlər davam etdirilir.
Qeyd edək ki, dərs müddətinin 9 aydan 10 aya artırılması ölkə ictimaiyyəti tərəfindən birmənalı qarşılanmır. Ziyalılar, millət vəkilləri, təhsil sahəsində ekspertlər, psixoloqlar, müəllim və şagirdlər Təhsil Nazirliyinin bu qərarını düzgün hesab etmir. Onların fikrincə, təhsil müddəti həmişə 9 ay olub, sentyabrda başlayıb, may ayında isə yekunlaşıb. İsti aylarda da məktəblilər istirahət edib. İsti fəsildə uşaqların dərsə getməsini psixoloqlar sağlamlıq baxımından düzgün hesab etmir.
Psixoloq Bahar Qafarova "Bakı-Xəbər"ə açıqlamasında qeyd etdi ki, isti günlərdə uşaqlar təhsil ala bilməz: "Çünki məktəbli dayanmadan 9 ay məktəbə gedir-gəlir. Müəllimin keçdiyi dərsləri mənimsəyir. Bəzi uşaqlarda may ayından etibarən psixoloji yorğunluq dövrü müşahidə olunur. Həmin uşaqlar tədris ilinin son günləri keçilən dərsləri belə qavramaqda çətinlik çəkir. İndi o uşaqlar iyun ayında dərsə necə gələcək? Lap gəlsələr belə, onların fikri dərsdə deyil, əylənməkdə, istirahət etməkdə olacaq. Bu səbəbdən dərs müddətinin uzadılması düzgün fikir deyil".
B.Qafarovanın sözlərinə görə, tədris ilinin başlanğıcının bir neçə il bundan öncə sentyabr ayının 15-nə çəkilməsi təhsil sistemində kifayət qədər ciddi problemlər yaratdı: "O illər havanın isti olmasını bəhanə gətirərək dərs ilinin başlanğıcını sentyabrın ortasına çəkdilər. Lakin sonradan həyata keçirmək istədikləri eksperimentin uğursuz olduğunu başa düşdülər və gətirdikləri əsaslar əhəmiyyətsiz çıxdı. Tədris proqramının həddən artıq yüklənməsi isə şagirdlərin qavrama problemini daha da artırdı. Düşünürəm ki, tədris müddətinin artırılmasının təhsilin keyfiyyətində xüsusi əhəmiyyəti olmayacaq".
Təhsil eksperti Etibar Əliyev "Bakı-Xəbər"ə açıqlamasında qeyd etdi ki, Avropa ölkələrində təhsil müddəti 10 aydır: "Bu ölkələrdə şagirdlər iyun ayı da daxil olmaqla məktəbə gedir. Bizdə isə vəziyyət fərqlidir. Yəni tədris ili ərəfəsində şagirdlərə verilən tətil müddəti çox uzundur. Həmin tətil günlərini hesablasaq görərik ki, məktəblilər dərsdə heç 8 ay görünmür. Bu səbəbdən də düşünürəm ki, dərs müddəti artırılmalıdır".
Dərs müddətinin uzadılmasının təhsilin keyfiyyətinə necə təsir edəcəyinə gəlincə, E.Əliyev bildirdi ki, bunu zaman göstərər. Bu, yeni tədris ilinin sonunda məzunların ali məktəbə qəbul olunmaq üçün verdikləri imtahan zamanı göstərdikləri nəticə sayəsində bəlli olacaq: "Bu ilə kimi vəziyyət çox pis idi. Orta məktəbi bitirən məzunların əksəriyyəti çox aşağı balla ali məktəbə qəbul olunur. Yüksək bal toplayanlar çox az olur. Təhsil Nazirliyinin dərs müddətini uzatmaqda məqsədi təhsilin keyfiyyətini artırmaqdır. Ümid edək ki, yaxşı nəticə əldə olunacaq".
Millət vəkili Fazil Mustafa sosial şəbəkədə Təhsil Nazirliyinin yeni təklifinə etiraz edib. O qeyd edib ki, nazirliyin belə bir qərar verməsindən narahatdır: "Görəsən, Azərbaycanda rəsmi strukturlarda hansısa qərar qəbul etməzdən öncə ciddi düşünüb müzakirə edirlərmi? Təhsil Nazirliyi qərara alıb ki, 3 həftə dərs müddətini uzatsın, yəni iyun ayında dərslər davam etsin. Halbuki, neçə illərdir təklif edirik ki, dərslər sentyabrın 1-də başlasa, müddəti uzatmağa gərək qalmaz. İki həftə buradan qazanırsan, bir həftə də mənasız bayram günlərinin hərəsindən bir günü qatırsan dərs müddətinə, olur əlavə 3 həftə. Beləliklə, iyun ayının istisində şagirdi məktəbə göndərməyə də ehtiyac qalmır. Bir də müddəti deyil, tədrisin keyfiyyətini artırmaq lazımdır".
Təhsil eksperti Məhərrəm Zülfüqarlı qəzetimizə açıqlamasında qeyd etdi ki, dərs müddətinin uzadılması düzgün qərar deyil: "Tədris ilinin müddətinin uzadılması deyil, keyfiyyətin artırılması vacibdir. Müddəti nə qədər uzadılsa belə, təhsilin keyfiyyəti stabil olaraq qalacaq. Dərsin vaxtını artırmaqdansa, müəllimlərin əməkhaqqını artırmaq lazımdır. Müəllimlər də yüksək əməkhaqqından stimul alıb, şagirdlərə keyfiyyətli bilik öyrədər. Yoxsa, müəllimin sosial problemi ola-ola 10 ay dərs deməyə gələcəksə, o dərsin keyfiyyəti olmayacaq".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...