"Yol Hərəkəti Haqqında" Qanuna hansı dəyişikliklər tövsiyə olundu?

Tarix: 28.05.2014 / 10:12
Bölmə: Sosial

Azərbaycan Respublikasının Prezidenti İlham Əliyev "Yol hərəkəti haqqında" Azərbaycan Respublikasının Qanununda dəyişikliklər edilməsi barədə" Azərbaycan Respublikasının 2014-cü il 2 may tarixli 953-IVQD nömrəli Qanununun tətbiqi haqqında Fərman imzalayıb.
Sənəddə qeyd olunur: "Azərbaycan Respublikası Konstitusiyasının 109-cu maddəsinin 19-cu bəndini rəhbər tutaraq, "Yol hərəkəti haqqında" Azərbaycan Respublikasının Qanununda dəyişikliklər edilməsi barədə" Azərbaycan Respublikasının 2014-cü il 2 may tarixli 953-IVQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədilə qərara alıram:
1. Azərbaycan Respublikasının Nazirlər Kabineti:
1.1. Azərbaycan Respublikası qanunlarının və Azərbaycan Respublikası Prezidentinin aktlarının "Yol hərəkəti haqqında" Azərbaycan Respublikasının Qanununda dəyişikliklər edilməsi barədə" Azərbaycan Respublikasının Qanununa uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;
1.2. Azərbaycan Respublikası Nazirlər Kabinetinin normativ-hüquqi aktlarının həmin Qanuna uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;
1.3. Mərkəzi icra hakimiyyəti orqanlarının normativ-hüquqi aktlarının həmin Qanuna uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;
1.4. həmin Qanundan irəli gələn digər məsələləri həll etsin.
2. Azərbaycan Respublikasının Ədliyyə Nazirliyi:
2.1. nəqliyyat vasitəsinin icarəyə verilməsinə dair müqavilə, yaxud nəqliyyat vasitəsindən istifadə edilməsi və ya ona dair sərəncam verilməsi hüquqları ilə bağlı etibarnamə notarius tərəfindən təsdiq edilərkən "Yol hərəkəti haqqında" Azərbaycan Respublikası Qanununun 27-ci maddəsinin VI-I hissəsində nəzərdə tutulmuş məlumatların informasiya sistemləri vasitəsilə Azərbaycan Respublikası Daxili İşlər Nazirliyinin Baş Dövlət Yol Polisi İdarəsinin mərkəzi informasiya sisteminə göndərilməsini təmin etsin;
2.2. mərkəzi icra hakimiyyəti orqanlarının normativ-hüquqi aktlarının və normativ xarakterli aktların "Yol hərəkəti haqqında" Azərbaycan Respublikasının Qanununda dəyişikliklər edilməsi barədə" Azərbaycan Respublikasının Qanununa uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.
3. Müəyyən edilsin ki, "Yol hərəkəti haqqında" Azərbaycan Respublikası Qanununun 27-ci maddəsinin VI-I hissəsinin üçüncü cümləsində "müvafiq icra hakimiyyəti orqanı" dedikdə Azərbaycan Respublikasının Daxili İşlər Nazirliyi nəzərdə tutulur".
Ekspertlər "Yol hərəkəti haqqında" Qanuna dəyişiklik edilməsini müsbət qarşılayır.
"Təhlükəsiz Yol" Alyansının koordinatoru Şahin Camalov "Bakı-Xəbər"ə açıqlamasında adıçəkilən qanuna edilən dəyişikliklər barədə məlumat verdi. Onun sözlərinə görə, "Yol hərəkəti haqqında" Qanuna dəyişikliklər etmək lazımdır: "Cəzaların daha da sərtləşdirilməsinin tərəfdarı deyiləm. Çünki cəzaların günü-gündən daha da ağırlaşdırılaraq sərtləşdirilməsinə ehtiyac yoxdur. Təklif edərdim ki, qanuna dəyişikliklər edilərkən yolların quruluşu da nəzərə alınsın. Yəni yolun çəkilişindən tutmuş, yollara necə nəzarət olunması məsələsi qanunda əks olunmalıdır. Bakının istənilən küçəsi bu gün dağıdılır və qeyd edirlər ki, guya yol yenidən təmir olunur. Müəyyən müddət keçəndən sonra həmin yol yenidən təmirə dayanır.
Bu kimi məsələlərə ciddi nəzarət olunmalıdır".
Ekspertin sözlərinə görə, statistikaya nəzər salanda aydın olur ki, piyadaların vurulması faktı hələ də yüksək olaraq qalır: "Piyada vurulması və ölümü daha çox Bakı şəhərində müşahidə olunur. Yol nişanları ilə bağlı qaydalarda dəyişiklik olunmalıdır. Yollarda piyada keçidlərinin olmasına dair yol nişanı, demək olar ki, yox səviyyəsindədir. Əsas məsələlərdən biri də parklanma ilə bağlıdır. Bakı şəhərinin hər bir rayonunda parklanma mərkəzi yoxdur. Avtomobillərin parklanması məsələsinə dövlət tərəfindən də reaksiya olub. Və belə qərara gəlindi ki, pullu parklanma mərkəzləri olacaq. Məncə, bu düzgün deyil. Hər bir ölkədə pulsuz parklanma mərkəzləri olmalıdır".
Ş.Camalov "Yol hərəkəti haqqında" Qanuna dəyişiklikləri təqdirəlayiq hal sayır.

DİGƏR XƏBƏRLƏR

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

Tarix: 16.07.2026 / 16:44

Azərbaycanlı dənizçilərə çağırış edildi - müharibə zonalarından uzaq durun...

Tarix: 16.07.2026 / 16:30

Kanalizasiya qoxusu içində həyat!

Tarix: 16.07.2026 / 15:51

Narkomaniya yer üzünün cəhənnəmidir

Tarix: 16.07.2026 / 15:46

Parakənd Xalkolit yaşayış yeri

Tarix: 16.07.2026 / 13:27

Gəncə və Samuxda kütləvi zəhərlənmə lavaşdan olub? - AQTA-dan mübahisəli açıqlama...

Tarix: 16.07.2026 / 13:03

Bakıda təmayül modeli tətbiq olunacaq məktəblər açıqlandı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...