Ekspertlər Nəqliyyat Müfəttişliyinin tam ləğvi tələbini ortaya atır

Tarix: 27.05.2014 / 05:39
Bölmə: Sosial

Paytaxtda daha bir sürücü nəqliyyat müfəttişləri tərəfindən zorakılığa məruz qalıb. Taksi sürücüsü Atakişiyev Fədail Rövşən oğlu beş müfəttiş tərəfindən döyülüb. Sürücünün sözlərinə görə, səhər tezdən, saat 5 radələrində Heydər Əliyev prospektində maşınına əyləşən iki mülki geyimli özlərini Nəqliyyat Departamentinin müfəttişləri kimi təqdim ediblər:
"Onlar məndən pul tələb etdilər, mən də onlara verəcək pulumun olmadığını bildirdim. Bu vaxt arxada oturan şəxs məni əlindəki iplə boğmağa başladı, yanımda oturan isə vururdu. Kənardan bir nəfər də gəlib məni oturduğum yerdə təpikləməyə başladı, sonra daha iki nəfər gəldi. Beş nəfər məni döydü və halsız vəziyyətdə olduğumu görüb yolun kənarına atdılar. Bir nəfər maşınıma oturub çıxıb getdi, o birilər yenidən məni təhqir etməyə başladılar. Sonra onlar da başqa bir maşına oturub uzaqlaşdılar".
Sürücü deyir ki, müfəttişlər AZ 90 RH 917 dövlət nömrə nişanlı "015"-ə minərək gediblər: "Maşında kredit üçün yığdığım pul var idi, üç yüz manata yaxın vəsait idi. Maşını kreditə götürmüşəm, iki günə kreditin vaxtıdır, həmin pulu da götürdülər. Pulu götürmək istədim, imkan vermədilər, heç yol pulum yox idi, yol kənarına atdılar, atama zəng etdim, gəlib məni tapdı".
Fədail Atakişiyev deyir ki, faktla bağlı Nizami Rayon Polis İdarəsinin 23-cü bölməsinə, həmçinin Baş Prokurorluğa və Nizami Rayon Prokurorluğuna məlumat veriblər: "Bazar günü ekspertiza olmadığından, təciliyardıma müraciət etdim, məni müayinə etdilər. Özümü çox narahat hiss edirəm, daha çox başıma vurublar".
Onun sözlərinə görə, səkkiz ildir paytaxtda sürücülük edir və nəqliyyat müfəttişlərinin bu cür qanunsuz hərəkətləri ilə son illər çox rastlaşıb: "Davalar çox olub, ancaq bu cür olmamışdı. Tanıdığım o qədər sürücü var ki, bu cür döyülməyə, təzyiqə məruz qalıb. Belə hallar çox olur, nəqliyyat müfəttişləri ciblərində ip gəzdirirlər ki, sürücüləri boğsunlar. Məni də iplə boğdular, biri boğur, ikisi vurur, biri də açarı götürür ki, maşını aparsınlar. Adətən belə edirlər. İndi bilmirəm maşınımı hara aparıblar, bu həm də artıq oğurluqdur, onlar cəzalanmalıdır. Onlar heç kimdən qorxmadıqlarını deyirlər. Mən "102" xidmətinə zəng edəcəyimi deyəndə dedilər ki, hara istəyirsənsə, zəng edə bilərsən, biz qorxmuruq".
Bizim müşahidələrimiz onu deməyə əsas verir ki, nəqliyyat qoçusu imici qazanan bu şəxslər barədə görülən yüngül tədbirlər: işdən çıxarılma, inzibati tənbeh, töhmət heç də onları islah etmir. Əksinə, onlar öz cinayətkar əməllərini artan dinamika üzrə inkişaf etdirir.
Bütün bu yaşananlardan sonra Nəqliyyat Müfəttişliyinin bir struktur kimi ləğv edilməsinə ehtiyac varmı?
Ekspert İlqar Hüseynli qəzetimizə açıqlamasında bildirdi ki, yalnız qoçuluqla məşğul olan bu struktur tamamilə ləğv edilməlidir":Onlar nəyə lazımdır? Həmin qurumun bir səlahiyyəti ola bilər, o da yolların dağılmasının qarşısını almaq. Bu səlahiyyət çərçivəsində isə yalnız yük maşınlarının artıq yüklənməsinin qarşısını almaq olar. Onların hazırda məşğul olduqları işlər isə sırf Dövlət Yol Polisi əməkdaşlarının səlahiyyətlərinə aiddir. Nəqliyyat müfəttişi niyə sürücünün sənədini yoxlamalıdır? Bu adamların etdiyi əməllər artıq bütün Azərbaycan vətəndaşlarında ikrah hissi yaradır. Onlara verilən cəzalar da çox yüngül olur.Ancaq etdikləri bütün əməllər cinayət tərkiblidir".
Müfəttişlərin hərəkətinin hüquqi aspektinə toxunan hüquqşünas Müzəffər Baxış isə qeyd edir ki, əslində həmin Nəqliyyat Müfəttişliyi əməkdaşlarının qanunsuzluqlarının ərizə halında Nəqliyyat Departamentinin özünə göndərilməsi qanunsuzluqdur: "Bu sırf qanunsuzluqdur, belə hallar, məlumatlar varsa, Cinayət-Prosessual Məcəllənin tələblərinə görə, aidiyyəti üzrə müvafiq qurumlara göndərilir. Onlar qulluq səlahiyyətlərini aşdıqlarına görə bu cinayəti törədirlər. Bu da prokurorluq orqanlarına aiddir. Hər bir halda, barəsində cinayət törətməsi barədə məlumatlar olan şəxslərin işi prokurorluğa göndərilməlidir. Artıq nəqliyyat müfəttişlərinin bu kimi hərəkətləri kütləvi hal alıb, qanunsuzluq kütləvidir, bunun barəsində heç bir qanuni tədbir görə bilmirlər. Hüquq-mühafizə orqanlarında da onları müdafiə edən insanlar var, o qurumlara müəyyən təsirlər göstərə bilirlər. Ona görə müdafiə edirlər ki, onlar qanunsuz yollarla böyük pul vəsaitləri yığırlar. Pul vəsaitləri də onları müdafiə edən vəzifəli şəxslərlə bölüşdürülür. Hesab edirəm ki, bu lazımsız qurum ləğv edilməlidir".

DİGƏR XƏBƏRLƏR

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

Tarix: 16.07.2026 / 16:44

Azərbaycanlı dənizçilərə çağırış edildi - müharibə zonalarından uzaq durun...

Tarix: 16.07.2026 / 16:30

Kanalizasiya qoxusu içində həyat!

Tarix: 16.07.2026 / 15:51

Narkomaniya yer üzünün cəhənnəmidir

Tarix: 16.07.2026 / 15:46

Parakənd Xalkolit yaşayış yeri

Tarix: 16.07.2026 / 13:27

Gəncə və Samuxda kütləvi zəhərlənmə lavaşdan olub? - AQTA-dan mübahisəli açıqlama...

Tarix: 16.07.2026 / 13:03

Bakıda təmayül modeli tətbiq olunacaq məktəblər açıqlandı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...