Gələn ildən həkimlərlə bağlı böyük yeniliklər olacaq

Tarix: 26.05.2014 / 10:30
Bölmə: Sosial

Son illər Azərbaycanda da tibbi sığortanın tətbiqi ilə bağlı müəyyən işlər görülməkdədir. Qeyd edək ki, 1999-cu ildə "Tibbi sığorta haqqında" Qanun qəbul olunub.
Eyni zamanda, "Tibbi sığorta haqqında" Azərbaycan Respublikası Qanununun tətbiq edilməsi barədə" ölkə Prezidentinin 30 dekabr 1999-cu il tarixli Fərmanı da var. Bundan başqa, "2008-2012-ci illərdə Azərbaycan Respublikasında səhiyyənin maliyyələşdirilməsi sisteminin islahatı və icbari tibbi sığortanın tətbiqi Konsepsiyasının həyata keçirilməsi üzrə Tədbirlər Planı" hazırlanıb. Dünya təcrübəsinə görə, tibbi sığortanın tətbiqi səhiyyə sektorundakı çoxsaylı problemlərin həllini zəruriləşdirir. Azərbaycan səhiyyəsinin də ciddi problemlərdən - pasiyent-həkim münasibətlərindəki bəzi ziddiyyətlər, yüksək səviyyəli mütəxəssis azlığı, həkimlərin sosial qayğılar və digər çatışmazlıqlardan sığortalanmadığı bir ərəfədə icbari tibbi sığortanın tətbiqinin zəruriliyi ortaya çıxır. Bu sahədə müvafiq qanunun 1999-cu ildə qəbul edilməsinə baxmayaraq, hələ də icbari tibbi sığortanın icrasına və tətbiqinə nail ola bilməmişik.
Milli Məclisin Sosial Siyasət Komitəsinin sədr müavini Musa Quliyev mətbuata açıqlamasında bildirib ki, gələn il icbari tibbi sığortanın tətbiqi gözlənir. Onun sözlərinə görə, Milli Məclisdə qanun qəbul edilməsinə baxmayaraq, müəyyən maliyyə məsələləri ilə bağlı icbari tibbi sığortanın tətbiqində gecikmə olub: "Gələn ildən Azərbaycanda icbari tibbi sığortanın tətbiqinə başlanacaq. Hazırda Azərbaycanda icbari tibbi sığortanın tətbiqi üçün proqram işlənir. Gələn ildən bu işin icrasına başlandıqdan sonra həkimlərin əməkhaqlarının 3 dəfədən artıq yüksəldilməsinin şahidi olacağıq".
Deputat vurğulayıb ki, icbari tibbi sığortanın tətbiqi nəticəsində ölkədə tibb işçilərinin əməkhaqları fərqli olacaq: "Burada hər bir tibb işçisinin gördüyü işə və ən əsası həkimin xəstələrə göstərdiyi xidmətə görə əməkhaqqı dəyişəcək. Həkimin göstərdiyi xidmətə görə tibbi sığortadan ona əməkhaqqı faizi gələcək. Hesab edirəm ki, işinin öhdəsindən layiqincə gələn həkimin əməkhaqqı 3 dəfə və bəlkə bundan da çox artacaq".
Maraqlıdır, ekspertlər sözügedən məsələyə necə baxır?
Məsələyə münasibət bildirən tibb elmləri doktoru, professor Adil Qeybullanın sözlərinə görə, sözügedən məsələdə Azərbaycan, ən azından, Türkiyə təcrübəsini tətbiq edə bilər: "Sığorta təbabəti sosial müdafiənin bir növüdür. Bu, həkimlərin məvacibi məsələsi deyil. Sözügedən məsələ ən azı konkret olaraq müalicə xidmətinin daha çox ehtiyac olan növlərini əhatə etməlidir ki, vətəndaşlar ondan fayda görə bilsin. Sığorta ayırmalarından hər bir həkim göstərdiyi xidmətə görə müəyyən bonuslar alır. Yəni konkret olaraq ayırmalar olur və o da həkimin maaşına təsir edir. Bütün bunlarla yanaşı, hesab edirəm ki, dövlət xəstəxanalarında həkimlərin formalaşmış məvacibi olmalıdır. Ən azından qonşu Türkiyəyə yaxın səviyyədə həkimlər məvaciblə təmin edilməlidir. O ki qaldı sığorta təbabətinin həkimlərə verdiyi başqa imkanlara, artıq bu başqa bir məsələdir. Sığorta təbabəti ilk növbədə xəstələrin tibbi xidmətin bir seçim imkanını təmin etmək üçündür. Bu da konstitusion hüquqdur, sosial müdafiənin bir formasıdır".

DİGƏR XƏBƏRLƏR

Tarix: 16.07.2026 / 23:45

Mərhum tarixçi alim Qeyrət Quliyevin 21 il əvvəl qaldırdığı problemlər

Tarix: 16.07.2026 / 20:54

Odessa yaxınlığında həlak olan azərbaycanlı gəmi kapitanının nəşi tapıldı

Tarix: 16.07.2026 / 19:21

Qəhrəmanlıq da Allah lütfüdür

Tarix: 16.07.2026 / 19:06

MDU və Marmara Universiteti arasında yeni anlaşma - Tələbə mübadiləsi, ortaq laboratoriyalar və ikili diplom imkanları...

Tarix: 16.07.2026 / 17:50

Bakıda ilk yarımildə 7 minə yaxın cinayət qeydə alınıb, onların 93,2 faizi açılıb

Tarix: 16.07.2026 / 17:20

Biləsuvarın qüruru, cəsur pulemyotçu... Alim Yoldaşov

Tarix: 16.07.2026 / 16:44

Azərbaycanlı dənizçilərə çağırış edildi - müharibə zonalarından uzaq durun...

Tarix: 16.07.2026 / 16:30

Kanalizasiya qoxusu içində həyat!

Tarix: 16.07.2026 / 15:51

Narkomaniya yer üzünün cəhənnəmidir

Tarix: 16.07.2026 / 15:46

Parakənd Xalkolit yaşayış yeri

Tarix: 16.07.2026 / 13:27

Gəncə və Samuxda kütləvi zəhərlənmə lavaşdan olub? - AQTA-dan mübahisəli açıqlama...

Tarix: 16.07.2026 / 13:03

Bakıda təmayül modeli tətbiq olunacaq məktəblər açıqlandı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 16.07.2026 / 21:06

Azərbaycan Ermənistanla “əbədi müharibə” təhlükəsini zamanındaca aradan qaldırdı...

Tarix: 16.07.2026 / 20:30

Azərbaycana münasibətdə Trampın əvvəlki hökumətlərdən əsaslı fərqi... Cəmi 6 ay lazım oldu...

Tarix: 13.07.2026 / 14:34

Məktəblərdə vakant müəllim yerlərinin gizli saxlanması faydadan çox ziyan vurur...(?)...

Azərbaycanın İslam həmrəyliyinə töhfələri bütün müsəlman aləmi üçün müstəsna rol oynayır...