Təhsil Nazirliyində də ictimai nəzarət şurası...

Tarix: 22.05.2014 / 07:53
Bölmə: Sosial

Sosial şəbəkələrdə iki gözünün altında göyərmə izləri olan məktəblinin fotoşəklinin nümayişi ciddi rezonansa səbəb oldu. İlkin informasiyalarda internat şagirdinin müəllimlər tərəfindən dəyənəklə döyülməsi qeyd edildi. Lakin sonradan Təhsil Nazirliyi faktı əsəbi şəkildə təkzib etməklə yanaşı, informasiyanı yayanları hüquqi məsuliyyətlə hədələdi.
Suraxanı rayonunda yerləşən sağlamlıq imkanları məhdud uşaqlar üçün 7 nömrəli xüsusi internat məktəbində şagirdin döyülməsi faktı ilə bağlı araşdırmanın nəticəsi olaraq Təhsil Nazirliyinin mətbuat xidməti bildirdi ki, mayın 20-də günorta saatlarında kütləvi informasiya vasitələrində və sosial şəbəkələrdə Suraxanı rayonunda yerləşən sağlamlıq imkanları məhdud uşaqlar üçün 7 nömrəli xüsusi internat məktəbində II sinif şagirdi Nahid Cavadovun (KİV-də adı Mahir kimi verilib) müəllim tərəfindən dəyənəklə döyülməsi barədə məlumatlar yayılıb:
"Məsələ ilə bağlı Təhsil Nazirliyi tərəfindən yerində aparılmış araşdırma nəticəsində yayılan informasiyanın həqiqətə uyğun olmadığı və baş vermiş hadisənin təhrif olunduğu müəyyən edilib. Belə ki, may ayının 16-da, saat 17:00 radələrində II sinif şagirdi, 2006-cı il təvəllüdlü Nahid Cavadov internat məktəbinin sanitar qovşağında sürüşərək yıxılıb və alın nahiyəsindən zədə alıb. X sinif şagirdi onu yerdən qaldıraraq tərbiyəçinin yanına aparıb və uşağa ilkin yardım göstərilib. Aldığı zədə nəticəsində səhəri gün onun gözlərinin altı qaralıb.
Təhsil Nazirliyinin əməkdaşları ilə söhbət zamanı N.Cavadov yıxıldığını təsdiqləyib. Şagird bildirib ki, ona qarşı heç bir fiziki təzyiq halı baş verməyib. Şagird eyni sözləri dünən internat məktəbinə gəlmiş MTN və DİN-in əməkdaşlarına da söyləyib.
Beləliklə, uşağın zədə alması hadisəsində 7 nömrəli xüsusi internat məktəbinin müəllim-tərbiyəçi heyətinin təqsirinin olması təsdiqlənməyib. Eyni nəticəyə müstəqil olaraq təhqiqat aparan DİN-in Suraxanı Rayon Polis İdarəsinin əməkdaşları da gəliblər.
Təhsil Nazirliyi hadisə barədə sifarişli və qərəzli informasiyanı yaymaqla ictimaiyyəti çaşdırmağa, bununla təhsil müəssisəsinin kollektivinin nüfuzuna xələl gətirməyə və tədris prosesinin normal ahəngini pozmağa yönəlmiş hərəkətləri qəti şəkildə pisləyir və buna yol vermiş şəxslər barəsində hüquqi çərçivədə müvafiq addımların atılması, o cümlədən araşdırmanın aparılması üçün hüquq-mühafizə orqanlarına müraciət etmək hüququnu özündə saxlayır".
Biz Təhsil Nazirliyinin mövqeyinə hörmətlə yanaşırıq, ancaq hesab edirik ki, ata-ana qayğısından məhrum olan uşaqları döymək, incitmək, sonra da həmin faktı ört-basdır etmək o qədər də çətin məsələ deyil. Çünki həmin zavallıların hüquqlarını qoruyan, onlara candan yanan valideynləri yoxdur. Təbii ki, bu funksiya dövlətin bəzi qurumlarının üzərinə düşür. Aydındır ki, hansısa dövlət qurumu öz tabeliyində olan strukturlarda neqativliklərin cəmiyyətə olduğu kimi təqdim olunmasında maraqlı deyil. Biz dəfələrlə Azərbaycanın internat məktəblərində yaşanan biabırçılıqların şahidi olmuşuq. Ancaq bütün bu faktlardan məsələ ictimailəşdiriləndən sonra xəbər tuta bilmişik.
Bu da bir məsələni zəruri edir: internat məktəblərinə ictimai nəzarətin gücləndirilməsini.
Azərbaycan Uşaqlar Birliyinin rəhbəri Kəmalə Ağazadə qəzetimizə açıqlamasında bildirdi ki, bütün bu proseslər internat məktəblərinin qapalılığından irəli gəlir: "Qapalı olduğu üçün jurnalistlər bir qədər dəqiq olmayan informasiyalar yazdı. Bunun da nəticəsində QHT-lərin də üzünə məktəbləri bağladılar. Hazırda çox az sayda internat var ki, biz ora girə bilirik. Dünyanın hər yerində bu tip məktəblərə ictimai nəzarət var. Dəfələrlə bunu təklif etmişik. Xeyri yoxdur. Necə olur ki, Ədliyyə Nazirliyində Penitensiar Xidmətə nəzarət üçün İctimai Şura fəaliyyət göstərə bilir, ancaq Təhsil Nazirliyində yox? Mən eşitdiyimə görə formal olaraq belə bir təsisat var, ancaq biz bilmirik ki, onun tərkibi nə vaxt yenilənir, hansı QHT-lər orda fəaliyyət göstərir? Son hadisə bir daha sübut etdi ki, ictimai nəzarət mütləq lazımdır. Təhsil Nazirliyi uşağın yıxıldığını deyir. Yenə də məsuliyyət yaradan məqam var. Niyə həmin uşağa tibbi yardım göstərilməyib? Sonra uşağın özünün etirafını bayrağ edirlər. Bəlkə ona təzyiq olub. Bütün bu şübhələrin aradan qaldırılması üçün ictimai nəzarətə böyük ehtiyac var".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...