Hippokrat andından müəllim andına qədər azərbaycan nümunəsinə fərqli baxışlar...

Tarix: 22.05.2014 / 07:52
Bölmə: Sosial

Azərbaycanda işə yeni qəbul olunmuş müəllimlər üçün andiçmə mərasimi keçiriləcək. Sözügedən yenilik təhsil naziri Mikayıl Cabbarovun imzaladığı "Müəllimlərin etik davranış qaydaları"nda nəzərdə tutulub.
Qaydalara görə, müəllim ilk dəfə daimi işə qəbul olunarkən "Azərbaycan Respublikası Konstitusiyasına va qanunlarına riayət edərək Azərbaycan təhsilinin ənənələrinə sadiq qalacağıma, keyfiyyətli təhsil xidməti göstərəcəyimə, peşəkar fəaliyyət zamanı qeyri-etik davranışın hər hansı bir formasına yol verməyəcəyimə, həmkarlarım, təhsilalanlar, valideynlər va digər şəxslərlə münasibətləri hörmət, şərəf və ləyaqət əsasında quracağıma, müəllim adını və şərəfini uca tutacağıma and içirəm" deyərək and içəcək.
Andiçmə təntənəli şəraitdə Azərbaycan Respublikasının Dövlət Bayrağı altında, Azərbaycan Respublikasının Konstitusiyasına əl basmaqla həyata keçiriləcək. Onu da qeyd edək ki, andiçmə bir dəfə olur. Andın imzalanmış mətni müəllimin şəxsi işində saxlanır.
Ancaq görünən odur ki, müəllimlərin andiçmə məsələsi cəmiyyətdə ciddi müzakirələrə səbəb olub və birmənalı qarşılanmır. Bu addımı dəstəkləyənlər və lazımısız hesab edənlər də var.
Maraqlıdır, təhsil ekspertlərinin buna münasibəti necədir? İndiki dövrdə belə bir qaydanın tətbiqinə də dərəcədə ehtiyac var?
Məsələyə münasibət bildirən təhsil eksperti Məhərrəm Zülfüqarlının sözlərinə görə, əslində buna ehtiyac yox idi: "Etik davranış qaydaları hər bir məktəbdə var. Bunun üçün xüsusi andiçmə mərasimi keçirmək lazım deyil. Bu kimi qaydaları yüksək səlahiyyətli şəxslər həyata keçirir. Məsələn, Prezident, məhkəmə sədrləri and içə bilər. Ancaq bunu yeni işə qəbul olunan müəllimlərdən tələb etmək lazımsız bir şeydir. Nazir belə bir sərəncam verirsə, o zaman müəllimlərə yüksək maaş verməlidir ki, onlar and içib ayı 100 manatla başa vurmasınlar. Yox, müəllim and içsə ki, aşağı maaşla keyfiyyətli dərs deyəcəyəm, o zaman forma ilə məzmun uyğun gəlməyəcək. Andiçməni tələb edən gərək müəllimə yüksək maaş da vrsin".
Digər təhsil eksperti, parlamentin Təhsil komitəsinin keçmiş sədri Şahlar Əsgərov isə bu qərarı dəstəkləyir: "Hesab edirəm ki, "Müəllimlərin etik davranış qaydaları"nın qəbulu xoş məramla atılmış addımdır. Bu addımı təqdir etmək lazımdır. Ancaq bu mənəvi ölçüyə ciddi təsir edəcək iki faktoru nəzərə almaq lazımdır: biri müəllim peşəsinin kütləvi olması, ikincisi, müəllimlərin bilik səviyyəsinin müxtəlif olması. Ali məktəbi fərqlənmə ilə bitirənlərin bu anda sadiq qalacağına inanmaq olar. Ali məktəbi əla qurtardığı kimi, içdiyi andı da əla qoruyacaq. Ancaq belə müəllimlər müəllim korpusunun 15-20 faizini təşkil edər. Qalan müəllimlərin anda sədaqət dərəcəsi öz bilik səviyyəsinə uyğun olacaq. Başqa sözlə, ali məktəbi zəif qurtarmış məzun andına da zəif sədaqətli olacaq. Fərd halında anda sədaqəti qorumaq mümkündür. Məncə, bu and məsələsi bizim təhsil sistemimizdə yeni hadisədir. Uğurlu olsun".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...