Qəbiristanlıqlarda standart qəbirlər...

Tarix: 31.10.2014 / 02:02
Bölmə: Sosial

İlqar Hüseynli: "Qəbirlərin standart olması təklifini bəyənirəm"

Sevinc Əzimbəyli: "Bahalı qəbir daşı qoydurmaq artıq bir rəqabət predmetinə, insanlar arasında şan-şöhrət, öyünmək vasitəsinə çevrilib"

Son vaxtlar cəmiyyətin əsas müzakirə mövzularından biri də toy və yas mərasimlərində yol verilən israfçılıqdır. Aidiyyəti qurumların bu məsələ ilə bağlı apardıqları təbliğat-təşviqat kampaniyasına cəmiyyətdə müxtəlif yanaşmalar var. Ağrılı məqamlardan biri də qəbir daşlarının qiymətidir. Günbəgün məzar daşlarının qiyməti bahalaşır.
Məzar daşlarının qiyməti ölçüsünə, rənginə və işlənməsinə görə hətta fantastik məbləğə qədər artır. Qəbrin üstünün götürülməsi ölü sahiblərinin ən ciddi problemlərindən birinə çevrilib.
Milli Məclisin Sosial siyasət komitəsinin sədr müavini Musa Quliyev qəbiristanlıqlarla bağlı yeni təkliflər hazırlayıb. Millət vəkilinin hazırladığı təklifdə qeyd olunur ki, qəbiristanlıqlarda təmizlik və abadlığı da müvafiq qurum həyata keçirməlidir: "Amma kimsə qəbiristanlıqda bütün yaxınlarının bir ərazidə dəfn olunmasını istəyəcəksə, bu mümkün olmayacaq. Yer harda veriləcəksə, orda da dəfn ediləcək. Dövlət qəbiristanlığında bütün qəbirlər eyni ölçüdə, eyni materialdan olmalı, yer ödənişsiz verilməlidir. Qəbiristanlıqların hasarlanması, qorunması, abadlığı və təmizliyini də bələdiyyələr və dövlət qurumları həyata keçirməlidir".
Qəbirlərin standart formada olması hər kəs tərəfindən müsbət qarşılanır.
Sosial sahə üzrə ekspert İlqar Hüseynlinin fikrincə, dəbdəbəli qəbir daşlarının hazırlanması Azərbaycan cəmiyyətində birmənalı qarşılanmır: "İnsanlar buna böyük vəsait xərcləyir. Bu problemin ortadan qaldırılması üçün əvvəla bu sektorda çalışan insanlara tapşırıq vermək lazımdır ki, standart daşlardan kənar qəbir daşları hazırlanmasın. Bu amil olduqca vacibdir. Çünki bəziləri şöhrətpərəst olduğuna görə elə bilir ki, qəbir daşını böyük qoymaqla yaxınına daha böyük sayğı göstərir. Əslində belə deyil. Məncə, daha fərqli yanaşma olmalıdır. İlahiyyatçılarla bu məsələdə məsləhətləşmə aparmağa isə heç bir ehtiyac yoxdur. Dinə görə, qəbirlər itməlidir. Qəbrin təmtəraqlı formada olması yanlışdır. Azərbaycan şərtlərində insanlarda İrandan qalma mavzoleyçilik xarakteri güclü olduğu üçün, bunu birdən-birə silib atmaq mümkün deyil. Mümkün deyilsə, xristian ölkələrində olduğu kimi, səliqəli, abad xiyaban salmaq olar. Həm də ona fikir vermək lazımdır ki, insanlar qəbiristanlığa qorxu yeri kimi yox, həm də bir ziyarət yeri, park kimi yanaşa bilsinlər. Səliqə-sahman yaradılmalıdır, bu da mədəniyyətin bir göstəricisidir".
İ.Hüseynli qəbirlərin standart olması təklifini bəyəndiyini dilə gətirdi.
"Yeni Üfüq" İctimai Birliyinin sədri Sevinc Əzimbəylinin sözlərinə görə, din qəbrin üzərində mərmərdən abidələrin tikilməsi, sinə, başdaşının qoyulmasının əleyhinədir. Bu da israfçılıqdır: "Bundan nə dünyadan köçən insana, nə də ki, onun yaxınlarına bir fayda yoxdur.
Bahalı qəbir daşı qoydurmaq artıq bir rəqabət predmetinə, insanlar arasında şan-şöhrət, öyünmək vasitəsinə çevrilib. Ona görə də düşünürəm ki, bütün bu halların qarşısı alınmalıdır.
Amma sırf inzibati yollarla belə hallarla mübarizə aparmaq çətin olur. Çünki bu, on illərlə formalaşmış adət-ənənələrdir. Bahalı qəbir daşları məsələsi qanunvericiliklə də həll olunmalıdır. Qəbir yerləri standart formada olmalıdır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...