"Özəl qəbiristanlıqlar" təklifi müxtəlif suallar doğurdu

Tarix: 30.10.2014 / 02:25
Bölmə: Sosial

Seyid Camal Əzimbəyli: "Əhalinin aşağı təbəqəsinin rifahını düşünüb ona uyğun addım atmaq lazımdır"

"Qəbir yerlərinin özəlləşdirilməsi biznes bazarına çevriləcəksə, uduzan kasıb tərəf olacaq"

Ömür nədir, yaşıl yarpaq,
Sonu nədir, qara torpaq...
Doğrudan da təbiətin bir qanunu var: bir gün gələn bir gün də getməlidir. Amma hər kəs həyatla vidalaşanda gəldiyi dünyadan yalnız 5 metr kəfən və bir qarış torpaq aparır. Ancaq o bir qarış torpaq ölü sahibinə heç də ucuz başa gəlmir.
Bakının müxtəlif yerlərindəki qəbiristanlıqlarda müxtəlif qiymətlər mövcuddur. İslam şəriətində qəbir yerlərinin satılması haram buyurulsa da, işbazlar buna məhəl qoymur.
Paytaxtda yaşayanların çoxu qəbir yerlərinin ərazidən asılı olaraq neçəyə satılmasından xəbərdardır. Təbii ki, rəsmilər qəbir yerlərinin satılmasını etiraf etməsələr də, ölüsünü basdırmaq istəyən hər kəs qəbiristanlıqda belə açıq bazarla qarşılaşmalı olur.
Bakının əksər qəbiristanlıqlarında özlərinə diri ikən qəbir yeri götürənlərin sayı az deyil. Bəzi ailələr qəbiristanlıqda yer götürür və ailə üzvləri üçün hazır məzar qazdırır ki, onlar vəfat edərsə, qəbri hazır olsun.
Milli Məclisin Sosial siyasət komitəsinin sədr müavini Musa Quliyev bu məsələ ilə bağlı yeni təkliflər irəli sürüb. Deputatın irəli sürdüyü təkliflərdə bildirilir: "Azərbaycanda qəbiristanlıqlar dövlət və bələdiyyələrin sərəncamında olmalı, dəfnetmə Dini Qurumlarla İş üzrə Dövlət Komitəsinin müəyyən etdiyi standartlar əsasında həyata keçirilməlidir. Azərbaycanda sahibsiz qəbirlər yoxdur, çünki onların sahibi dövlətdir. Həmin qəbirlər ya dövlətin, ya da bələdiyyələrin nəzarətindədir. Onların hamısı bundan sonra da qorunacaq. Dövlət və bələdiyyə qəbiristanlıqlarında dəfn Dini Qurumlarla İş üzrə Dövlət Komitəsinin müəyyən etdiyi standartlar əsasında həyata keçirilməlidir. Yəni qəbiristanlıqda, Türkiyə və başqa Avropa ölkələrində olduğu kimi, vəfat edənin adı, soyadı, doğum və ölüm tarixi yazılmaq şərtilə mərhuma kiçik başdaşı qoyulmalıdır. Təmizlik və abadlığı da müvafiq qurum həyata keçirməlidir. Amma kimsə qəbiristanlıqda bütün yaxınlarının bir ərazidə dəfn olunmasını istəyəcəksə, bu mümkün olmayacaq. Yer harda veriləcəksə, orda da dəfn ediləcək".
Sosial siyasət komitəsinin sədr müavini bildirib ki, bu təklifləri irəli sürməkdə məqsəd qəbirlərin standart olmasını təmin etməkdir: "Dövlət qəbiristanlığında bütün qəbirlər eyni ölçüdə, eyni materialdan olmalı, yer ödənişsiz verilməlidir. Qəbiristanlıqların hasarlanması, qorunması, abadlığı və təmizliyini də bələdiyyələr və dövlət qurumları həyata keçirməlidir. Doğrudur, hazırda dəfn yerləri pulludur, bu danılmazdır. Hazırda alternativ yoxdur. Kimsə öz yaxınının yanında dəfn olunmaq istəyirsə, əlavə rüşvət verir. Dövlət və bələdiyyə qəbiristanlığı yaradılandan sonra bu məsələlər öz həllini tapacaq. Hətta mən təklif etmişəm ki, imkansız şəxslərin dəfn xərclərini də dövlət ödəsin".
Deputatın təkliflərindən biri özəl qəbiristanlıqların yaradılmasından ibarətdir: "Bu təklif ondan ibarətdir ki, əgər kimsə ailə üzvlərinin yanında dəfn edilməsini, başdaşının başqa materialdan olmasını istəyirsə, bunu özəl qəbiristanlıqda edə bilər. Bu zaman ödəniş edib, istədiyi kimi abidə də ucalda, sərdabə də qoya bilər".
Özəl qəbiristanlıqla bağlı fikir bildirən şərqşünas Seyid Camal Əzimbəyli "Bakı-Xəbər"ə açıqlamasında qeyd etdi ki, artıq bəzi ölkələrdə özəl qəbiristanlıqlar mövcuddur. Hətta qardaş ölkə Türkiyədə belə özəl qəbiristanlıq var: "Həmin ölkələrdə insanlar özləri pul verərək qəbir yerləri alır və həmin yer onların özəl mülkünə çevrilir. Amma bunun Azərbaycanda necə nəticə verəcəyi bəlli deyil. Çünki Azərbaycan xalqının öz dəyərləri və mentaliteti var".
Onun fikrincə, qəbir yerlərinin özəlləşdirilməsi biznes bazarına çevriləcəksə, uduzan kasıb tərəf olacaq: "Bu məsələ ilə bağlı Dini Qurumlarla İş üzrə Dövlət Komitəsi, Ruhanilər İdarəsi, mənəviyyət adamları ilə məsləhətləşmələr aparılsa, daha yaxşı olardı. İmkanlı şəxslər öz ölüsünü vip yerlərdə torpağa tapşırır. Əhalinin aşağı təbəqəsinin rifahını düşünüb ona uyğun addım atmaq lazımdır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...