Azərbaycan "Ebola" və "Korona" viruslarının əleyhinə gərəkli olan addımları atmağa başladı

Tarix: 28.10.2014 / 02:03
Bölmə: Sosial

Azərbaycanda "Ebola" virusu ilə mübarizəyə qarşı xüsusi geyimlər və testlər alınıb. Bunu "Trend"ə Səhiyyə Nazirliyi Respublika Taun Əleyhinə Stansiyanın direktor müavini Şair Qurbanov deyib.
Onun sözlərinə görə, Səhiyyə Nazirliyinin sifarişi ilə alınan bu geyimlərin sayı hazırda təxminən 100-dür. Bu say hələlik kifayət hesab edilir. Ehtiyac olarsa, yeni geyimlər də alına bilər.
Geyimlər yalnız laboratoriyada işləyən heyət üçün nəzərdə tutulub.
Ş.Qurbanov bildirib ki, Azərbaycanda tibb işçiləri üçün xüsusi birdəfəlik geyimlər var. Ancaq həmin geyimlərdən fərqli olaraq, "Ebola" virusu ilə əlaqədar alınmış yeni geyimlərdə biotəhlükəsizlik 3-4 səviyyəsindədir, yəni bu geyimlər ən təhlükəli viruslar üçün nəzərdə tutulub.
Onun sözlərinə görə, "Ebola" virusu ilə əlaqədar laborator müayinələrin aparılması üçün xüsusi şərait və avadanlıqlar var. Azərbaycanda "Korona" virusu qeydə alınmasa da, bu virusa xarici ölkələrdə rast gəlindiyindən, ölkəmizdə də ona qarşı qabaqlayıcı tədbirlər görülməlidir. Bunu da Taun Əleyhinə Stansiyanın direktor müavini Şair Qurbanov deyib.
Onun sözlərinə görə, "Korona" virusunun ölkəmizdə yayılma ehtimalı yoxdur. Buna baxmayaraq, digər infeksiyalara qarşı mübarizə aparıldığı kimi, bu virusa qarşı da mübarizə aparılmalıdır.
Ş.Qurbanov bildirib ki, "Korona" virusu dəvələr, quşlar arasında yayılır, insanlara kontakt yolu ilə keçir. Virusun əlamətləri qripə oxşayır, ancaq insanın bu virusa yoluxması və onun qrip olduğu, yaxud "Korona" virusuna yoluxduğu yalnız laborator şəraitdə təsdiqlənir. "Korona" virusu da digər respirator xəstəliklər kimi ağ ciyərləri, bronxları zədələyir. Bu virusa yoluxanlarda bağırsaq pozğunluqları, boğaz ağrıları, başağrısı, asqırmaq, əzginlik halları ola bilər. Xəstəliyin inkubasiya dövrü 2-3 gün davam edir, ümumilikdə isə xəstəlik 6-7 gün ərzində müşahidə edilir. Xəstəlikdən ölüm halları insanın immuniteti çox aşağı olduqda baş verir: "Ümumiyyətlə, virus infeksiyalarının xüsusi müalicəsi olmur, simptomatik müalicəsi aparılır. Viruslar çox çətin müalicə olunan infeksiyalardır".
Ş.Qurbanov onu da əlavə edib ki, Azərbaycanda indiyə kimi Ebola virusuna yoluxmaqda şübhəli bilinən şəxs olmayıb. İndiyədək stansiyaya xəstəlik barədə məlumat almaq məqsədilə 10-12 nəfər müraciət edib. Xatırladaq ki, "Korona" virusuna yoluxma halı artıq İran və Türkiyədə qeydə alınıb. Türkiyədə oktyabrın 24-də ilk dəfə "Korona" virusundan ölüm faktı aşkarlanıb. Xəstəlik bu ölkələrə Səudiyyə Ərəbistanına ziyarətə getmiş zəvvarlar vasitəsilə gətirilib.

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...