Azərbaycanda bərpa olunan pioner düşərgələri əslində nə deməkdir?

Tarix: 20.05.2014 / 07:25
Bölmə: Sosial

Böyük Bakının Regional İnkişaf Planı 2030-cu ilədək paytaxtın sosial prioritetləri və inkişaf prinsiplərini də müəyyənləşdirib. Layihəyə əsasən, Bakının bütün qəsəbələrində çoxfunksiyalı mərkəzlər - klubların yaradılması, qəsəbələrdəki tarixi abidələr və təbii ekoloji zonalar üzrə turist marşrutlarının təşkil edilməsi nəzərdə tutulur.
İnkişaf Planında kinoteatrların, xalq teatrlarının və dərnəklərin inkişafının həvəsləndirilməsi də yer alıb. Nəhayət, layihəyə əsasən, məktəb düşərgələrinin təşkili ənənəsinin bərpası, eləcə də bütün yaşayış massivlərində idman-sağlamlıq qurğularının qurulması planlaşdırılır.
İnkişaf Planında məktəblilər üçün düşərgələrin salınması sevindirici xəbərdir.
Artıq dərs ilinin bitməsinə çox az zaman qalıb. Məktəblilər hansısa bir istirahət mərkəzində istirahət etmək istəyir. Valideynlər də öz uşaqlarının yay istirahətinin səmərəli təşkilinə çalışır.
Xatırladaq ki, keçmiş SSRİ dövründə, digər respublikalar kimi, Azərbaycanda da məktəblilərin yay istirahəti üçün pioner düşərgələri fəaliyyət göstərirdi. Bundan başqa, Ukraynada "Artek", Rusiyada isə "Oqonyok" adlı ümumittifaq pioner düşərgələri də var idi ki, orada Azərbaycandan olan əlaçı şagirdlər dincələ bilirdi.
Qeyd edək ki, 1992-ci ilədək Azərbaycanda şagirdlərin dincəlməsi üçün 50-dən çox yay istirahət düşərgəsi fəaliyyət göstərib. Onların 16-sı Xəzər dənizi sahillərində, 5-i hazırda işğal olunmuş ərazilərdə, qalanı isə ölkənin digər səfalı rayonlarında idi. Amma müstəqillik əldə ediləndən sonra bu sektorda vəziyyət pisliyə doğru dəyişib.
SSRİ dağılandan sonra Azərbaycanda uşaqların yay istirahətinin təşkili sahəsində pərakəndəlik yarandı. Nəticədə istirahət düşərgələrinin bir qismi dağıdıldı və qanunsuz olaraq özəlləşdirildi, bəzilərində isə qaçqın və məcburi köçkünlər yerləşdirildi. Ümumilikdə 50-yə yaxın uşaq istirahət düşərgəsi bağlandı.
Uşaqların istirahəti üçün yenidən düşərgələrin salınması həm məktəblilər, həm də valideynlər tərəfindən sevinclə qarşılanır.
Azərbaycan Həmkarlar İttifaqları Konfederasiyasının mətbuat və ictimaiyyətlə əlaqələr şöbəsinin müdiri Nazim Ağamirov "Bakı-Xəbər"ə açıqlamasında qeyd etdi ki, Azərbaycan Həmkarlar İttifaqları Konfederasiyası və onun üzv təşkilatları olan sahə həmkarlar ittifaqları, hər il olduğu kimi, bu il də yay aylarında uşaqların istirahətinin təşkilinə ciddi önəm verir: "Həmkarlar İttifaqının nəzdində 4 uşaq düşərgəsi mövcuddur. Uşaq düşərgələrinin tikilməsi və yeni yay uşaq sağlamlıq mərkəzlərinin inşa olunması nəzərdə tutulub. Amma maliyyə sıxıntısı olduğu üçün bu məsələ həllini gözləyir".
N.Ağamirov onu da əlavə etdi ki, Böyük Bakının Regional İnkişaf Planı üçün tərtib olunan layihədə Həmkarlar İttifaqına uşaq düşərgələri ilə bağlı hələ müraciət olunmayıb.
Uşaq hüquqları üzrə ekspert Kəmalə Ağazadə qəzetimizə açıqlamasında qeyd etdi ki, uşaqların asudə vaxtının təşkili üçün aparılan hər bir iş gərəklidir: "Sovet dönəmində bu işə böyük önəm verilirdi. Xüsusi ixtisaslı kadrlar hazırlanırdı. Psixoloqlar bu işə cəlb olunurdu. O zamanlar çox az sayda uşaq düşərgərlərdən yararlanmırdı. Mən hələ beynəlxalq düşərgələrdən danışmıram".
Ekspertin sözlərinə görə, uşaqların asudə vaxtının səmərəli təşkil olunması sahəsində boşluq mövcuddur. Əslində düşərgələr var. Düşərgənin yalnız ərazisi mövcuddur. Amma orada uşaqların istirahəti üçün heç bir şərait yoxdur: "Sevindirici haldır ki, bu gün uşaqların istirahətinə diqqət ayrılır. Yaxşı olar ki, tək yay üçün düşərgələr deyil, ilin bütün fəsilləri üçün istirahət mərkəzləri salınsın. Belə olan halda, uşaqların dünyagörüşü də artar". Həmsöhbətimiz hesab edir ki, uşaqlar üçün düşərgələr salınan zaman bu sahə ilə məşğul olan QHT nümayəndələrinin fikri nəzərə alınsa, daha yaxşı olar. Çünki uşaq sahəsi ilə məşğul olan QHT-lər uşaqların daha çox nələrə maraq göstərdiyini daha yaxşı bilir.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...