TQDK buraxılış və qəbullarda yeni dəyişikliklərə başlayır

Tarix: 17.05.2014 / 10:41
Bölmə: Sosial

Azərbaycanda builki buraxılış imtahanında iştirak etməli olan 3151 şagirdin bu imtahanda iştirakı üçün vacib olan şəxsiyyət vəsiqəsi yoxdur. "Trend"in məlumatına görə, bunu Tələbə Qəbulu üzrə Dövlət Komissiyasının (TQDK) sədri Məleykə Abbaszadə dünən keçirdiyi mətbuat konfansında bildirib.
Hazırda buraxılış imtahanlarına hazırlıq işlərinin aparıldığını deyən M.Abbaszadə qeyd edib ki, ölkə üzrə 9 və 11-ci sinif üzrə buraxılış siniflərində 200 576 nəfər təhsil alır. İndiyə kimi "Şagird-məzun" elektron məlumat bazasında həmin şagirdlərin 197 165 nəfəri barədə məlumatlar şəxsiyyəti vəsiqəsi əsasında təsdiqlənib. Şagirdlərin 1,57% faizinin, yəni 3151 nəfərinin sənədləri yoxdur.
M.Abbaszadə deyib ki, XI sinif üzrə buraxılış imtahanında 85 358 şagird iştirak etməli olsa da, onlardan 84 608 nəfərinin sənədləri bazada təsdiqlənib. XI sinif şagirdlərindən 650 nəfərin sənədi yoxdur. Bu isə XI sinif üzrə buraxılış imtahanında iştirak edəcəyi gözlənilən bütün şagirdlərin 1 faizindən də azını təşkil edir.
IX siniflər üzrə sənədi olmayan şagirdlərlərin sayının kifayət qədər yüksək olmasına təəssüflənən TQDK sədri bildirib ki, Azərbaycanda IX siniflərdə 115 255 nəfər imtahanda iştirak etməlidir. Ancaq onların 112 561 nəfərinin sənədləri təsdiqlənib ki, bu da bütün IX sinif şagirdlərinin 97% faizini təşkil edir. Təxminən 2500 şagirdin isə sənədi yoxdur: "Sənədləri olmayan şəxsləri buraxılış imtahanına gəlməyə qoymayacağıq. Mən valideynlərə müraciət edərək bildirirəm ki, şəxsiyyət vəsiqələri dövlət tərəfindən verilən sənədlərdir və uşaqların imtahanda iştirak edə bilməsi üçün həmin sənədləri vaxtında əldə etmək lazımdır. Şagirdlər sənədlərini müvafiq qurumlara verdikdən sonra onlarda sənədlərin təhvil verilməsi haqqında arayış varsa, onda biz onu qeydiyyata götürəcəyik. Amma sənədlərini toplayıb həmin qurumlara müraciət etməyənləri imtahana buraxmayacağıq".
M.Abbaszadə qeyd edib ki, TQDK hansısa üzrlü səbəblərlə əlaqədar sənəd ala bilməyənlərə kömək etmək üçün yerlərə müraciət edib: "Amma bunun üçün də həmin şagirdlərin valideynləri və ya himayəçiləri sənəd almaqla əlaqədar müvafiq qurumlara müraciət etməlidir".
Tələbə Qəbulu üzrə Dövlət Komissiyası (TQDK) bu il ilk dəfə olaraq təhlükəsizliyin gücləndirilməsi məqsədilə qəbul imtahanları keçirilən imtahan binalarında mobil telefon və digər rabitə qurğularını avtomatik aşkar edən sistemin tətbiqinə başlayır. "Trend"in məlumatına görə, bunu komissiyanın sədri Məleykə Abbaszadə dünən keçirilən mətbuat konfransında deyib.
Onun sözlərinə görə, bu ildən Tələbə Qəbulu üzrə Dövlət Komissiyası qəbul imtahanlarında şəffaflığın və təhlükəsizliyin təmin olunması istiqamətində daha bir yenilik tətbiq edib.
TQDK sədrinin sözlərinə görə, imtahan iştirakçılarından kimsə qeyd olunan qurğulardan hər hansı birini aktiv edərsə, sistemin köməyi ilə onun yerləşdiyi otaq müəyyənləşdiriləcək: "Onsuz da imtahan binalarına buraxılış rejimində abituriyentlər ciddi yoxlamadan keçir. Buna görə də köməkçi vasitəni imtahan binasına keçirmək, demək olar ki, mümkün deyil. Ancaq belə bir hal baş versə, həmin imtahan iştirakçısı müəyyən olunacaq və onun barəsində müvafiq tədbirlər görüləcək".
2015-cı ildən Azərbaycanda 11 illik təhsil bazasından orta ixtisas təhsili müəssisələrinə tələbə qəbulu buraxılış imtahanlarının nəticələri əsasında aparılacaq. Bu barədə də Tələbə Qəbulu üzrə Dövlət Komissiyasının (TQDK) sədri Məleykə Abbaszadə dünən keçirdiyi mətbuat konfansında bildirib.
Onun sözlərinə görə, bu il ilk dəfə olaraq bu mexanizm 9 illik təhsil bazasından orta ixtisas təhsili müəssisələrinə tələbə qəbulu üçün tətbiq ediləcək. TQDK 11-ci sinifdən orta ixtisas təhsili müəssisələrinə tələbə qəbulunu bu mexanizmlə aparmaq üçün builki qəbulun nəticələrinə baxıb həmin mexanizmi təkmilləşdirməyi planlaşdırır.
M.Abbaszadə əlavə edib ki, gələn il buraxılış imtahanlarının sayı artacaq: "Bu barədə 2 il əvvəl elan verilib. 2015-ci ildə buraxılış imtahanlarında 1 fənn artırılacaq. Gələn 9-cu sinifdə əlavə olaraq "Azərbaycan tarixi", 11-ci sinifdə isə 2 fənn -"Kimya" və "Azərbaycan tarixi" fənləri olacaq. Amma bu, seçim əsasında olacaq. Kimsə kimyanı, kimsə də Azərbaycan tarixini seçə biləcək. Bu layihə ekspertlər tərəfindən və Təhsil Nazirliyi ilə razılaşdırılıb. Amma hüquqi qaydalar hələ dəyişməyib".
TQDK sədri onu da qeyd edib ki, builki buraxılış imtahanlarında 9-cu sinif məzunlarına 60 sual təqdim ediləcək. Hər bir düzgün cavab 1 balla qiymətləndiriləcək. Şagirdlər həmin imtahanda maksimum 60 bal toplaya bilər.

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...